تجربتى انبارح مع بلطجيه وهل انا صح ولا غلط

**MohaMed_Refaat** · 25-03-2012 12:34 AM

المشاركة الأصلية كتبت بواسطة ghamrawy

الله ينور عليكما

+10000000000000000000000

**alaasaid** · 25-03-2012 11:11 AM

بارك الله فيك , اللى عملتة دة صح تماما

**احمد المصرى** · 25-03-2012 12:12 PM

المشاركة الأصلية كتبت بواسطة ashouhdy

كنت حضربة وامشى بس انت اجدع منى انك طلبت الشرطة

والله ولا اجدع ولا حاجه يا باشا بس الواحد من خنقته كان عايز يموته ارفنا من البلطجه

المشاركة الأصلية كتبت بواسطة ahmedsrs

هو دا النظام الجديد لحية وجلبية وشماغ وبرقع مخبى البلطجية والمجرمين

والله دى قله ادب وبيخلى الشيخ ال بجد مشكوك فيه حسبى الله ونعم الوكيل فيهم

المشاركة الأصلية كتبت بواسطة hm414

لا حول ولا قوة الا بالله

بص
الحقيقه عن نفسي يعني مكنتش هعمل اقل من اللي عملتوه

انا من كام يوم كنت رايح اركن فحتة كل مره بركن فيها عمره محد كلمني
لقيت واحد جايلي بيقولي ايوة
رحت فاتح الشباك وقلتله انت سايس هنا
قالي اه ياباشا
قلتله يكون فعلمك انا مبديش لسايس ولا ربع جنيه فمتقفليش هنا
راح قالي اللي بيدي ربنا قلتله يديك ويدينا ياسيدي

ورحت نازل وقافل عربيتي

ورجعت ولا الهوا ولو قرب مني ممكن اكله فيها

فمابالك لو خبطلي عالعربية انا ممكن مش ادوسه وبس دنا مش هتطمن الا لما افرمه تحت الكاوتش فرم

وموضوع القسم انت بتقول هل انتم مفتريين؟؟؟
هرد واقولك تفتكر انتو 10 وهوا واحد مين فيكم صح؟
هل معقول كلكم غلط؟؟
وبعدين كده كده مابني على باطل فهو باطل
هوا جه بيأجرلكم ارض مش ملكه تفتكر لو حد كسرله دراع هيبقى مفتري؟؟؟

تحياتي

والله ال انت عملته دا اقل واجب واحنا كنا 10 على الاقل وكلنا مجتمعين على نفس الراى

المشاركة الأصلية كتبت بواسطة rompo10

كل اللي عملته صح وكل الناس دلوقتي بتتخفي وراه اللحيه

دا الحاجه ال كانت منرفزانى جدااااااااااااااااااااااا اااااااا

المشاركة الأصلية كتبت بواسطة axel

يا باشا ده اللي انتوا عاملتوه معاه بالنسبة اللي كنت هعمله و لا حاجة ده انا كنت علقته من قفاه و خليت كل واحد نفسه يتعلم الضرب يجي يجرب

و يومها لما كنت مع د كتور حازم hm414 بخصوص السايس فعلا لقيناه ناطط زي عفريت العلبة يعني شوارع تعتبر داخلية بين العماير السايس راشق نخلص من سايس نلاقي عالم .......يقولك متركنش هنا حاجة تقرف

المره الجايه هتعلم فيه الضرب بس هو فعلا اخد ال فيه النصيب واكتر

المشاركة الأصلية كتبت بواسطة تامر.محمد

و الله انتوا رجالة !

