الله ينتقم من العفشجى

**alaasal** · 24-03-2012 04:27 PM

السلام عليكم و رحمة الله
الله ينتقم من العفشجى
من شهرين كده حسيت ان العفشه بايظه و رحت للعفشجى بتاعى
كان عندى العربيه من ورا اساسا كده واطيه و لما حد بيركب بتلزق ع الارض و بعدين لقيتها من الامام بترزع
رحتله و كان جايلى فلوس قلت لما اظبط العفشه و اخلص

لقيت فى مساعد من اللى اقدام ضرب خالص و طنت حاسس ان اللى ورا خفاف
ق
فقلتله بص اا هاجيب 4 مساعدين جداد و رحت جبت 4 كورى ب 950 جنيه و عملنا جلب المقصات فيرنا
و امشى بالعربيه زى الزفت
950 مساعدين + تيل قرامل 65 + جلب المقصات 100 + مخرطه للجلب و عملت الطنبوره 100 + بيض المقصات 70 و قاللى هانلركب بيليتين بين المساعدين اللى قدام و البطاحات جبتهم ب 90 جنيه
المهم رجعتله تانى
قاللى هانشيل جلد التعليه و نجيب بطاحات و لاقه الدركسيون فيه بوش
بطاحتين 140+جلدين مساعد كداب 20
و حل القطمه و كبسناها و 100 % و بصراحه حكم العفشه قوى
الكلام ده كان عدى حوالى 45 يوم على اول مره
و مشيت لكن لسه برده الرزعه اللى قدام
المهم الميكاننيكى فقاللى المساعد ده بايظ

و فعلا المساعد باظ بعد شهر من تركيبه
و رجعت للعفشجى و اشتريت مساعد استيراد ب 130 جنيه و غيرته
و لسه برده العربيه من ورا واطيه

قاللى هانغير اليايات اللى ورا و هانجيب يايين 132 و فعلا غريهملى

130 مساعد + 150 يايات
و انا بصراحه قرفت و زهقت

العقشه صرفت حوالى 2000 جنيه

و الغريبه ان كل اللى شاف المساعدين اللى انا شيلتهم يقولى دول سلام و تمام و مش عايزين حاجه و غيرتهم ليه

حتى بتاع الاستيراد قاللى ماترمهمش و دول خساره

طبعا بيتكلم على ال 3تلاته الالاى قدام شمال و ال 2 اللى ورا

بس انا بصراحه زهقت
و لسه عايز اشترى كمبروسيور للتكييف الل اخد عين الصيف اللى فات

**MITSUKERO** · 24-03-2012 04:34 PM

ربنا معاك والله العفشة دي بتجنن

**tarek_2005** · 24-03-2012 06:07 PM

ايه الي انتا عملته ده
لابد من البحث بدقة عن سبب الشكوي قبل تغيير اي شيئ لان قطع الغيار الجديدة اصبحت مشكوك فيها فالتغيير بيكون في اضيق الحدود
اسف وسامحني في التعبير
العفشجي قال دا راجل معاه فلوس نعمل شوية شغل بدل الحال الي واقف اليومين دول ابحث عن مصدر الرزعة وحدد قطعة الغيار التالفة وغيرها فقط
متزعلش من كلامي بس والله انا مستحرم الي انتا دفعته بدون لزمة

**popahly** · 24-03-2012 06:31 PM

حرام يا أخى والله، أولاً انت عملت اكتر من حاجة غلط متزعلش منى، المساعد ميتجابش إستيراد، وبعدين إنت مدخلتش عملت التوبيك دا ليه قبل متعمل حاجة كان الناس هنا نصحوك بمليون حاجة، وكنا نصحناك قبل متصرف كل المصاريف دى، عموماً دا مش تقطيم ولا إحباط ليك، بس الواحد مبيتعلمش ببلاش، ياريت تعرف العيب فين بالظبط وروح لعفشجى تانى، وأوعى تركب حاجة للانوس مش بتاعتها مهما كان، الحمد لله قطع غيارها كلها موجودة...

والله يعينك وأسف على كلامى...

**Elkordy2000** · 24-03-2012 08:33 PM

يا باشا النوبيرا والانوس اساسا عفشتها خفيفة جدا من الامام انا كنت زيك كدة فاكر انة في مشكلة في العفشة بس لما سالت قالوا لي هي كدة بتهبد في المطب من الامام

**S.Hasan** · 24-03-2012 11:04 PM

المشاركة الأصلية كتبت بواسطة tarek_2005

ايه الي انتا عملته ده
لابد من البحث بدقة عن سبب الشكوي قبل تغيير اي شيئ لان قطع الغيار الجديدة اصبحت مشكوك فيها فالتغيير بيكون في اضيق الحدود
اسف وسامحني في التعبير
العفشجي قال دا راجل معاه فلوس نعمل شوية شغل بدل الحال الي واقف اليومين دول ابحث عن مصدر الرزعة وحدد قطعة الغيار التالفة وغيرها فقط
متزعلش من كلامي بس والله انا مستحرم الي انتا دفعته بدون لزمة

+111111111111111

**alaasal** · 25-03-2012 09:51 AM

معاكم حق كلكم
بس فعلا المساعد اللى قدام كان باظ والميكانيكى اكدلى كده
و العفشجى ربنا ينتقم منه و كل الاستيراد اللى جبته هو اللى جبهولى
مع ان فى واحد عنده محل قطع غيار قاللى مافيش مساعدين كورى فى السوق و و كله مضروب و قاللى خد اليابانى ب 1300 جنيه احسن
ربنا يسهل بقى
طيب دلوقتى انا عايز كمبروسيور

و ايه رأيكم فى موضوع يايات ال 132 اللى ركبهمولى ورا ده؟؟؟؟