اقتباس:
المشاركة الأصلية كتبت بواسطة aymanay32
بقالى كتير بعيد عن النت
و دخلت النهاردة
الموضوع ده جميل جدا
و فتح نفسى احكيلكوا شوية
غيرت مياه الريداتير بمياه خضراء و للاسف اكلت المواسير و هذا على قول بتاع الريداتيرات
و انا رايح الشغل فى المظلات بشبرا لقيت العربية بتسخن معايا فى السكة ركنت لقيت شلال مياه نازل
سيبتها لغاية ما اخلص شغل و ارجعلها
لقيت واحد راكن بالعرض قدامى ما ينفعش اطلع
قمت روحت لبتاع الريداتيرات و حكيتله قاللى يا تجيب العربية يا تفكالريداتير و تجيبة
لانه مش هيقدر يسيب الشغل و يجى معايا يفك الريداتير
المهم فكيت و بعد ما قربت اخلص العربية اللى جنبى مشيت قولت اطلع من المكان الضيق دة
روحت مركب تانى و طلعت
الخلاصة
طلع فيه خرم فى الريداتير و تم لحامة ب 30 جنية و اعطانى ضمان نص ساعة على الريداتير لانه قاللى المواسير اتاكلت كلها
تانى يوم رجع الريداتير يشر ميه و العربية تسخن و توصل للعلامه اللى قبل الاخيرة و اركن لغاية ما تبرد
روجت لبتاع الريداتير
قاللى فيه راداتير اصلى المونيوم ب 330 جنية و نحاس 3 ماسورة مش 2 ماسورة زى اللى راكب فيها ب 390 جنية
بصراحة فكرت قلت طيب ما اجيب النحاس يكون احسن و كمان 3 ماسورة
و كدة كدة مضطر اتحرك بالعربية و ما ينفعش اركنها فى شبرا لغاية ما اروح الف اسأل عند رامى و لا سوزوكى سنتر و لا الوكالة و اروح الهرم و مش هطمن عليها فى المكان ده
قمت ركبت النحاس
هل ما عملته صح و لا غلط
و هل السعر ده مناسب و لا انضحك عليا فى السعر
و ياترى كان سعرة بره كام
طبعا صح يا باشا
لان الريداتير النحاس افضل لانه مبيسخنش بسرعه ثانيا ينفع يتلحم لان الالمنيوم مينفعش يتلحم
بس السعر غالى شويه .. بس قولى هو الريداتير ال ركبته جديد ولا استراد
وهل اخد منك القديم ولا اعطهولك ؟؟؟