حد سمع عن البيزنس ده؟

حد سمع عن شركه Qnet ؟
التسويق الالكترونى عن طريق شراء منتج وبكده تكون عملت بيزنس وتجيب واحد صاحبك ويشترك وهكذا
لحد ماتكون شجره من 6 اشخاص وتاخد 250 دولار وكل ما اللى تحتك بيجيب ناس الفائده بتعود عليك وهكذا
المهم هل الموضوع ده فعلا حقيقى لانى انا واحد زميلى اخدنى وخلانى احضر presentation فى الانتر كونتننتال سيتى ستارز وزميلى فعلا اشترك ودخل البيزنس ده ودفع10000 جنيه
طبعا الغريب انى اتعرفت على ناس اصدقاء زميلى وشغالين ظباط وفى اماكن حساسه وعاجبهم الموضوع
وماشيين فيه ومقتنعين جدا بيه ومنهم اللى قبض بالدولار فعلا واللى ساب الداخليه خالص واتفرغ للبيزنس ده
يا ريت اللى عنده معلومه يفيدنا اذ ربما يكون الموضوع ده جاد فعلا والفايده تعم على الناس كلها
انا ماشتركتش طبعا لانى عاوز اتاكد اكتر من جدوى الموضوع ده وكمان انا فرحى الشهر اللى جاى وطبعا مش من اولوياتى فى الفتره ده ايه رايكوا واتمنى حد يفيدنا بالموضوع ده

فكره فاشله و فيها شبهه حرام و كل الشركات اللى بتتعامل باسلوب Tree Marketing فى مصر فشلت و رحلت و نصبت على الناس من اول بتوع اوبتيمام بتوع سبيكه الذهب الفالصو الى بيزناس بتوع المواقع اللى على سيرفرات شير

انصحك اقرا الموقع ده و انت تفهم

‫معا ضد كيونت | Facebook‬

كيونت حرام فى حرام ونصب فى نصب والدليل الشركات اللى كانت بتتعامل عن نفس الطريقة وكلها نصبت على الناس ورحلت عن مصر

هو لسه في حد مش عارف انها اشتغالات ؟

طيب دة حضرتك ااى المفروض تنقلنا تجربة اصدقائك اللى سابوا الداخلية! بس نصيحة ابعد عن الموضوع دة.

hags

اقتباس:

---

المشاركة الأصلية كتبت بواسطة salahlanser

وكمان انا فرحى الشهر اللى جاى

---

حبيت اقولك مبروك يا ابو صلاح
والله كان نفسي اكون موجود

ربنا يتمم بخير

هههههههههههههههههههههههه
معجبنيش في الموضوع كله الا الناس الشغالين في اماكن حساسه دول
الا الواحد يشتغل في مكان حساس ازاي؟؟؟

ومبروك يا صلاح باشا وليك واحشه من يوم مقابله المعموره

اقتباس:

---

المشاركة الأصلية كتبت بواسطة shnory

هههههههههههههههههههههههه
معجبنيش في الموضوع كله الا الناس الشغالين في اماكن حساسه دول
الا الواحد يشتغل في مكان حساس ازاي؟؟؟

ومبروك يا صلاح باشا وليك واحشه من يوم مقابله المعموره

---

ماشاء الله على الذاكرة بتاعتك

حدييييييييييييد

انت فاكره لسه من ساعة المعمورة
ده انا نسيت المقابلة نفسها
تقوم انت تفتكر شخص مشفتوش غير مرة واحدة في مقابلة كبيرة من سنين ؟

ياريت المشرفين يثبتوا موضوع عن الكيوزفت ...
كل يوم موضوع عنها ...

الموضوع اولاً: فية شبة حرام وراجع دار الافتاء، وهما فى المقابلة هيطلعلك فتوى الازهر والافتاء بجواز العملية ولكن لو قريت الفتوى هتلاقيها متعلقة بعملية البيع للغير (الحلال) وليع بكامل عكلية التعامل من ادخال اخرين كشرط اساسى للحصول على العائد.
ثانياً: خروج اموال خارج مصر، لانك بتشترى منتج مستورد تماماً وكمان باكتر من سعرة بفرق مش صغير.
ثالثاً: علشان تحقق مكسب لازم تدخل عدد كبير والى تحتحك كذلك وفى وقت السوق هيتشبع - الكل دخل - يبقى الى هيخش الاول هيكسب والى فى الاخر هيخسر، بيقى دى حلال!!!
فكك من الكلام دة وانصح غيرك برضة،

ابو صلاح واحشنى جدا وفعلا كان نفسى تكون موجود فى الفرح
شنورى ما شاء الله عليك لسه فاكرنى ووالله انت كمان ليك واحشه كتير جدا

الموضوع ده المفتى حرمه
و كان عن كيونت بالذات
و اناس بتوع شركة كيونت اتظاهروا و قطعوا طريق المفتى و المفتى ساب عربته و ركب تاكسي
و الخبر هنا فى الرابط ده
[url=http://www.youm7.com/News.asp?NewsID=566088&]

