الموضوع: رأى top gear فى ال hyundai veloster

المشاركة الأصلية كتبت بواسطة yasserelsayad

+1111
انا فعلا لما شوفت 30 حصان دى اتفاجئت
دا فعلا رقم كويس جدا يحسب عشان الحاجات اللى formulator قلها

انت فين يا أستاذ انت, بتختفى كده ليه..؟؟!!!
أزيك يا ياسر وعامل أيه؟؟

المشاركة الأصلية كتبت بواسطة ashouhdy

على فكرة فورميولاتور انت بتناقض نفسك
وبتقول حصان كورى وحصان اوروبى
ولما تيجى على الاوروبى تقول اصل دى دفع خلفى وفتيس اوتو

مفيش تناقض ولا حاجة يا شهدى..
وهى الأمثلة الأوروبى اللى قولناها كلها بتفقد أرقام عادية جدا Within The Limits
والقواعد معروفة أنا مش بافتكس حاجة من عندى.

المهم فقدت ام لم تفقد

لأ طبعا
المهم فقدت كام %؟؟!!! بالنسبة لهندستها.. نظام الدفع, الفتيس والـDrivetrain

طب مثلا مالسيراتو فتيس 6 سرعات والالنترا 6 سرعات بس امامى حتفقد كام
؟؟؟

الـRule of Tumb القاعدة عند الشركات والـExperts/ الـTuners بتقول أيه يا شهدى..
عربيات دفع أمامى من 100-200 حصان:

- بتفقد 12-15% لو الفتيس مانيوال (ده المتوسط).. أفضل رقم 8% لو هندسة متطورة أوى, واسوأ رقم 18% لو عربية تعبانة.
- بتفقد 18-25% لو الفتيس أوتو (فـ المتوسط).. أفضل رقم 10% لو عربية عالية, وأقل رقم ممكن يوصل لـ30% لو هندسة مضروبة.

تعالى بقى نشوف السيراتو عـ الدينو (لحد ما واحد يتكرم ويرفعلنا النترا عند عادل وجدى ):
أفضل Run طلعت 92 حصان, واسوأ قراية كانت 89 حصان.. يعنى بنتكلم فـ 25-28% Loss؟؟؟!!
يعنى واحدة على الـUpper-Limit للأسوأ, والتانية فى رينج الهندسة الضايعة.. هههههههههههه

المشاركة الأصلية كتبت بواسطة Hosam_Optrawy

بس انت كلامك كله معناه ان الكورى بس هو اللى الاحصنه بتاعته فشنك واى عربيه من اى شركه تانيه تتحط عالداينو تديك الاحصنه كلها وفوقيها بوسه

لا يا حسام انا مقلتش كده.. أنا بقول (بالنسبة للكورى):
- يا اما الأحصنة من على الـFlywheel مش هى الرقم الـacclaimed.. وهيونداى-كيا كذابين..؟!!
- أو هى فعلا كده والرقم صحيح.. لكن فاقد الباور لحد ماتوصل للعجل كبيييير جدا, أعلى من الـaverage المتعارف عليه للشركات الأوروبية..؟؟!!!

والأثنين اسوأ من بعض.. بتبيعلى أحصنة كورى,
أو مش عارف توصل نسبة جيدة من الأحصنة للعجل (لو هى صحيحة من عـ الـFlwwheel).

وبرضه لتانى مره محدش قال ان دا انجاز ولا هانقارن مواتير هيونداى ببى ام دا حتى يبقى ظلم كبير لهيونداى , اما باقى الشركات الاوروبى واليابانى ينافسوها يبقى ساعتها نتكلم على هيونداى/ كيا اللى لسه بيقولوا يا هادى
وعلى فكره الفئه التالته الجديده 328 نزلت 5 حصان بس , الحق يتقال برضه

برضه مش صحيح يا حسام
شركات أوروبية كتيييييييييير بتوصل الـFlywheel هورسباور بكفاءة عالية جدا للعجل.. مش بس BM.
أنا مش هجيبلك Dyno-Run من اليوتيوب:

- مواتير الـTSI لما شركات التعديل الشهيرة زى ARP, ABT اللى بتعدل فولكس بتقيسها قبل الـTuning وبتلاقى أرقام عالية جدا..
لما الـGTi المفروض Crank تطلع 210 حصان, يلاقوها Wheel بتطلع 206-208؟؟!!! أيه ده..
- الألفا Giulietta 1.8 TBi لما تقرأ على العجل 225 حصان, من أصل 235 BHP.. دى الـDyno-bull بتاع شركة Novitec الألمانية الشهيرة (بتعدل ألفا, فيررارى, مازيراتى بس).
يعنى فقدت 10 حصان بس.. والـOwners كانوا زعلانين جدا على فكرة
هتقوللى دى مواتير تربو-تشارج.. هقولك نفس الكلام فى مواتير الأودى FSI الـN/A, ومواتير الفورد الـDuratec العادية برضه.

