السلام عليكم ... عندى سؤالين لخبراء اللانوس

**E_medo77** · 26-03-2012 12:42 AM

اولا بشكر كل من قام بالدخول على الموضوع وسؤالى الاول هو معايا لانوس 1 موديل 2000 وواطيه جدا من ورا وعاوز اعليها .. المفروض اعمل ايه ؟
سؤالى الثانى لما باكون ماشى على سرعه مثلا 60 وشوفت مطب على بعد بفصل غيار واهدى لغايه ما اجى اخد المطب صح؟ طيب لما باهدى وقبل ما اخد المطب بجيب الغيار الاول تمهيدا انى لما اخد المطب بعد كده اطلع عليه لكن بسمع صوت زرجنه تروس الفتيس ومش بعرف اجيب الاول الا لما اهدى العربيه جدا تقريبا تقول واقفه تقريبا ... ف باضطر اجيب الغيار التانى لما اهدى واخد اى مطب ممكن اعرف السبب ايه مع انها ما كانتش بتعمل كده خالص قبل كده

**amr_adel00** · 26-03-2012 04:02 AM

اكشف على عقربة الفتيس

**محمد الشامي** · 26-03-2012 09:42 AM

المشاركة الأصلية كتبت بواسطة e_medo77

سؤالى الاول هو معايا لانوس 1 موديل 2000 وواطيه جدا من ورا وعاوز اعليها .. المفروض اعمل ايه ؟

في ناس بتركب علايات , ودي بترفع العربيه من ورا كويس ولكن بتقلل من الثبات , ومش بتكون امان على الطريق خاصه لو حضرتك من النوع اللي بيحب الجري على الطرق و و و

وفي حل تاني بس مكلف طبعا , وهو انك تغيير سوست ومساعدين ورا , واكيييييد العربيه هاتعلى معاك
بس طبعا ماتركبش المساعدين الأصلي لانهم زي قلتهم , ركب kyb او مونرو

**E_medo77** · 26-03-2012 04:48 PM

اشكركم جميعا للافاده وان شاء الله مش هادخل فى تغيير مساعدين وسوست او علايات ..... انا هاسيبها كده وخلاص لحد ما ابيعها

**محمد الشامي** · 26-03-2012 09:09 PM

عين العقل :)

**E_medo77** · 26-03-2012 10:15 PM

اشكرك أ محمد بس لو عندك اجابه عن سؤالى الثانى لما باكون ماشى على سرعه مثلا 60 وشوفت مطب على بعد بفصل غيار واهدى لغايه ما اجى اخد المطب صح؟ طيب لما باهدى وقبل ما اخد المطب بجيب الغيار الاول تمهيدا انى لما اخد المطب بعد كده اطلع عليه لكن بسمع صوت زرجنه تروس الفتيس ومش بعرف اجيب الاول الا لما اهدى العربيه جدا تقريبا تقول واقفه تقريبا ... ف باضطر اجيب الغيار التانى لما اهدى واخد اى مطب ممكن اعرف السبب ايه مع انها ما كانتش بتعمل كده خالص قبل كده

**محمد الشامي** · 26-03-2012 10:23 PM

والله يا استاذي الفاضل انا معنديش خلفيه كويسه عن مشاكل الفتيس وعشان كده ماحبتش افتى :) وتركت المجال للزملاء الاكثر مني خبره للرد عليك

سامحني :)

**E_medo77** · 27-03-2012 12:12 AM

اشكرك لاهتمامك وفى انتظار رد زملائنا الافاضل

**mustafa_fawzy** · 27-03-2012 12:33 AM

عربيتى بتعمل نفس الحالة بالضبط وفى أغلب الأوقات بجيب التانى وانا قريب أو على المطب
والغيار الأول لا يأتى معى إلا من حالة الثبات فقط
فهل ياترى هذا عام أم عندنا مشكلة

**alaafever** · 27-03-2012 12:54 AM

انا عندى نفس الموضوع وده طبيعى فى اى عربيه فلكل غيار سرعته القصوى و سرعته البطيئه فلو انت على الغيار الرابع وعداد السرعه جايب 100 ك فلو اديت الغيار الثالث العربيه تتباطا سرعتها فجاه (تكلبش فى بعضها )وده بيدمر تروس الفتيس مع الوقت ولكن بنعمل كده لما مش تلاقى الفرامل شغاله فجاه

الموضوع: السلام عليكم ... عندى سؤالين لخبراء اللانوس

LinkBack

أدوات الموضوع

عرض

-

-

-

-

المواضيع المتشابهه

سؤالين لخبراء لانسر بومه

السلام عليكم يا ال اللانوس

السلام عليكم عندى شويت حجات عايز ابعها بسعر كويس

السلام عليكم انا عندى لجانزا99 وعندى مشكله وانا ماشى العربيه تفصل خالص ممكن لو سمحتوا

السلام عليكم عندى استفسار مهم جدا وشكرا

الكلمات الدلالية لهذا الموضوع

المفضلات

المفضلات

ضوابط المشاركة