لو حد عايز يجى معايا

انشاء الله بكره الأثنين انا رايح التوكيل - فى الأسكندرية لو حد عايز يجى معايا او اسأله على اى حاجه يقولى عليها ؟
انا معايا النترا 2007 وليا كام ملاحظة عليها عايز اقولهم عليها بكره وهى:-

1- الطارة مش معدوله بالظبط ( يعنى وانا ماشى فى خط مستقيم بيكون شكل الطاره معوج شويه ) مش عارف ده ليه علاقة بالزوايا ولا لأ.

2- وحدة الرفع مش شغاله ( اشتغلت أول يوم فقط )

3- السنتر لما بيقفل ممكن ان حد يفتح الباب من جوه عادى جدا (طبعا فى وجود جودى هانم الوضع بيبقى مقلق جدا لأنها بتحب تقعد قدام)

4- ساعات كده باسمع صوت زى مايكون رعشه او حاجه بتخبط فى حاجه - فى اقصى الجزء الشمال من التابلوه..

غير كده العربية ماشاء الله عليها زى الفل

بس ده او تعامل ليا مع مستر غبور ومش عارف اتعامل معاهم ازاى فى الجاجات اللى قولتها دية؟؟

فياريت النصيحه

بألف سلامة وبالتوفيق إن شاء الله يا أستاذ محمد ... أهم حاجة أنك تبلغ المشاكل اللي سيادتك ذاكرها فوق لمهندس الأستقبال ولا تتهاون أثناء تسليم العربيه فى أى نقطة منهم ... زى ما سلمتهم ... تستلمهم منه ... وخليك حازم معاهم ... علشان هما كعادة المصريين للأسف ...عايزين يخلصوا والسلام ... وأهي عربيات بتتعد عليهم فى المركز ...

اقتباس:

---

وحدة الرفع مش شغاله

---

عادي ... علشان دي الحاجة الوحيده اللي بتركب فى مصر ... :oops: :cry: :oops:

تحياتي للجميع ...

م/ حسام منير

تحياتي لـ"جودي" هانم

ونصيحه يا ريت تخليها دايما في الخلف وتكون رابطه الحزام كمان وربنا يخليهالك يارب