القاهرة
نايل موتورز
افادنا احد مراسلينا بوقوع حادث كبير امام محطة موبيل القطامية علي الطريق الدائري في الاتجاه الى الهرم
حيث اصطدمت سيارة تريللا بمقطورة بعدة سيارات ملاكي وقامت بدهسهم في البلوكات الخرسانية
وعلى اثرها توقف الطريق تماما في كلا الاتجاهين و نناشد هيئة الدفاع المدني بضرورة التدخل سريعا لدفع الحطام
الى السيد وزير الداخلية:
اين رجال المرور للحد من مهازل الطريق الدائري و رفقا بالشعب المصري
المكان بالظبط بين برج سما ومحطة وطنية والدنيا واقفة خالص وروحت شغلي متأخر :( بس للاسف مشوفتش الحادث عشان خرمت من المقطم من جوه
الدائرى شعاره مش هتقدر تغمض عينيك
المفروض التريلات ليها مواعيد مرور محددة علي الدائري---
فين الداخلية -- بدل ميروحو يحطو 8 كماين و 10 عربيات بوكس في المرغني عشان الناس متخمسش بالعربيات - يروحو يشوفو الدائري
لكي الله يا مصر
ممنوع كتابه اللغه العربيه باحرف اجنبيه
مشرف عام 1
الحادث كان الساعة السابعة صباحا ومات فيه ابن احد السائقين فى الشركة التى اعمل بها وهو يعبر الطريق الدائرى ليذهب لمدرسته حيث انزله والده فى الاتجاه المؤدى للتجمع والحادث تم فى الاتجاه الاخر المتجه للمعادى وهو يعبر الطريق ليذهب لمدرسة الصنايع جهة المقطم وبعدها قطع الطلاب الطريق ومش عارف الحادث ده اللى بيتكلم عليا كريم ام هذا حادث اخر ربنا يسترها على الجميع
ده الخبر العادى بتاع كل يوم .. لأن السؤال كل يوم مش بيكون هو فيه حادثة على الطريق الدائرى وللا لأ . السؤال اليومى هى الحادثة بتاعة النهارده على الطريق الدائرى فين ؟
بالمناسبة ... هى الإدارة العامة للمرور واخده اجازة بدون مرتب وللا إيه ؟
حسبى الله و نعم الوكيل فى الطريق دا
دا المفروض يسموه طريق الحوادث
اقتباس:
المشاركة الأصلية كتبت بواسطة heeshooheeshoo
ما هو يا فندم الشرطة تنزل برادارات ....... الناس مش عاجبها
ما ينزلوش خالص برضه أحنا مش عاجبنا
لأن كل واحد في الشعب المصري محتاج قانون بمزاجه
اللي عايز الطريق يبقى 150 كم - س
و اللي عايز يعمل غرز عادي بدون عقاب
و اللي مش عايز النقل يركب الدائري إلا بمواعيد
أحنا طبق كشري كبير ........... سمك لبن تمر هندي
لا حول ولا قوة الا بالله ربنا يرحمنا برحمته
كلامك مضبوط و الله ... المشكله فينا احنا دلوقتى ... ما الناس بره بتمشى بسرعه و مفيش حوادث كتيره كده ... كله ملتزم بحارته و بالسرعه .. لاكن احنا شعب همجى .. مستنيين ايه بئه !!! ما لازم كل يوم تحصل حادثهاقتباس:
المشاركة الأصلية كتبت بواسطة tutankhamoun
يوم الجمعة الماضيه على الدائري تقريبا في نفس المكان ماسك الحارة الوسطانية وماشى 90 وفجأة الاقي قفص فراخ فاضي امامي في اجزاء من النانو ثانية حاولت افاديه كسرت يمين عشان فاضي عن الشمال لقيت واحد بيعدي الطريق ظهر فجأة تقريبا عشان يجيب القفص انا حتى الان مش عارف انا مخبطهوش ازاي ...!! كلى اللى فاكره اني وقفت بعديها اولملم اعصابي عشان رجلي كانت بتترعش وريحة تيل الفرامل كانت مشبعة داخل العربيه ومشغل الانتظار .....!!! ربنا يستر طريقنا جميعا ويحفظ ممتلكاتنا ... اللهم آمين
الحادث كان امام بنزينه موبيل القطاميه علي الدائري
تريلا صدمت سيارات عديده منها فولكس جيتا وسكودا اوكتافيا
ودايو لانوس ودايهاتوس تيريوس وتويوتا كرولا 2010
وكرولا 92
طبعا الخساير الكتيره كلها كانت في الجيتا بقت هاتش باك
والحمدلله مفيش اصابات بشريه
الواحد بيخرج من بيته دلوقتي وحاس انه مش راجع
لا حول و لا قوه الا بالله. ربنا يتوب علينا
فعلا وسمعت اني في ناس ماتت ربنا يستر والكل يبقي بخير
