-
طلب مساعدة في جولف 4
السلام عليكم ورحمة الله وبركاتة
دي اول مشاركة في المنتدي الرائع عن مملكة الفولكس فاجن , انا كنت في سوق العاشر امبارح وشفت عربية جولف موديل 2000 ’1400سي سي , راشه جناب وحالتها مقبولة ماشية 160الف كيلو . بس انا معنديش خبرة جامدة في موضوع الموتور خاصة اني سمعت صوتة عالي نسبيا , المهم العربية كانت مع واحد كبير في السن وطالب فيها من النهاية 66 دة بعد كلام كتير انا عالعموم قلتلوا نرفعها ونكشف عليها قالي اوكي , وقالي العربية تمام , كلمتة من ساعة وقولتلوا انا هخلص معاك زي ما قولت بس قولي بصراحة العربية محتاجة اية , قالي الطنابير عايزة تتغير والحساسات بتاعت الايرباج مش شغالة , وانت زي ولادي مش هغشك .
هل العربية دي ممكن يكون فيها عفريت خاصة ان السعر دي ممكن يكون بعيييد عن الجولف؟
ولو كان كلامة صح اتوكل علي الله واخلص؟
انا عالعموم رايح اكشف بكرة.........
افيدونا جزاكم الله خيراا
-
السعر ده رخيص جدااا
اكشف كويس وانت تعرف ايه ظروف العربية
اكشف عليها في التوكيل او في مركز خدمة محمد سمير في جسر السويس
-
انا شايف ان سعرها عادي....
علشان عامله 160 الف كم
-
والله انا مش مطمن مقدما بس الميكانيكي اكيد هيطلع عيوبها . ربنا يستر !!
-
السعر رخيص جدااااااااااااااااااااااا اااااااااااااا العربية دي لو حالتها حلوة تجيبله 75 77 الف جنيه 66 الف ده رخيص جدااااااااااا اكيد عاملة حوادث و مليانة سمكرة كان في واحد عايز يضحك عليا قبل كده و عايز يديني واحدة ب 75 الف و فاكرني مليش فيها و اول ما فتحت الكبوت قلتله سلام عليكم لقيت الاحواض كلها سمكرة اتاريها كانت ضاربة من ادام اكشف كويس السعر واقع اوي
-
بس يا محمد السعر مش ذي مانتا فاكر واقع للدرجه.....
اولا دي 1400 سي سي مش 1600 يعني بتبقي ارخص
غير انها عامله 160 الف كم.....يعني السعر مش واقع ولا حاجه
و هي اصلا تجاب نضيفه 1400 سي سي بالكتير 75 الف...لأن الموتور ده تعبان عليها
-
السعر كويس بس تلاقيهاعاوزة حجات تانيه مش باينه فيها و ده عادي في الفولكس
اكشف عليها كويس اساسات و كبس المتور و حاله الفتيس كده
-
شكراا يارجالة علي الردود الرائعة بجد انا كنت هلبس في الحيطة ..الراجل كان عايز يكشف في بنزينة بس انا طلعت بيه علي جسر السويس وكشفت عاالعربية ويابا فين يوجعك ..ههههه
طلعت واخدة مليون بوسىة . سقف وحوض وجناب وعداد ملعوب فية والخ الخ..
الرجالة قامو بالواجب وقالولي العربية دي متساويش حتي 50الف..
ابعد عنها وريح دماغك ..
الي مجنني ان الراجل كان عامل مش عارف حاجة وكان بيعارض مع الناس بس وشة كان باين علية ..
المهم الحمد للة ربنا ستر وباركولي ياشباب انا شكلي هخلص في حتة بولو تحفة2001 هكتب موضوع عنها ...
اللهم انك اعطيتنا الاسلام من غير ان نسألك , اللهم فلا تحرمنا الجنة ونحن نسألك
-
عيييييييييييييييييييب عليييييييييييييك
مش قولتلك يا معلم
جولف 1400 نضيفة يعنى 80 الف
جولف 1600 نضيفة يعنى 100 الف
وفي حاجات فابريكة استيراد تعملهاااااا 110 و 120 كمان على حسب الكمالياات
Content Relevant URLs by
vBSEO 3.6.0 PL2