لا يا بيه, ده واااااااااضح جدا ان فيه اختلاف فـ طريقة القياس والـacclaimed للشركات دى..
ماتقوليش انهم مابيعملوش Under-rating لبعض العربيات (متعمدين), بيقولوا أرقام أقل من الفعلية لأغراض تسويقية مثلا..؟؟!!!
أو هما فعلا مفهوم الهورسباور عندهم WHP, ودايما بيضبطوا الـBHP أنها تطلع أعلى, بحيث اللى يوصل للعجل: أقل حاجة بسيطة
(ده طبعا غير هندسة الـTrans/Drivetrain loss)..

المشاركة الأصلية كتبت بواسطة ashouhdy

وانا قلتلك على الفلوينس قلتلى اصل دى مش مقياس !!! امال مين المقياس فى الاوروبى عندنا فى مصر

كل العربيات اللى قولتلك عليها فى مشاركة (مفيش أوروبى تحت 200 ألف).. مقياس.

وقلتلك ان الفلوينس 107 حصان اوروبى على ابوة و وزنها 1250
ومطلعتش من الكارينز البطة على فكرة ام وزن 1550 كيلو وموتور مضروب 124 حصان كورى !
اة وفتيس اوتو كورى مضروب !!! حلها انت بقى
وقولى بقى اصل الفاقد والتالف والطالع والنازل !!!

أنا معرفش الأرقام ياشهدى, والصراحة شاكك أصلا انها أسرع.. بس فيه حاجة,

مش هقول تركى مش فرنساوى والكلام ده... لكن (وأنا دايما فـ دماغى بقارنها بالميجانII):
موتور وفتيس (وحجم) الفلوينس ظالمينها جااااااااااامد جدا..؟!!
- يعنى ايه موتور الميجان كان 110-115 حصان, وتنزل الجيل الجديد 105 حصان؟؟
- يعنى أيه فتيس 4-سرعات أوتو عقيم وقديم وقاتل التسارع بتاع العربية.
- ليه غير الـTorsion-Beam Setup بتاع عفشة الميجان الراااااااائع, للـSetup الغريب اللى عامل زى اليابانى ده (تقريبا شغل نيسان).

ورغم كل ده, الفلوينس عربية محترمة.. مش Engaging زى الميجانII فـ سواقتها.. بس Value for Money وسعر جيد.

المشاركة الأصلية كتبت بواسطة Hosam_Optrawy

يعنى البى ام نزلت 30 حصان يعنى حوالى 10 %

الجينيسي مثلا نزلت 60 حصان من 424 HP يعنى 14 % ودى دفع خلفى زيها وفتيس Torque Converter ووزن اتقل
الوزن مش عامل ومالوش أى تأثير فى الـDyno-Run يا هندزة.


يعنى لو اعتبرنا ان رقم البى ام كويس جدا زى ماقولتو

يبقى رقم الجينسيس كويس من غير جدا او حتى نعتبره رقم عادى , مش احصنه كورى ومضروبه والكلام دا

دا كان قصدى

خد بالك ان العربيات الـRWD من 200-400 حصان ليها قراءات ونسب مختلفة سيكا, مش بس مختلفة عن الـFWD,
لأ.. دى غير حتى الـRWD بمواتير صغننة زى الـ316/320 مثلا..!!

بس Ok, النتيجة فـ الآخر ان:
الـGenesis فقدت 14%, والبيمر فقدت 10%.. وده تفوق جاااااامد فـ هندسة الـDrivetrian ونظام الدفع ككل للـBM.
عايز أقولك: انت ممكن تلاقى الجينيسيس أقل عربية فى فئتها فـ الجزئية دى (يعنى أكثر عربية بتهدر باور من الكرنك للعجل)..
يعنى: ممكن تلاقى الـMerc والليكزس مثلا بيهدروا أرقام أقل من دى بكتييييييييييير, وقريبة من الـBM..؟!!
ههههههههههههههههه
أوعى تزعل منى يابرانس, انت حبيبى.

المشاركة الأصلية كتبت بواسطة yasserelsayad

وبعدين هى حسب كل عربية يعنى انا اكتشفت انهارده ان gen2 مثلا بطلع على الدينو 76 حصان بس من اصل 108 حصان تقريبا

+1
هو أنا شوفت واحدة قبل كده (متعدلة جااااااااااااامد) عند عادل وجدى, وكانوا بيقيسوها ستوك..
كانت مطلعة whp تقريبا 87-90 حصان حاجة كده iirc؟؟!!! من أصل 107/110 حصان يبقى 18% Loss يا ياسر.. (كتير برضه).
مع الأخذ فـ الأعتبار العربية جديدة ولا لأ, البنزين, وظروف الجو (فـ كل العربيات طبعا).


Regards,