انا شفت الحادث الصبح
هو فعلا 2 حادثة واحدة امام مدرسة الصنايع اللي اتوفي فيها طالب وهو بيعبر الطريق و الحادثة التانية مقطورة في الطريق المؤدي المحمد زكي كده هرست حوالي 6 عربيات جديدة لانج منهم النترا 2012 و تويوتا كورولا 2007 و نيسان صني و لانسر دول اللي شفتهم وربنا يستر علي اصحابهم معرفش مين نجي ومين جي اله ايه لاني عديت والحادثة لسه كانت من دقيقتين بس المقطورة هرستهم في الجزيرة الخرسانة تماما التويوتا الكورولا مش باين لها ملامح تقريبا
رحمه الله علي امواتنا جميعا و ربنا يصبر المصابين في اهلهم او سيارتهم و كما قال شريف منسق بي ام دبليو
لكي الله يا مصر
شوفوا الشرطه والمرور بيعملوا ايه بيقفوا فى الكوربه يشوفوا الرخص كل يوم بطلع رخصتى مرتين على الاقل--طبعا واقفين يتفرجوا على المزز وعاملين نفسهم شغالين ومتشطرين على الناس المسالمه الى زى حلاتى
ده الحادث التاني قبله بساعتين x3 خبطت واحد موتته وزمايله طلعوا قفلوا الطريق وإتأخرت ساعة ونص على ما الجيش تدخل
دة طريق الموت انا ساكن في المعادي بفضل اني اروح من طريق مكسر كدة من جوة جوة في المدق بدل الدائري و القرف انزل من القطامية على زهراء المعادي و ربنا يسترها
كلامك مضبوط .. بس فى أوروبا والدول المتقدمة مش كل الناس ملائكة .. فى ناس ملتزمة وناس غير ملتزمة & فى ناس بتحب الرادرات وناس مابتحبش & فى ناس بتجرى بسرعة وناس مابتجريش ... بس فيه قانون رادع واحد فقط بتطبقه الشرطة وبيمشى على كل الناس ( إن كانت هناك تجاوزات فهى ليست القاعدة ولكنها حالات فردية إستثنائية .. لأنهم برضه مش ملائكة ).اقتباس:
المشاركة الأصلية كتبت بواسطة tutankhamoun
المشكلة عندنا الآن فى الآتى :
1 - أولا مافيش أخلاق .. تقدر تعرف أخلاق أى واحد من سواقته ومظهر سيارته ( شرس - أنانى - إنتهازى - بلطجى - لايخاف الله ... إلخ ) .
2 - لا يوجد قانون رادع .
3 - إن وجد القانون لا تجد الشرطة لتطبقة .
4 - إن وجدت الشرطة تجدها أول من يخالف القانون ( لاحظ سيارات الشرطة المخالفة لقوانين البيئة والمرور ).
5 - إن طبق القانون فإنه يطبق على ناس وناس لأ ( إللى له ظهر مابينضربش على بطنه ) .
كفايه كده .. مافيش داعى للإحباط أكثر من كده . :120146b
مستحيل الملف بتاع برج سما ده يكون متصمم صح .. انا شاكك فيه اصلا ده انا لسه في هندسه و بناخد طرق و متبهدل بكميه معادلات عشان نطلع قطر المنحني و السرعه و وجع القلب ده .. فيه حاجه غلط
يا باشا مش موضوع تصميم ونص القطر هو فيه حاجه اسمها نقل يمشى فى اقصى اليسار وياخد غرز على سرعه 100 . واللى مش عاجبه يشتكىاقتباس:
المشاركة الأصلية كتبت بواسطة shadygalal669
هو فيه حاجه اسمها عربيتين نقل يمشوا جنب بعض ويقفلوا الطريق
هو فيه حاجه اسمها عربيه متفيمه ماشيه من غير نمر على الدائرى وفى وسط البلد
هو فين المرور وفين عربيات الشرطه الجديده اللى اشتروها هو فين الضابط وهو فين العفريت ؟؟؟؟؟؟؟؟؟
100 إنت غلبان والله من كام يوم كنت ماشي على الدائري عند برج سما وماشي 120 وتريلا معديني وبياخد غرز وبيبعد!!!!اقتباس:
المشاركة الأصلية كتبت بواسطة ahmed76
+111111111111اقتباس:
المشاركة الأصلية كتبت بواسطة heeshooheeshoo
المشكله فى الملف ده انه فيه عالى وواطى من ناحيه الشمال بعد نزله العين السخنه على طول :@
فاللى بيجرى وهوه داخل على الملف العربيه ممكن تعوم منه ويا سلام بقى لو بياكل غرزه
شفت تريلا قبل كده الساعه 1 باليل قالبه جيب مرسيدس وبى ام x5 الجنب الشمال بالفرده طاير ... سواق تريلا قلبهم وجرى
حسبى الله ونعم الوكيل