الموضوع: كام سؤال كدا على الماشى..

والله انا سامع اشاعه بتقول ان كل محطات موبيل حاليا بتخلط بنزين , وانا بحط بنزين من موبيل وبس :)
او بتبيع البنزين الأقل على انه الاعلى , يعني الــ 92 بيتباع على انه 95

والله ياريت تطلع الحكايه بنزين وبس :)

تصدقوا فعلا انا اول مرة امشى بالعربية النهاردة بعدرممونت يوم الجمعة... مع ان التسقيف موجود من فترة عندى ولكنى كنت متعايش بس فى الغالب الصوت مختفى النهاردة...

بمناسبة الهس هس بتاع البنزين يا رجالة اليومين دول طبعاً كلنا عنينا على المؤشر على طول،، لاحظت اليومين دول حاجة ظريفة قوى الصبح وانا نازل ابص على المؤشر فى مكان معين واول ممشى شوية كدا الاقى المؤشر نزل على المكان اللى انا سايبه عليه من قبلها، قولت يمكن البنزين بيزيد، تابعت تانى النهاردة لقيت على على اخر شرطة وبمجرد ممشيت شوية المؤشر نزل للمكان اللى كنت سايبه عليه إمبارح بالليل،، يا ترى دى شريحة العوامة ولا ايه بالظبط...؟؟؟

المشاركة الأصلية كتبت بواسطة popahly

تصدقوا فعلا انا اول مرة امشى بالعربية النهاردة بعدرممونت يوم الجمعة... مع ان التسقيف موجود من فترة عندى ولكنى كنت متعايش بس فى الغالب الصوت مختفى النهاردة...

يامسهل :) الله يطمن قلبك , وعقبال لما الصوت يختفى من عندي :) اصلي راكن العربيه بقالى كام يوم ولسا محاولتش اتابع الصوت موجود ولا اختفى , بس ربنا يطمنك يعني :)

المشاركة الأصلية كتبت بواسطة popahly

بمناسبة الهس هس بتاع البنزين يا رجالة اليومين دول طبعاً كلنا عنينا على المؤشر على طول،، لاحظت اليومين دول حاجة ظريفة قوى الصبح وانا نازل ابص على المؤشر فى مكان معين واول ممشى شوية كدا الاقى المؤشر نزل على المكان اللى انا سايبه عليه من قبلها، قولت يمكن البنزين بيزيد، تابعت تانى النهاردة لقيت على على اخر شرطة وبمجرد ممشيت شوية المؤشر نزل للمكان اللى كنت سايبه عليه إمبارح بالليل،، يا ترى دى شريحة العوامة ولا ايه بالظبط...؟؟؟

انا لاحظت عندي نفس الحكايه وهي تحديداً ان مؤشر البنزين دايما الصبح بعد الدوارة والتحرك بالعربيه بينزل عن موضعه حوالى 2 مللي مثلا

واعتقد والله اعلم : ان ده بسبب ان المشوار الاخير اللي كنت عامله اكيد بيولد زي ضغط وهمي داخل تانك البنزين نتيجه الحركه وسحب البنزين وتمدد السوائل مع الحراره و و و و و , ولما العربيه بتهدأ لغايه تاني يوم الصبح مثلا الضغط الوهمي ده بيتلاشى
ولمجرد انك بتدور العربيه وتمشي طبعا البنزين بيتحرك داخل التانك والعوامه بتبدأ بتقرأ كميه البنزين الموجوده اد ايه , وبناءاً عليه المؤشر بيتحرك , وعشان كده بيدي قراءة اقل من اخر قراءة كان المؤشر ثابت عليها

طبعا التحليل السابق يحتمل الصواب والخطأ :) ولو كلامي سليم يبقا الحمد لله , ولو كلامي غلط يبقا اتمنى اعرف السبب الحقيقي عشان ارتااااااااح :))

المشاركة الأصلية كتبت بواسطة dedopeter

بس انا بجيب كل فتره المياه الخضراء فى العلبه المعدن الامريكى اسمها ابرو وبحطها كلها مش ربع زى مبتقولوا ايه المشكله ؟

الميا الخضرا الامريكي مركزه زياده عن اللزوم , ومع الوقت بتاكل في المواسير الداخليه بتاعت الريدياتير وبتعمل ثقوب بسيطه ونشع في اماكن غالبا مش ظاهره , وفي اقرب فرصه بتلاقي الريدياتير اتخرم والميا بدأت تنقص

