سلبيات في مجتمعنا ... بتركن الترولي فين؟

**goodwave** · 07-06-2008 11:33 AM

السلام عليكم
والله بقترح إن الإدارة تفتح باب في الإجتماعي إسمة "سلبيات في مجتمعنا" يعني منه الواحد يفرغ عم همه ومنه الواحد يوضح السلبيات دي ويحاول يتفاداها وإن كان مش واخد باله منها .... لعل وعسى ... نبقى في يوم من الأيام مجتمع او شعب متحضر بمعنى الكلمة!

المهم ... لا حظت ةمنذ فترة وطبعا دي فترة شرائي العربية وترددي على كارفور الصحراوي لانه على طريقي للبيت وفية كل حاجة وزيارة بتلم فيها كل الإحتياجات ... المهم تاني ... لاحظت ظاهرة غريبة و "مؤذية" وهي إن الأستاذ البية او الهانم بعد ما يخلص ال shopping ويطلع بالترولي عند العربية ويحط المشتروات في شنطة العربية بيقوم سايب الترولي مكانه او قدام عربية راكنة او جنبها وخلاص.

طبعا ده بيؤدي إلى إزدحام الباركينج بالترولي فلازم حضرتك تنزل او تنزلي من العربية علشان تحرك او تحركي الترولي علشان تركن! او تركن بحذر جنب الترولي إللي ممكن يخبط في العربية ويجرحها ... عادي ... او تطلع من الماركت تلاقي ترولي جميل حاضن العربية ومجرح الباب او الإكصدام او الرفرف!

سؤالي:

هل وصلت بينا درجة الامبالاة والإستهتار بملكيات الغير و "الكسل" .. إننا بعد ما نخلص تسوق ونحط أغراضنا في شنطة العربية إننا نمشي خمسة او عشرة متر ونحط الترولي في المكان المخصص بية؟ انا عارف إن ساعات في عامل بيلم الترولي بس لحد ما العامل يجي لية إحنا مش بنحترم غيرنا ونبعد الأذى عن الأخرين؟

حد لاحظ الموضوع جه قبل كدة؟ ولا انا محبكها شوية ؟ ولا ده عادي؟ ومين بيتصرف بتحضر ومين بيرمي الترولي ويمشي وزي ما تيجي يخبط في عربية او يسد الطريق... وأنا مالي؟؟؟؟؟؟؟

**osama** · 07-06-2008 11:43 AM

فعلاً كلامك صح احنا شعب تربي علي الكسل - كبر دماغك - مشي حاللك
وياريت الجيل الجديد يطلع احسن

**دموع الثلج** · 07-06-2008 12:28 PM

احيانا لما بكون طالعه من كارفور بلاقى ترولى فعلا قدام عربيتى او جمبها فبنزل اركنه عشان اقدر امشى

ولكن برضوا اانا لما بشترى حاجه بحط الحاجه فى شنطه العربيه واحيانا بسيب الترولى مكان شنطه العربيه وامشى او انى بركنه على جمب اى عمود لانى عارفه فيه ناس بتجمعهم وتدخلهم كارفور تانى يعنى تقدر تقولى انى بعمل الغلطه دى قليل جدا بس انتبهت لها بعد موضوعك ده ومعتقدش انى هكررها تانى باذن الله
والف شكر لك على لفت الانتباه