الموضوع: تجربتى انبارح مع بلطجيه وهل انا صح ولا غلط

المشاركة الأصلية كتبت بواسطة المنسي

بجد نفسي الواحد يخلص من كل شبر يطلع منه عيل ويقولك انا سايس خلاص بقت سبوبة انا مكدبش عليك انا لما بلاقى حد زى ده باديله اللى في النصيب بنية الصدقة وبقول لنفسي احسن مايمسك سلاح ويطلع عليا

انا معاك انك تديله ال فى النصيب بنيه الصدقه بس مش بالعافيه يا باشا دول اشكل استغفر الله العظيم منهم

المشاركة الأصلية كتبت بواسطة ehab

بجد برافو عليكم
لو مكنتوش عملتوا كدا كنتوا هتخلوه يفضل يبلطج علي الناس

دا ال فكرنا فيه بجد علشان نخليه يحرم يعمل كدا تانى بجد

المشاركة الأصلية كتبت بواسطة شريف

مادام عندك القدره انك توقفه عند حدة متدرددش
الناس بتسكت علشان بيبقي في ستات راكبه معاها او مريض او مستعجل
بس اللي يقدر يوقفهم عند حدهم خلاص يدوس

احنا كنا 2 والناس والحمد لله كانت ايجابيه وبقينا كتير عليه علشان كدا عرفنا نعمل حاجه معاه

المشاركة الأصلية كتبت بواسطة kar!m

ما تيجوا نتجمع كلنا 20 - 30 واحد مثلا .. و نتفق نروح حته عارفين ان فيها سايس بصفه مستمرة .. و نركن كلنا و محدش يدفع .. و نشجع الناس ان محدش يدفع .. و نقف كلنا قصادهم و نقول لهم انهم نصابين و ان ملهمش أى حق فى الفلوس اللى بياخدوها دي.

كذا مره كده ننشر الثقافه دى بين الناس .. و نلغى الفئة دى من المجتمع.

المفروض ان الثقافه دى تكون الطبيعيه بين الناس وكل الشعب يكون ايجابى مش سلبى علشان فعلا مصر تتقدم

المشاركة الأصلية كتبت بواسطة mrwho1982

انت طيب قوي

اعرف واحد هو واخوة مسكو واحد زي صاحبنا ده كتفوة ورموه ناحية التبين..بعد حلون كده بشوية .. في وسط الصحرا بعد علقة موت وكام اليكتريك حلوين

والله رجاله بس صعبه اوى ان الواحد يعملها بصراحه بس اكيد هو يستاهل