حاجة جميلة أوى
كل الناس تسيب شغلها وتجرى ورا الوهم و الفلوس
والبلد تخرب أكثر وأكثر

أنها دعوة الى الفساد والفتن

شرعا هذا النوع من البيوع غير جائز بالمرة
وبعد البحث والمراجعة في ماهية هذه الشركات وطبيعة عملها وغرضها التسويقي، اتضح أن جمعا من أهل العلم والفقهاء ومن لهم دراية بفقه المعاملات المالية والبيوع سواء بجمهورية مصر العربية أو المملكة العربية السعودية قد اتفقت آرائهم وفتواهم بعدم جواز التعامل بتلك الطريقة التسويقية بالمرة. وللسائل عن مصدري في تلك الفتاوى، فأنصح السائل بمراجعة الموقع الألكترونية أو الاتصال بكل من دار الإفتاء المصرية ومراجعة السؤال برقم مسلسل 3861 بتاريخ 25 ديسمبر 2011، وفتوى الأستاذ الدكتور سعود بن عبدالله بجامعة الإمام وعميد كلية الشريعة بالرياض، والدكتور عبدالعزيز بن سعود، والدكتور نايف بن محمد العجمي، أرجو المراجعة

اقتباس:

---

المشاركة الأصلية كتبت بواسطة amrpegas

حاجة جميلة أوى
كل الناس تسيب شغلها وتجرى ورا الوهم و الفلوس
والبلد تخرب أكثر وأكثر

أنها دعوة الى الفساد والفتن

---

+111111111111111111

انا اعرف واحد كان مهندس في موبينيل ساب شغله عشان كيونت و هو اللي قايلي كدا بنفسه !!! انا كنت مذهول و الله العظيم

عندك حق انا اعرف زمايلي في كلية شرطة والحوار واكل دماغهم بس مش لدرجة يسيب الداخلية !!
بس عموما الحوار نصب وبيعتمد علي فلوس غيرك هيدفعها عشان ترجع فلوسك وهكذا وفلوسك مش هترجعلك الا لو سوقت وغيرك لبس بدالك ..

http://i429.photobucket.com/albums/q...5/bd8bc7d1.jpg
صورة ابلغ من 100 كلمة

انت قديم أوي ياصلاح
الشركات دي نصب ياراجل من زمااااااااااااااااااااااا ااان
وكل شهر لازم عضو يعمل موضوع عن نفس الذات نفس الموضوع

اقتباس:

---

المشاركة الأصلية كتبت بواسطة a7med_pharma

انت قديم أوي ياصلاح
الشركات دي نصب ياراجل من زمااااااااااااااااااااااا ااان
وكل شهر لازم عضو يعمل موضوع عن نفس الذات نفس الموضوع

---

انا لقيت زميلى كلمنى وقالى تعالى على انتركونتننتال سيتى ستارز ورحت من باب الفضول
وكان معاه ضباط امن دوله اصحابه ودخلونا ونزلنا بالاسانسير -2 تقريبا وحضرنا وانا ماكنتش اعرف الحوار ده بس لقيت شعب مصر كله هناك وجميع الاعمار مش شباب او بنات بس
لقيت ستات كبار ورجاله كبار واللى بيشرح اسمه خالد دبيه وبيقولوا انه رقم واحد فى مصر وانا اسرع واحد على مستوى الشركه وصل ل 3000 دولار فى اليوم

ماهو زي مالناس قالوا
الي في الأول بيكسب.. والي في الأخر بيخسر
وهتحس إنك بتنصب على إصحابك وزمايلك علشان تكسب من وراهم


.
الموضوع ده إتعمل في أمريكا تقريبا في االــ تمانينات
والمباحث الفيدرالية جابت عاليها واطيها
وإتعمل عليها مشاكل كبيرة أووووووووي هناك

وإتخرب بيوت ناس كتير
والشركة كانت بتاخد فلوس الناس..وتشغلها في حاجات تانية ويعملوا منها فلوس
والناس خسرت وكانت ازمة

اقتباس:

---

المشاركة الأصلية كتبت بواسطة a7med_pharma

ماهو زي مالناس قالوا
الي في الأول بيكسب.. والي في الأخر بيخسر
وهتحس إنك بتنصب على إصحابك وزمايلك علشان تكسب من وراهم


.
الموضوع ده إتعمل في أمريكا تقريبا في االــ تمانينات
والمباحث الفيدرالية جابت عاليها واطيها
وإتعمل عليها مشاكل كبيرة أووووووووي هناك

وإتخرب بيوت ناس كتير
والشركة كانت بتاخد فلوس الناس..وتشغلها في حاجات تانية ويعملوا منها فلوس
والناس خسرت وكانت ازمة

---

كان اسمه بنتاجونو ....واللي عملوه ايطاليين .... بس ايطاليين من اصيع خلق الله ... من ايطاليا السوق مش ايطاليا المحطة يعني