مبروك جالى جوان وش سلندر

**amir_ezzat** · 07-06-2008 11:31 AM

صباح الفل على الناس الاوبلاوية
يا حبيبى يا حلوين انا امبارح عربيتى حبيبتى جابت جوان وش سلندر وبصراحه معنديش اى فكرة عن اية الاحتيطيات اللى المفروض اعملها لحد ما اعملة وهو هيتكلف كام وازاى اتاكد انة فعلا جوان لأنى بصراحه لازم اتاكد لأنى هبعت حد من القاهرة يجى علشان يعمله هنا علشان انا لا اثق فى اى ميكانيكى هنا خالص
ياريت اى حد يعرف اى معلومة عن الموضوع ده يعرفنى علشان اكون فاهو وانا بتعامل مع الناس
1- تكلفة الاصلاح ( جوان - المصناعية )
2- اعمل اية لحد ما الاقى حد يعملها

يعنى كل حاجة اى حد يعرفها
بالمناسبة
عربيتى اوبل فيكتر 1997 - 2000 سى سى اتوماتيك

**Ahmad Allawy** · 07-06-2008 01:28 PM

السلام عليكم..
قدر الله وما شاء فعل..
الحمد لله علي كل حال.. فداك يا باشا..
شوف يا سيدي.. متحركش العربية خالص.. عشان ميحصلش عواقب..
اللي بيتعمل هو غالبا تغيير جوان وش السلندر و احتمال جوان التكيهات كمان..
بس مش متأكد من الجوان التاني ده..
و بيتغير زيت و مية الردياتير..
و احتمال لو الموضوع كان غوط شوية.. انك تخرط وش السلندر وش نضافة كده..
بس ان شاء الله ميكونش الموضوع وصل للنقطة دي..

ده اللي اعرفه.. و اللي يعرف اكتر يقولنا..

07-06-2008 01:49 PM

مساء الخير على المعلمين الاوبلاويه..وعلى مستر احمد علاوى المتحدث الرسمى للعصابه :)

بص يا أمير باشا...اولا انت متأكد اوى كده ان العيب دا من ال
head gasket ???
قصدى ايه الاعراض المرضيه اللى فى العربيه ؟؟؟؟؟

عموما اعراض جوان وش السلندر head gasket كالآتى
1- اختلاط الماء بالزيت
يعنى المايه هتلاقيها مزيته او عليه بقع زيتيه على السطح
الزيت هتلاقيه مطحن (عامل زى الطحينه) كالون..دا غير ان نسبة لزوجته هتلاقيها فى الكنافه :)
2- فوران الماء من القربه ؟؟؟
3- ارتفاع درجة الحراره حتى بعد ما ما مراوح التبريد تشتغل
وتعرف اكتر ان العيب من الجون فى الحاله دى ...انك تمشى بسرعه على طريق سريع او مفتوح...لو الحراره وصلت عند الحد اللى المفروض تشتغل عنده المراوح ..والمراوح اشتغلت فعلا...ورغم كده الحراراه مستمره فى الزياده..= جوان
.................
ما تمشيش بالعربيه لحد ماتعملو..لو طلع فعلا العيب منه.
.لان ممكن وش السلندر ال cylinder head
يقفع من السخونيه...وتخش فى ليله كبيره
.................
المصنعيه ..من 40 الى 60 جنيه
سعر الجوان بتاع الاوبل اسأل حد من عندك فى القسم
مش لازم تغير جوان غطاء التكيهات
وكمان اوعى تخرط الوش...ملهاش لازمه بتتعمل لما يكون الوش مقففع بي

هتغير زيت وماء زى ما احمد باشا قاللك

وشكرا على كده
واطلع بأى سندوتش عا الماشى :)

**Ahmad Allawy** · 07-06-2008 02:01 PM

يا مساؤ الفل و الورد عليك يا هاني بك..
اهر بيك.. و اهلا بالخبرة العملية.. :)
شكرا يا باشاعلي الافادة..

