الموضوع: ***سلبيات معرض اوتوماك اخبار اليوم (زيارة من الدرجة التالتة..) ***

المشاركة الأصلية كتبت بواسطة MoToRiZeR

هو النظام ده معمول بيه في المعرض السنة دي برده حضرتك
و لكن غرضه ان يبقي فيه سلاسة في حركة دخول الناس للمعرض
بحيث ميحصلش تكدسات للناس .. و هو بكدة يبقي ضامن انك تاخد مسارك جوة المعرض مرة واحدة و تمشي و غيرك يخش
بدل ما تدخل و ترجع و تدخل تاني و الناس مستمرة في الدخول فا يتسبب في الزحام

ايوة يا موتوريزر بس احنا مش مزرعة فراخ , كل واحد حر يحب يكمل المسار ,يحب يرجع تانى عشان يسائل على حاجة , يحب يروح و يرجع براحتة , و بعدين بقولك فى الاخر فشل النظام دة امام عينى يعنى بقيت الناس تخرج و تدخل من نفس المدخل براحتها , و مافيش اى تكدس حصل , و بعدين تاخد مسارك اية جوة المعرض , المفروض فى خريطة توزع على الزوار فيها اماكن كل العارضين و كيفية الوصول ليهم و مسار مقترح لزيارتهم كلهم , و انت حر بقى تتحرك براحتك بعد كدة , دة الطبيعى , انما احنا مش فى مصنع ولا فى مدرسة عشان امشى فى مسار محدد ,
هما كانو عملين كدة عشان كل الزوار يزورا العارضين كلهم , عشان يعنى محدش من الزوار يفلت .

طيب افرض انا عاوز شركة محددة و مش عاوز اشوف غيرها , يبقى لازم اخد المعرض من اولة كلة عشان اوصلها , و بعدين اكمل المعرض كلة للاخر عشان اخرج , معقولة الكلام دة

الخلاصة بقولك انة نظام فاشل و فشل بالفعل امام عينى بسبب ان الناس عوزة تتحرك بحريتها مش تمشيها انت على مزاجك .

و بعدين الاستيكر اللى بيتلزق دة بوظلى القميص فعلا لما رجعت البيت , مش المفروض فية جراب بلاستك بدالياة بيتحط فية كارت الزائيرين دة , انما تقول اية للتوفير بقى بالرغم ان الدخول كان ب 20 جنية السنة اللى فاتت .

انا روحت النهاردة العربيات المفتوحة هى العربيات اللى بتشوفها فى الشارع تقريبا باستثناء كام عربية , مازيراتى وبنتلى وممرسيدس Dtm و Sl عملين حضر تجول حوالين العربية وناس واقفين جنبهم على طول علشان محدش يقرب ناقص يجيبوا قناصة علشان يصطادوا اى حد تسول لة نفسة الاقتراب !!! والغريب ان مرسيدس كانت فاتحة ال S600 واللى عايز يتفرج عادى !!
مش حاسس المعرض زى مالناس بيقولوا و بيحكوا علية انا شايفوعاادى جدا بالعكس حاسس ان فية حاجة غلط او ناقصة حاجة , المعرض فى البداية "الجزء اللى فى الاكسسوارات وااصناعات المكملة" اقل وصف غبى تحس انك فى بيت جحا بتلف حوالين نفسك باقى المعرض كويس ومش فاهم اية لزمت التقسيم مايبقى كل القاعات جنب بعض وخلاص
الموديلز عاديين مش اوفر زى مالناس بتقول كان فى معارض قبل كدة كان فيها اكتر من كدة
اظرف حاجة تعليقات الناس واحد رايح يسأل على تمن الفرارى فالراجل بيقولة 4.5 فام الراجل رد علية 4.5 اية؟؟؟؟ مش فاه كان فاكرها 4 الاف ونص ولا ايية !!!!!!!

الكلام مظبوط يعني الواحد داخل المعرض اولا بت>كرة تعتبر غالية 25 ج
ثانيا بيقولوا معرض دولي؟؟؟؟؟
هو في معارض دولية بتقفل عربيتها كدا
لو ما شوفتش العربية في المعرض هشوفها فين يعني