الموضوع: اوعى تسيب لابنك او اخوك الصغير مفتاح العربية

امبارح قاعد فى امان الله سمعت صوت خبطة فى الشارع وصوت زجاج بيتكسر ببص لقيت عربية شاهين لابسه فى عربيتى البيجو من ورا نزلت اشوف فيه ايه لاقيت ولد عمرة حوالى 15 سنة راكب عربية ابوه وخابطلى العربية والدنيا كلها زجاج والحاجة اللى تغيظ لقيت الناس اتلمت وقبل ما اتكلم كل واحد خلاص ربنا ستر معلش دا عيل صغير خلاص ربنا يعوض عليك ببص للواد لقيتة خايف قلتله ارجع وراء نشوف فيه ايه جه يرجع لصق فعربية لانسر كانت واقفة فى الشارع بعدها جه يخش قدام كان هيشلنا مش عارف يتحكم فى العربية خالص المهم الواد نزل خايف ببص لقيت عربيتى الخبطة عندى مش كبيرة يدوب فانوس مكسور والاكسدام المعدن اتعوج وخبطة صاج مش جامدة هو عربيتة اتبهدلت فانوس امامة واكصدام وخابطة فى الصاج جامدة اخدته بالراحة وقلتله عاجبك كده لو كنت خبطت عيل ومات كنت هتدخل السجن او لو كنت خبطت عربية واحد غيرى كان هيضربك ويبهدلك وخليت جارى راح وصله بالعربية لحد بيته ويعرف ابوه اللى حصل اولا الحمد لله انها جت فى العربية ومجتش فى عيل صغير او حتى حد كبير الحمد لله انها جت فى عربية قديمة وحاجتها رخيصة وبعدين انا كنت زيه باخد العربية بابا والف من غير ما اقله عايز انبه كل واحد ميسبش مفتاح العربية لابنة او اخوه الصغير الخوف من اللى نص متعلم يعنى مش متكن فى السواقة لكن بيعرف يمشيها بس بصراحة كنت متوقع ابوه يجى يعتذر عما حصل من ابنه لكن للاسف لم يحدث

فعلا مشكله كبيره ولازم الواحد يكون حريص وانا فعلا عيشت كذا موقف زى ده
فى مره
كان ابن خالتى خد المفتاح بمعرفه ابوه على اساس انو يغسلها
هو خد العربيه وراح يلف بيها شويه فقابل واحد صاحبه
بيرمى عليه بالعربيه راح لابس فى بيت كان لسه خرسانه
طبعا النص اليمين كله باظ
وكانت العربيه لانسر وكان لسه دافع فيها دم قلبه ياعينى