**nokiy** · 07-06-2008 02:12 PM

ربنا يعوض عليك وان شاء الله خير

**ENG\AHMED** · 07-06-2008 02:13 PM

هى العربية سخنت منك ولا اية اللى حصل؟؟

**amir_ezzat** · 07-06-2008 02:51 PM

اللى حصل يا باشا ان العربية سخنت قوى بسبب انى شيلت سويتش بتاع المرواح علشان كان بينفس تكيف
واسمحلى ازد حاجة كمان بتحصل لما يكون عندك جوان
فعلا انا لاقيت المية طحينة وكمان الشكمان طول ما نا ماشى بيجيب مية

**ENG\AHMED** · 07-06-2008 04:08 PM

المشاركة الأصلية كتبت بواسطة amir_ezzat

اللى حصل يا باشا ان العربية سخنت قوى بسبب انى شيلت سويتش بتاع المرواح علشان كان بينفس تكيف
واسمحلى ازد حاجة كمان بتحصل لما يكون عندك جوان
فعلا انا لاقيت المية طحينة وكمان الشكمان طول ما نا ماشى بيجيب مية

ياراجل فى حد يفصل المراوح !!
المشكلة انك محتاج تفتح علشان تعرف اية اللى حصل بالظبط جوة واذا كان فى عندك اى مشاكل تانبة فى الموتور اعملها بالمرة وانت فاتح بس هى المشكلة هتجيبها تعملها هنا وللا هتاخد حد يعملها عندك وهل كل قطع الغيار موجودة عندك وللا ابة؟

**amir_ezzat** · 07-06-2008 08:17 PM

والله يا باشا ربنا يستر انا فعلا بعتها التوكيل هنا فى شرم من حوالى ساعه كدة ومستنى منهم تليفون
هما عندهم اه تقريبا كل قطع الغيار بس ربنا يستر ويعرفوا يعملوها لحسن الناس ه نا بطيخة خالص
بس تفتكتر ممكن يكون اية تانى جواه المتور علشان اعمله بالمرة يعنى من بابا الاحتطياط اخليهم يبصوا على اية
تصدق بالله الراجل الل هنا فى التوكيل اللى كان بيستلم منى العربية بيقولى تحب نغير زيت ومية ولا هتمشى بالموجود ده بعد ما نعمل الجوان قوت ليهم لازم اغير قالى لو صبرت المية ا للى فى الزيت هتتبخر وتبقى زيت عادى

**ENG\AHMED** · 07-06-2008 08:53 PM

بس تفتكتر ممكن يكون اية تانى جواه المتور علشان اعمله بالمرة يعنى من بابا الاحتطياط اخليهم يبصوا على اية

انا معرفش اية عندك انا بقولك لو بتشتكى من اى حاجة تانية اعملها بالمرة , هو كدة مبدأين جوان وش سلندر وهيبص اذا كان الوش محتاج خراطة ولا اية

تصدق بالله الراجل الل هنا فى التوكيل اللى كان بيستلم منى العربية بيقولى تحب نغير زيت ومية ولا هتمشى بالموجود ده بعد ما نعمل الجوان قوت ليهم لازم اغير قالى لو صبرت المية ا للى فى الزيت هتتبخر وتبقى زيت عادى

لا تعليق .. انا لو رديت هشتم

نصيحة خد عربيتك اعملها عند حد بيفهم الموضوع مش ناقص فتى ولو وقفت على قطع الغيار ابقى هاتها من التوكيل وخلاص

الموضوع: مبروك جالى جوان وش سلندر

LinkBack

أدوات الموضوع

عرض

مبروك جالى جوان وش سلندر - انشر الموضوع فى :

-

-

-

-

-

المواضيع المتشابهه

جوان وش سلندر

مبروك جالى ولد

هوا دا جوان وش سلندر و الا ايه :(

جوان وش سلندر في ايه اكس

الكلمات الدلالية لهذا الموضوع

المفضلات

المفضلات

ضوابط المشاركة