مقبل على صيانة ال5000 و محتاج مساعدتكم
السلام عليكم و رحمة الله و بركاته
انا معايا لوجان 2011 و هى عاملة حوالى 4400 كيلو
و ان شاء الله هاروع اعمل صيانة ال5 قريبا و محتاج اعرف ايه اللى المفروض اطلبه منهم عشان انا سمعت انى لازم انا اللى اطلب و مش بيعملوا كل حاجه الا لو انا طلبت
بالاضافه لإنى كان عندى كام ملاحظة كده
1-تربيط العفشة
2- الازاز بيزيق مع المطبات
3-عضة فى الفتيس عند الغيار الاول + المارشدير بيهرب
4-مهم اوووووى صوت تكتكه فى الموتور باسمعه و انا ممور او والعربيه واقفه
ده كان اقتراح ---> (خليه يقرطلك على وش السلندر و يظبط التاكيهات كويس)
5-زنة دواسة البنزين
6-الموتور مخنوق عالاول و التانى
كنت عايز اخد رأى حضراتكم هل اخلى صيانة ال5000 لوحدها و الطلبات دى لوحدها فى مره تانيه ولا اقول كل حاجه مره واحده
+ ارجوكم تكتبولى قائمة باللى المفروض يتعمل فى صيانة ال5000
سؤال : هل حد كان بيشتكى من حاجه من الملاحظات اللى عندى واختفت المشكلة بعد الصيانه؟
اسف على الاطالة و شكرا مقدما