كام سؤال كدا على الماشى..

**popahly** · 25-03-2012 02:47 PM

السلام عليكم يا رجال الدايو.. عاملين ايه ليكم وحشة والله بس هنعمل ايه بقى البنزين منكد علينا وحاجة اخر جمال الصراحة..
كنت عاوز أستشيركم فى كام نقطة كدا والله المستعان....

أولاً: جيبت ولله الحمد فانوسين خليجى إستيراد للانوس واخدين حتة سموك كدا واخر دلع، والكهرباء الله يباركله وهو بيركب الفانوس كسرلى دفر منهم الله يحرقه، بس عرفت اخد حقى منه ((جارى بقى هقول ايه)) المهم هو لحمه بمادتين كدا، بس تعابنين، وفكم بعد منفشم، انا بفكر بقى اسيح مسمار سنارة رفيع واخرم خرمين فى الحتة المكسورة والفانوس، واربطهم بسيلك وبعد كدا أسيح عليهم حتة بلاستيك، إيه رأيكم؟؟؟

ثانياً: بعد معاناه من جديد مع كوعة المياه غيرت الكوعة بواحدة جديدة، لأن القديمة كانت بتسرب من ناحية الموتور كدا المياه منعت من الناحية دى ولكن لقيت تنقيط مياه تحت خرطومة المياه اللى واصل للكوعة تحت الكوليه قرط عليه جامد بلقمة علشان احكم كويس، إمبارح جيت بعاين كدا حطيت إيديى حسيت برشح خفيف قولت مبدهاش قومت فاكك، وحاطة على الزور بتاع الكوعة شوية سليكون حرارى وقمت كابس ورابط جامد، ولسه هتابع النهاردة بأمر الله، السؤال هنا هل صح السيلكيون الحرارى فى المنطقة دى؟؟؟ وتانى حاجة انا زودت على المياه الخضراء اللى كنت حاطتها بعد مطبعاً نزل شوية مياه حلوين مياه عادية، طبعاً هحتاج اسقط المياه كلها واحط تانى مياه خضراء من جديد؟؟؟

وشاكر أرائكم جميعاً...

**محمد الشامي** · 25-03-2012 03:05 PM

المشاركة الأصلية كتبت بواسطة popahly

السؤال هنا هل صح السيلكيون الحرارى فى المنطقة دى؟؟؟

يا باشا صح ومفيش منه ضرر

المشاركة الأصلية كتبت بواسطة popahly

وتانى حاجة انا زودت على المياه الخضراء اللى كنت حاطتها بعد مطبعاً نزل شوية مياه حلوين مياه عادية، طبعاً هحتاج اسقط المياه كلها واحط تانى مياه خضراء من جديد؟؟؟

مش هاتحتاج تنزل المياه , وخليك شغال على كده
و ممكن تجيب علبه مياه خضراء امريكي (العلبه المعدن) وتزود منها شويه (اد ربع العلبه كده) لانها مركزه , وبكده تبقا عملت معادله بين الميا العاديه والميا الخضراء , وهاتاخد نفس النتيجه بإذن الله

على فكره الميا الخضرا دي عندنا في مصر استخدامها تقريبا مقتصر على الحفاظ على دايرة التبريد من الأملاح والصدأ
و وجود نسبة ميا خضرا مع الميا العاديه كفيله انها تفى بالغرض

**popahly** · 25-03-2012 08:48 PM

محمد بك.. ازيك والله يطمنك.... الف شكر ليك على نصايحك الغالية عموما انا معايا جركن مياه خضراء ازود منها بقى وخلاص... وبالمناسبة عملت ايه فى المشكلة اللى كانت عندك يارب تكون انتهيت منها على خير إن شاء الله...

**A7MED_PHARMA** · 25-03-2012 08:57 PM

موضوع المسامرين فاكس جدااااااااااااااااااا

حصل معايا الموضوع بالظبط
فانوسين مكوة إستيراد أمريكي لوز العنب..تحفة
الودن بتاعته اتكسرو في خبطة من قدام
ظبطت الصاج..وكان صعبان عليا الفانوسين الي لسه جايبهم جداد
المهم
السمكري عملي موضوع المسمارين دول..ولزق وعمل كل الي يتعمل
وبرضوو باظو

**tarek_2005** · 25-03-2012 09:06 PM

موضوع الفانوس ملهوش غير حل واحد قطعة صاج وتتثقب بالشنيور مع الضف\افر وتتبرشم بمسامير برشام ملهاش حل تاني

**محمد الشامي** · 25-03-2012 09:34 PM

المشاركة الأصلية كتبت بواسطة popahly

محمد بك.. ازيك والله يطمنك.... الف شكر ليك على نصايحك الغالية عموما انا معايا جركن مياه خضراء ازود منها بقى وخلاص... وبالمناسبة عملت ايه فى المشكلة اللى كانت عندك يارب تكون انتهيت منها على خير إن شاء الله...

انا بخير يا باشا والحمد لله والله

بالنسبه للمشكله اللي كانت عندي , انا بقالى كام يوم متجاهل صوت التسقيف خالص وبحاول انساه لغايه لما اغيير زيت ان شاء الله , لانه احتمال كبير يكون بسبب الزيت فعلا

عالعموم بإذن الله بسيطه :)

**popahly** · 25-03-2012 09:43 PM

المشاركة الأصلية كتبت بواسطة محمد الشامي

انا بخير يا باشا والحمد لله والله

بالنسبه للمشكله اللي كانت عندي , انا بقالى كام يوم متجاهل صوت التسقيف خالص وبحاول انساه لغايه لما اغيير زيت ان شاء الله , لانه احتمال كبير يكون بسبب الزيت فعلا

عالعموم بإذن الله بسيطه :)

بأمر الله تروح خالص وتريح بالك.. والله انا التسقيف دا بسمعه مع كل نقلة غيار وكبسة بنزين ورهقت منه لحد مالنهاردة فوجئت انه مش موجود.. بس عندى امل يرجع تانى عشان وحشنى صوته :-)

**محمد الشامي** · 25-03-2012 10:15 PM

المشاركة الأصلية كتبت بواسطة popahly

بأمر الله تروح خالص وتريح بالك.. والله انا التسقيف دا بسمعه مع كل نقلة غيار وكبسة بنزين ورهقت منه لحد مالنهاردة فوجئت انه مش موجود.. بس عندى امل يرجع تانى عشان وحشنى صوته :-)

ههههههههه في حد بس يوحشه صوت تسقيف المكنه :) ده الحمد لله انه راح من عندك , انا بحس انه عامل زي اللعنه , يعني حاجه مفيش منها تأثير سلبي على العربيه ولا ضرر ولكنها موجوده عشان تعكنن عالواحد وخلاص

-

-

الموضوع: كام سؤال كدا على الماشى..

LinkBack

أدوات الموضوع

عرض

كام سؤال كدا على الماشى.. - انشر الموضوع فى :

-

-

-

-

-

-

-

المواضيع المتشابهه

سؤال كده على الماشى؟؟

سؤال على الماشى

كام سؤال على الماشى

سؤال على الماشى

الكلمات الدلالية لهذا الموضوع

المفضلات

المفضلات

ضوابط المشاركة