السلام عليكم ورحمة الله وبركاته
الوصلة اللى فى الصورة ديه
منفاخ للكاوتش بيتحط مكان البوجية
عندنا من حوالى أكثر من 25 سنة
من السعودية
ولم تستخدم إطلاقاً !!!!
[img3]http://img99.imageshack.us/img99/4871/im614f1.jpg[/img3]
والدى من النوع اللى بيحب يشترى كل حاجه ويركنها
المهم لاقيناها بالصدفة وسط الكراكيب
بيقولى بتفك بوجيه وتحطها مكانه وتنفخ العجل
وبتكون قوية عن كمبوريسور الهواء اللى بيركب على الولاعه
بس الهواء هيكون مشبع بالبنزين
ياترى الكلام ده صح ؟؟
حد جربها قبل كده ؟
ايه مميزاتها وعيوبها ؟؟
هي فكرة غريبة بس دي تنفع في الصحراء اكتر
دلوقتي المنفاخ اللي علي الولاعة بقي في كل حتة
المنفاخ اللي فيه شبة من ده هو اللي بيركب علي كمبريسور التكييف و ده بينزل في العربيات بتاعة المعاقين اللي جاية من اوروبا اوقات بتلاقية فيها صدفة
بس بجد اول مرة اسمع عن ده
بصراحة اول مرة اسمع الحوار ده
أول مرة برضه أسمع عن الاختراع ده
بس حتى لو ده صح ماله بتاع الولاعة في مينت بينفخ ولا شيل بوجيه ولا وجع قلب
صعوبته انك لازم تفك البوجيه
بهدله وتتوسخ من الموتور
ومحتاج مفتاح لفك البوجيه
اول مرة اسمع عنه انا كمان
اية علاقة البوجيه
ياريت تفسير علمى للى فاهمين
ايه يا أخونا ده انا قريت عنه فى هذا المنتدى وكنت مستغرب
وفوجئت انه موجود عندنا من زمااااااااااان
أنا بسمع انه اسرع وأقوى من كمبوريسر الولاعه
المنفاخ دا انا شوفته قبل كدا واستخدمته كمان وهو بيعتمد على كبس الموتور او بالاخص بستم واحد
بسم الله الرحمن الرحيماقتباس:
المشاركة الأصلية كتبت بواسطة lord91
كلامك منطقى جدا جدا
بس واضح ان علشان تستخدمة طبعا لازم تكون العربية دايرة ب3 بوجيهات
الله ينوراقتباس:
المشاركة الأصلية كتبت بواسطة lord91
وايه اخباره ؟
بينفخ بسرعه ولا بياخد وقت
الهواء اللى بيخرج من البستم مشبع بالبنزين ؟
ما هى مخاطر تشغيل العربية بـ 3 بوجيهات فقط ؟
تقريبا الجهاز ده عندى ! ( الحتة اللى بتركب مكان البوجيه دى مش اول مرة اشوفها )
بس اول مرة اخد بالى انه بيركب مكان البوجيه اصلا
بس سؤالى هو هل ممكن استعمله انى اقيس بيه كبس الموتور ؟
( عن طريق انى اسد الطرف اللى رايح للعجلة فجهاز الضغط يقرا كبس الموتور)
لأن موضوع نفخ العجل بيه ده انا شايف انه حوار فاشل وكومبريسور الولاعة احسن بكتييييير حتى لو كان ابطأ
ده غير انه مشكلة انك تنفخ العجلة بهوا فيه بنزين ، وصعب تفضى الكربراتير من البنزين او حتى تفصل الطرمبة في العربيات الجديدة
بس بيتهيألى لو تم فك كل البوجيهات وفصل الموبينة ممكن يتم النفخ بدون تدوير العربية ، بتدوير المارش بس هيلف بسرعة ومش هيخلص البطارية ولا حاجة ، عشان مفيش مقاومة من الموتور نتيجة فك كل البوجيهات
هو اكيد وقتها كان اختراع ، انا لو اتزنقت على طريق مثلا ومكنش معايا الا الجهاز ده ، اكيد هستخدمه حتى لو تطلب انى افك البوجيهات كلها وافضى الكربراتير من البنزين وافك الخرطوم اللى داخل للرداخ ، بس العجلة تتنفخ والعربية تمشى
ما أعرفش حاجة عنة
بس خليك فى السلم و هات الكمبروسر إلى بيركب على ولاعة العربية .. أضمن
من 25 سنة
وقته عدى خلاص دا غير البهدله
ومش هتلاقى زيه دلوقت
ماله اللى بيشتغل على ولاعة العربية حتى لو اضعف
منفاخ الهواء اللى بيتحط مكان البوجيه
أختراع يا كوتش
فكرة جامده بس ليه البهدلة
ده جهاز اختبار كبس محرك وخرطومه طويل عشان ياخد العداد معاه جوه الصالون.... ببساطه لو هو منفاخ وهنشيل يا سيدي البوجية والعربية هتدور 3 بساتم.... طب والبنزين اللي هيدخل السلندر المفكوك هيتعمل فيه ايه؟؟...وبعدين انتوا نسيتوا ان البستم زي ما بينفخ بيشد برضه؟؟؟
الببتاع ده كان عندنا منه برضه زمان ومن السعودية
هو منفاخ فعلا
موضوع الهوا بيكون مشبع بالبنزين مش للدرجه يعني ده حيالله رذاذ من العربيات الانجكشن الجديده
موضوع انه اقوى من بتاع الولاعه لا اعتقد لان في من بتوع الولاعات ببستمين وشغل واداء عاللي
لازم يشتغل والعربية دايره لانه معتمد عضغط الهوا (العادم) الخارج من الستم وبالتالي العربية ال3 سلندر هتشتغل متلته
لكن لو ماروتي وهتشتغل متنية يبقى حرام وبتاع الولاعه احسن
طبعا مش عملي بس وقتها كان اختراع
ممكن تحتفظ بيه للذكرى لكن مش هتستخدمه وبتاع الولاعه رخيص وعملي جدا وسريع مش وحش
تحياتي
شكرا على التوضيح والمشاركات ....جزاكم الله خيراً