ربنا يكرمك يا باشا

المشاركة الأصلية كتبت بواسطة طارق المحلاوى

والله برافوا عليك
لوكل واحدعنده حق عمل زيك كدة البلد هتنضف ونخلص على البلطجيه فورا ..
بس للاسف الخوف وتكبير الدماغ وتواطوء الشرطه مش هيخلوا البلد تنضف ابدا ..
مره تانيه برافو عليك

والله الشرطه على قد ما هيا كانت ايجابيه معانا بس برضوا مش كفايه خالص لسه فى اكتر من كدا بكتير جدااااااااااااااااااااااا

**احمد المصرى** · 25-03-2012 12:20 PM

المشاركة الأصلية كتبت بواسطة ghamrawy

الله ينور عليكما

وعليك يا باشا

المشاركة الأصلية كتبت بواسطة assassin

صح طبعا اللي إنت عملته وتسلم ايد ابن خالتك على الكم بونية دول

الله يسلمك يا باشا ربنا يخليك

المشاركة الأصلية كتبت بواسطة rockana9112007

ياباشا جزاك الله عننا خير

لانك كدة ساهمت انك تجنب ناس شر البلطجية دوووووول

والله يا باشا فعلا الموقف كان مستفز جدا مينفعش معاه غير كدا بجد لاى اى تصرف تانى كان هيكون سلبى لاقصى حد

المشاركة الأصلية كتبت بواسطة horas3000

ربنا يكتر من امثالكم
اللي انتم عملتوه هو صح الصح

ربنا يخليك يا باشا

المشاركة الأصلية كتبت بواسطة ahmed_mido1889

يا باشا انا معهدي اللي جنب عماد راغب

جه واحد وقف قدام المعهد وقالك انا هنا ودي تبعي الكلام ده من فتره

كنت انا و3 صحابي معانا 3 عربيات

قمنا مدينله ربع جنيه قولناله حساب ال3 عربيات

من بعدها مجاش تاني

لما جه يتكلم لقي المعهد كله قدامه

انا اعرف المعهد دا بس فعلا اصبحت حاجه مستفزه جداااااااااااااااا والحمد لله انك برضوا وقفتوله احتمال يكون هو نفس الشخص والله

المشاركة الأصلية كتبت بواسطة magedtiti

الغلط انك تدفع فلوس لواحد بلطجى دلوقتى كل مالواحد يركن فى اى مكان يطعله واحد ويقله الركنه هنا بفلوس وكأن شوارع مصر كلها اصبحت ملكيه خاصه لشويه بلطجية ويريته حتى بيمسح العربيه عشان يحلل الفوس اللى بيخدها.

كل العملته صح جداً ويريت كل الناس تعمل كده ومتدفعش اتاوه للبلطجيه

المفروض اننا جميعا نقف للناس دى لان واحد لوحده مش هيعرف يعمل حاجه برضوا لازم كل الناس تقفلهم

المشاركة الأصلية كتبت بواسطة land_cruiser

حضرتك ما عملتش حاجه غلط بل بالعكس احتمال انه يخاف و ما يرجعش يبلطج على المصلين تانى فى الكان ده يعنى انت كده بتدفع اذى. عن الطريق و لو كل واحد عمل كده مع بلطجى هيتلموا

لو شفته تانى اعتقد انه هقتله دا اقل واجب بجد والجمعه القادمه ربنا يسهل ان شاء الله واشوف هيحصل ايه

**احمد المصرى** · 25-03-2012 12:22 PM

المشاركة الأصلية كتبت بواسطة alaasaid

بارك الله فيك , اللى عملتة دة صح تماما

الله يخليك يا باشا

**المنسي** · 25-03-2012 12:41 PM

بجد نفسي الواحد يخلص من كل شبر يطلع منه عيل ويقولك انا سايس خلاص بقت سبوبة انا مكدبش عليك انا لما بلاقى حد زى ده باديله اللى في النصيب بنية الصدقة وبقول لنفسي احسن مايمسك سلاح ويطلع عليا

**kar!m** · 25-03-2012 04:12 PM

ما تيجوا نتجمع كلنا 20 - 30 واحد مثلا .. و نتفق نروح حته عارفين ان فيها سايس بصفه مستمرة .. و نركن كلنا و محدش يدفع .. و نشجع الناس ان محدش يدفع .. و نقف كلنا قصادهم و نقول لهم انهم نصابين و ان ملهمش أى حق فى الفلوس اللى بياخدوها دي.

كذا مره كده ننشر الثقافه دى بين الناس .. و نلغى الفئة دى من المجتمع.