محتاج كربيراتير 127 ايطالى جديد

**aliyehia** · 25-03-2012 09:31 AM

الاخوه الافاضل
السلام عليكم
اعتذر اولا لو سؤالى قديم او مكرر
انا معايا فيات 127 ايطالى مو 1976 و بوضب فيها علشان اركبها
الميكانيكى بتاعى شاطر و ثقه و عمل كل حاجه ممكن تتعمل فى المحرك
لكنه طلب ان الكربيراتير يتغير بواحد استيراد لان بتاعها حالته مش ولا بد
و حيث انى افضل دايما الجديد اذا وجد
فهل ممكن الاقى كربيراتير 127 ايطالى يكون جديد و فين و بكام
و لا لازم الاستيراد و يعمل كام و شكرا

**bodeee2010** · 25-03-2012 10:44 AM

أخى الفاضل الميكانيكى ده فين او رقمه كام انا معايا فيات 127 مو 1987 بتجيب زيت من تحت ومحدش عارف منيييييييييييين؟

**aliyehia** · 05-04-2012 10:56 PM

انا اسف لسه قارى الموضوع النهارده
الميكانيكى فى القاهره فى عابدين قريب من وزاره الداخليه
لو قريب منك و سهل تروحله ابعت لى على الخاص و انا اشوفلك رقمه
بس للعلم هو غالى فى مصنعيته لكن ما يسبش حاجه تطلع من تحت ايده نص نص

**Ahmed_selmy** · 11-05-2012 10:46 PM

فى واحد قسمه الدقاق فى التوفيقيه متخصص فى الفيات ممكن تروح تسأل هناك
ولكنى اشك انك تلاقى لانى بيقيت ملاحظ فى الفتره الاخيره ان الحاجات بتاعه العربيات بتعتنا القديمه دى بقت عمله نادره واحيانا بدور كتير على اما الاقى الحاجه غير زمان زى ما كانوا بيقولوا قطع غيارها عند البقال من كتر ماهى متوفره
لو مكانش بقى عليك وعلى عزبه شلبى فى المطريه قطع غيار مستعمله او استيراد