شقة زهراء م.نصر خلف مخازن السلاب امام سنترال م.نصر 3

هبيع شقتي بكل أسف
110 متر
3 غرف و صالة
بزهراء مدينة نصر خلف مخازن السلاب
الدور الرابع
ناصيه - جميع الغرف مطلة على شارع رئيسي أو جانبي - تدخلها الشمس من جميع النواحي
العمارة خالصة البناء و التشطيب الخارجي و جاري التشطيب الداخلي
الشقة تشطيبها طوب فقط
الكهربا هناك مدخلتش رسمي بس صاحب البيت متعهد انه يدخلها مباشرة بعد ما العمارة تخلص تشطيب داخلي من غير ما يرجعلي و المصاريف عليا .. لانه واخد مني ايصال امانه ب5 الاف عشان الكهربا و 3 الاف عشان الاسناسير .. طبعا المبالغ دي هتضاف على ثمن الشقة دلوقتي او الايصالات تتنقل من عليا تبقى على المشتري الجديد ان شاء الله
مطلوب 110 نهائي ... يوم لما مضيت العقد كان سعرها 120الف ده من حوالي سنتين ... لاني كنت متفق مع صاحب البيت قبل ما يبني العمارة لما كانت مجرد ارض ... و كان عاوز يزود عليا بعد ما ابتدى يبني بس انا تمسكت بالاتفاق الاول
01224863223

نظام الشقة من الداخل
http://a5.sphotos.ak.fbcdn.net/hphot..._8213511_n.jpg

موقع العمارة على جوجل مابس

موقع الشقة على جوجل
http://maps.google.com.eg/maps/ms?ms...05256,0.006899

ربنا يبارك فى بيعها

في شارع ايه بالظبط
وبعد تقاطع حسني مبارك ولا قبل

بعد حسني مبارك ... رابع عمارة
شوف الخريطة
[url=http://g.co/maps/zw3z2]

هيه كده جوه ناحيه العزبه حسب الخريطه صح ؟

لا العزبة الناحية التانية خالص
انا ناحية الدائري و موقف الاتوبيسات و الشبراوي
قدام سنترال مدينة نصر 3 بالضبط
http://a7.sphotos.ak.fbcdn.net/hphot...92020838_n.jpg
الشقة عند اللاند مارك قدام السنترال ... العزبة لسع بعيد عند المثلث
على فكرة فرق السعر بين الجنب اليمين و الجنب الشمال لشارع السلاب تقريبا الضعف !!
انا كان بيتعرض عليا شقق ب60 و 50 كمان
لكن طبعا موقع سيئ جدا شوارع ضيقة جدا
المستوى في المنطقة منخفض جدا
الشقق نظامها وحش جدا و ملهاش منفذ لشمس و الهواء الا منفذ واحد في كل الشقة !!!
انا كنت ببقى في عز الظهر و مش شايف ايدي جوا الشقة !!!
عشان كده راعيت جدا النقطة دي في شقتي ... كلها بتطل على الشارع و يدخلها الشمس و الهواء من كل الجوانب

ممكن حضرتك توضح موضوع الكهرباء
وبعد اد اية هيكون ليك عداد منفصل
لان تقريبا المنطقى دى كلها عداد مجمع للعمارة كلها ولا انا فاهم غلط
وشكرا

اقتباس:

---

المشاركة الأصلية كتبت بواسطة hazemhassan

ممكن حضرتك توضح موضوع الكهرباء
وبعد اد اية هيكون ليك عداد منفصل
لان تقريبا المنطقى دى كلها عداد مجمع للعمارة كلها ولا انا فاهم غلط
وشكرا

---

وياريت سؤال تانى سخيف بس مهم بالنسبالى
هل فيه رخصة مبانى ؟
ولو فيه لحد الدور الكام ؟

شكرا للتوضيح يا هيثم

طيب انا ممكن اكلم صاحب العمارة و استفسر منه على ميعاد تركيب الكهرباء
انما اللي متاكد منه انه هيركب في كل شقة عداد منفصل
في عماير فعلا راكب فيها عداد واحد و بيجي وصل واحد و معاه غرامات لان حتى لو كل الاستهلاك معدي على العداد انما ده قانونا غلط .. لازم كل وحدة-شقة يعني- يبقى ليها عداد منفصل
عندي كل شقة بعداد و شفت فعلا شقق راكب فيها عدادات في عمارة لنفس الراجل صاحب عمارتي
===============
طبعا مفيش رخصة دي منطقة تعتبر عشوائية
و سمعت ان اللي فوق الخامس ممكن يزال او ميدخلوش كهربا
لكن كل ده عرفت انه مش صحيح
و على كل الاحوال انا كنت عايز في الدور الثالث بالكتير لكن ملاقيتش و اخدت بالعافية في الرابع
في نقطة تانية مهمة
الاراضي دي اصلا وضع يد .. بيرفعوا قضية يكسبوها و تبقى بتاعتهم مبدأيا
لازم بقى يشتروها من شركة مدينة نصر للاسكان و التعمير ... من الحكومة يعني
شقتي كده .. بس طبعا من غير رخصة
في شقق تانية معاهم حكم وضع اليد بس و مش شاريين الارض ... و ممكن بعد كده اتحاد الملاك يضطروا يدفعوا ثمن الارض مع بعض ... و في شقق تانية مش بيبقى معاهم حتى حكم بوضع اليد
و في اي حال من الاحوال مستحيل ان يحصل ازالة لدور واحد حتى
انما الاحتمال ان يبقى في غرامات على العمارة حسب الوضع القانوني ليها
و الحمد لله عمارتي احسن وضع قانوني ممكن ... حكم بوضع اليد و عقد شراء من شركة مدينة نصر للاسكان و التعمير
و في انتظار اي استفسارات
:)