الفرق بين المصريات و الكنديات في عالم الاستشارات
صديقي اللي عايز يتجوز البنت السوريه لو فاكرينه كان عايز استشاره في مجال ما و مش لاقي حد يستشيره فقلتله سيب الموضوع ده عليا
بالصدفه البحته عندي صديقتين علي الفيس
واحده مصريه (27 سنه) و عايشه في اونتيريو في كندا
و التانيه كنديه (32 سنه) و عايشه في كاليفورنيا في امريكا
و الاتنين يفهموا في المجال ده
فقلت اسألهم فبعتلهم رسالتين بنفس الصيغه و سألتهم عن الموضوع و علي الاتعاب و كده و بعد 48 ساعه جالي الرد تباعا من الاتنين
المصريه ردت رد في منتهي التناكه و طالبه مبلغ فاحش و مبالغ فيه و انا اصلا شاكك في خبرتها
الكنديه ردت رد في منتهي الاحترام و سألتني عن التفاصيل بالظبط و كده
طبعا رديت علي المصريه و تغاضيت عن التناكه و اعترضت علي الاتعاب فرفضت بطريقه غير لائقه بالمره
اما الكنديه فبعتلها التفاصيل و بعدها باقل من 48 ساعه جالي ردها بالتفصيل الممل فسألتها ابعتلها اتعابها ازاي فاصرت انها مش عايزه فلوس اصلا و انا مبسوطه اني قصدتها في الموضوع ده دون عن غيرها
لو انت مكاني ماذا تفعل ؟