معلومات عن فوجات اللانوس ارجو الافادة؟

سؤال لكل الخبراء انا عندى لانوس وان وطبعا من غير فوجات وبصراحه عاوز اركب فوجات ليها لانى اكتشفت انها مفيدة جدا كمان بتدى شكل جميل اوى للعربية بس ليا شوية اسئلة
1-الاقى فين اصلا فوجات اللانوس بس ياريت تكون نضيفه ؟
2-هتكون كام تكلفتها تقريبا؟
3-ايه متطلبات التركيب؟
4- هل هيكون فى لعب فى كهربا العربية خصوصا انى مش عاوز لعب فى الضفيرة ؟
5- مين افضل واحد ممكن اعملها عندة ويكون شغل نضيف علشان بصراحه شفتها على فيرنا بتاعت واحد صاحبى بس الشغل بتاع فتح مكان الفوج ماكنش مظبوط وكحت فى اللون؟
واسف لو طولت عليكم

يا جماعه ياريت حد يد عليا بجد علشان محتاج اعرف حاجات فى الوضوع دة

فى اللانوس مش حتفتح حاجة... انت بس حتشيل غطيان الفوج من الاكصدام و دول بيتفكوا بمسمار لكل غطا

الفوجات نفسها بحوالى 150 و هات الصينى... اصل كلة حيتكسر فى الاخر من الزلط و الطوب اللى على الطريق فا متجبش حاجة غالية

حتحتاج الفوجات نفسها و مفتاح و كتاوت و سلك... و طبعا كهربائى نضيف

MMamdouh

انا لقيت الصيني في التوفيقية بـ 65ج و ده أقل سعر و مفيش الأصلي خالص ,
و ناس قالتلي اسأل عليه استيراد ,

اقتباس:

---

المشاركة الأصلية كتبت بواسطة Akram

انا لقيت الصيني في التوفيقية بـ 65ج

---

زى الفل... يبقى الطقم اللى ب 150 كان بتاع اللانوس 2

MMamdouh

gebto men 3and meen fi eltawfikia ya akram

استاذ اكرم هو حضرتك جبت الطقم الى ب 65 جنيه لو حضرتك جبته وركبته ياريت تقولنا اخبار شكله واضائته ايه يعني كويس ولا تعبان اصل انا عندي الفوجات ديه راكبه اصلا بس شكلها مسود خالص ونورها ضعيف عشان كده فكرت اشترى طقم جديد فلو ممكن تقولنا بالظبط اخبارهم ايه معاك

ياريت فعلا يا استاذ اكرم تقولنا انت ركبتهم على لانوس وان طيب انت عملت ايه فى فتحه الفوج ولا هما كانوا عندك اصلا علشان انا لسه عاوز افتح الفوج بس مش عاوز الشكل يبوظ؟
تانى حاجه تقييمك النهائى منهم ايه يعنى ليهم فايدة ولا كانك يابو زيد ماغزيت؟
وشكرا ليكوا جميعا.
يا استاذ محمد ممدوح انا بتكلم على اللانوس وان فا مافيش حكايه المسامير بتاعت فوجات اللانوس تو فهمت قصدى فا المشكلة فى كيفيه فتح الفج اكيد لازم حد نضيف

يا عم اديداس الفوج فى اللانوس 1 له فتحة فى الاكصدام و راكب عليها غطاء... و الغطاء دة بيتفك عن طريق ازالة المسمار اللى مثبتة من ضهر الاكصدام

MMamdouh

اقتباس:

---

المشاركة الأصلية كتبت بواسطة MMamdouh

يا عم اديداس الفوج فى اللانوس 1 له فتحة فى الاكصدام و راكب عليها غطاء... و الغطاء دة بيتفك عن طريق ازالة المسمار اللى مثبتة من ضهر الاكصدام

MMamdouh

---

وهو المطلوب اثباتة انت مش متخيل الموضوع دة كان شاغلنى اد ايه انا قلت هاقطع واعمل بس كدة زى الفل بجد الف شكر ليك يا كابير اللانوسية

اقتباس:

---

المشاركة الأصلية كتبت بواسطة adidas_vip2

وهو المطلوب اثباتة انت مش متخيل الموضوع دة كان شاغلنى اد ايه انا قلت هاقطع واعمل بس كدة زى الفل بجد الف شكر ليك يا كابير اللانوسية

---

لا ياباشا مفيش فتح و لا قطع و لا بنج و الكلام دة

اللانوس 1 بتفك غطا الفوج بمسمار زى ما شرحت... اصل انا كنت شايله فى عربية الوالد لما كنت مركب الفلتر ورا الاكصدام

اللانوس 2 بتغير فبرة الفوج المقفولة بواحدة مفتوحة جاهزة بتاعت فوج ب 15 جنية الطقم

MMamdouh