عشان كده انا عن تجربتي الشخصيه وتجربه ناس كتير بفضل الميا الخضرا الاسباني iada لان تركيزها قليل ومش بتحتاج تتخفف وتقدر تحطها زي ما هي على دورة التبريد

وفي حال انك عايز تستخدم ميا خضرا امريكي استخدم ربع العبوه على دورة التبريد (على الميا عاديه) عشان تركيزها يقل , ومايكونش ليها تأثير سلبي على الريدياتير

الميا الامريكي دي تنفع اوي مع العربيات القديمه اللي فيها ريدياتير نحاس , عشان التركيز ده يمنع الصدأ بشكل ممتاز

لكن في عربياتنا المواسير الداخليه للريدياتير بتكون الومونيوم تقريبا , والميا الخضرا المركزه بتاكل فيها وبتبوظ الدنيا

المشاركة الأصلية كتبت بواسطة محمد الشامي

يامسهل :) الله يطمن قلبك , وعقبال لما الصوت يختفى من عندي :) اصلي راكن العربيه بقالى كام يوم ولسا محاولتش اتابع الصوت موجود ولا اختفى , بس ربنا يطمنك يعني :)

انا لاحظت عندي نفس الحكايه وهي تحديداً ان مؤشر البنزين دايما الصبح بعد الدوارة والتحرك بالعربيه بينزل عن موضعه حوالى 2 مللي مثلا

واعتقد والله اعلم : ان ده بسبب ان المشوار الاخير اللي كنت عامله اكيد بيولد زي ضغط وهمي داخل تانك البنزين نتيجه الحركه وسحب البنزين وتمدد السوائل مع الحراره و و و و و , ولما العربيه بتهدأ لغايه تاني يوم الصبح مثلا الضغط الوهمي ده بيتلاشى
ولمجرد انك بتدور العربيه وتمشي طبعا البنزين بيتحرك داخل التانك والعوامه بتبدأ بتقرأ كميه البنزين الموجوده اد ايه , وبناءاً عليه المؤشر بيتحرك , وعشان كده بيدي قراءة اقل من اخر قراءة كان المؤشر ثابت عليها

طبعا التحليل السابق يحتمل الصواب والخطأ :) ولو كلامي سليم يبقا الحمد لله , ولو كلامي غلط يبقا اتمنى اعرف السبب الحقيقي عشان ارتااااااااح :))

ربنا يخليك، الحمد لله النهاردة رايح جاى من الشغل مفيش تسقيف خالص مع النقل وحاجة غريبة فعلاً ويارب تفضل غريبة كدا على طول، وبأمر الله تنتهى من عندك نهائياً.. وربنا يطمن قوبنا جميعاً تجاه بيتنا التانى اللانوس...

بالنسبة للمؤشر.. بالظبط دا اللى بيحصل عندى بقاله اسبوعين تقريباً ومش عارف إيه اللى جد خلى المؤشر يعمل الحركة دى، وبالظبط نفس وصفك يا أستاذ محمد تمام، بس كدا الموضوع ليه حلول ولا ايه رأيك؟

المشاركة الأصلية كتبت بواسطة popahly

ربنا يخليك، الحمد لله النهاردة رايح جاى من الشغل مفيش تسقيف خالص مع النقل وحاجة غريبة فعلاً ويارب تفضل غريبة كدا على طول، وبأمر الله تنتهى من عندك نهائياً.. وربنا يطمن قوبنا جميعاً تجاه بيتنا التانى اللانوس...

آمين يارب

المشاركة الأصلية كتبت بواسطة popahly

بالنسبة للمؤشر.. بالظبط دا اللى بيحصل عندى بقاله اسبوعين تقريباً ومش عارف إيه اللى جد خلى المؤشر يعمل الحركة دى، وبالظبط نفس وصفك يا أستاذ محمد تمام، بس كدا الموضوع ليه حلول ولا ايه رأيك؟

والله يا باشا لو التحليل اللي انا قولته سليم يبقا الحكايه مفهاش مشكله خالص :) وده امر طبيعي , خاصه وان قراءه العوامه في اللانوس بشكل عام مش دقيقه

وبعدين اللي جد من اسبوعين هو ازمه البنزين اللي خلتك تركز مع المؤشر :) ههههههه

ان شاء الله ازمه وتعدي على خير