الي عنده رأي فى قلة السحب فى الفليشيا يتفضل يقول رأيه

**zega332** · 25-03-2012 11:44 AM

السلام عليكم
طبعاً كلنا عارفين ان التسارع للفليشيا قليل عن اي عربيه فى نفس المواصفات للموتور وطبعاً ده له عوامل كتير منها ان العربيه وزنها اكبر من اي عربيه فى نفس سعة الموتور وكمان ان السخونه بتبقى عامل مساعد فى تعب الموتور بسرعه
عايز اي حد عنده فكره يقولها عشان الكل يستفاد
وتجربتى الشخصيه ان لما اشتريت العربيه بتاعتى كانت استخدام طبيب زي مابيقولوا(على اساس ان الطبيب بيخاف يجرى يعنى)ههههههههه
العربيه كا اخرها 100 بالعافيه وبعد ما الناس تتفرج عليا وانا بتخانق جواها طبعا كنت لسه اول مشوار بيها فى اول اسبوع عملت الاتى
1-غيرت جنزير الكاتينه لأن كان صوت الموتور خشن
2-غيرت طقم الكهرباء حتى سلوك البوجيهات كانت تعبانه
3- غيرت طرمبه المياه عشان برضه كان صوتها خشن وبتسرب
4-طقم قواعد للموتور لأن الموتور كان بيخبط والقواعد مقطعه
5-طرمبه بنزين
6-جلد رداخ الكاربيراتير لصعوبه تدوير العربيه يوميا
7-سلك دبرياج طبعا كان ماسك على شعره وبيزيق

طبعا بعد الكلام ده الفرق بقى ملحوظ فى السرعه والحمد لله
بس المشكله بقى فى التساااااارع وده اصل الموضوع يبقى الي عمل حاجه جديده وفرقت معاه ياريت يقولنا

**ehab_osman** · 25-03-2012 12:53 PM

الجري بالاسكودا وتجيب بها 120 / 130 كم عادى جدا ...............اكشف علي الاسطوانة لان تأكل الاسطوانة بيقلل السرعة ؟؟؟؟؟؟؟.... وقل لنا العربية عملة كام كم ، ولازم تربط العبشة كويس لانها لو مفككة حتشعرك بعدم الامان في حالة السرعة .................. .
وممكن تكون العربية بتاعتك مخنوقة وعايزة تجري في طريق مفتوح + القرص علي الغيارات علشان العربية تفوق .

**benmatar** · 25-03-2012 01:03 PM

السلام عليكم
سكودا فيليشيا وزنها تقيل نسبيا بالنسبة للعربيات المماثلة في نفس الفئة، ودي ميزة عشان متانة الصاج، وثبات في الجري والدورانات عن باقي العربيات من نفس الفئة، لما الموتور بيكون في أفضل حالاته معدل السحب والتسارع مش عالي بس مش بيقصر معاك ومبيكسفكش في أي موقف. بس حصل وإني شديت مع أكتر من موديل وعلى غير المتوقع كانت النتيجة لصالحي، ولو حصل إن المنافس تغلب عليك مش هيكون الفارق كبير، ممكن حضرتك تجرب بوجيهات 3 شمعة، انا باستخدمها من سنة علطول، هتلاحظ غن الأداء في المطالع والتسارع أفضل شوية. وبرضه حالة طقم الدبرياج عامل مؤثر قوي، ونوع البنزين.... يعني 80 غير 92 تماما في التسارع. وضبط الكربراتير مهم وده غير نظافته.

**zega332** · 25-03-2012 03:36 PM

المشاركة الأصلية كتبت بواسطة ehab_osman

الجري بالاسكودا وتجيب بها 120 / 130 كم عادى جدا ...............اكشف علي الاسطوانة لان تأكل الاسطوانة بيقلل السرعة ؟؟؟؟؟؟؟.... وقل لنا العربية عملة كام كم ، ولازم تربط العبشة كويس لانها لو مفككة حتشعرك بعدم الامان في حالة السرعة .................. .
وممكن تكون العربية بتاعتك مخنوقة وعايزة تجري في طريق مفتوح + القرص علي الغيارات علشان العربية تفوق .

طبعا طقم الدبرياج عليه عامل كبير بس انا كاشف عليه وحالتهم كويسه وفى نفس الوقت انا بسافر بالعربيه تقريبا كل اسبوع بس يمكن الكاربيراتير عايز واحد كويس يظبطه

**zega332** · 25-03-2012 03:39 PM

المشاركة الأصلية كتبت بواسطة benmatar

السلام عليكم
سكودا فيليشيا وزنها تقيل نسبيا بالنسبة للعربيات المماثلة في نفس الفئة، ودي ميزة عشان متانة الصاج، وثبات في الجري والدورانات عن باقي العربيات من نفس الفئة، لما الموتور بيكون في أفضل حالاته معدل السحب والتسارع مش عالي بس مش بيقصر معاك ومبيكسفكش في أي موقف. بس حصل وإني شديت مع أكتر من موديل وعلى غير المتوقع كانت النتيجة لصالحي، ولو حصل إن المنافس تغلب عليك مش هيكون الفارق كبير، ممكن حضرتك تجرب بوجيهات 3 شمعة، انا باستخدمها من سنة علطول، هتلاحظ غن الأداء في المطالع والتسارع أفضل شوية. وبرضه حالة طقم الدبرياج عامل مؤثر قوي، ونوع البنزين.... يعني 80 غير 92 تماما في التسارع. وضبط الكربراتير مهم وده غير نظافته.

طبعا كلام حضرتك مظبوط وانا فعلاً بفكر فى البوجيهات وكمان انا بستخدم 92
بس بينى وبينك بتكسفنى خصوصاً فى الاول والتانى بتبقى كسلانه خالص

**benmatar** · 25-03-2012 04:38 PM

المشاركة الأصلية كتبت بواسطة zega332

طبعا كلام حضرتك مظبوط وانا فعلاً بفكر فى البوجيهات وكمان انا بستخدم 92
بس بينى وبينك بتكسفنى خصوصاً فى الاول والتانى بتبقى كسلانه خالص

حضرتك راجع على ضبط الكربريتور (هواء وبنزين) عند أخصائي سكودا

**ayman20100** · 25-03-2012 09:14 PM

جرب بنزين 92 ......... فول مرتين 92 وشوف الفرق لو عربيتك لسه سحبها مش كويس يبقى محتاج تدور على المشكلة فين
انا بقالى كام مرة بفول 92 بصراحة تاني مرة فولت فيها حسيت بفرق كبير خصوصاً في التسارع في السحب بنزين 80 لا يصلح لتقييم السحب تماماً ده يعتبر ميه في العربية

**sakr_skoda** · 25-03-2012 10:01 PM

بعد المطالعة للمشاركات متهيئلى انو لو حطيط فى عربيتى بنزين 92 حطير من على الارض طير لآنى والحمد الله بحط ليها بنزين 80 والسرعة عندى 120 ك دا العادى بس اللى اكتشفته فى الفيفوريت دى انها كل ماتجرى اكتر كل ما تثبت على الأرض اكتر بحس كدى انى راكب فراشه بجد ربنا يحميها ويكفيها شر العين....*