انا معروض عليا بورا موديل 2005 كاملة مانيوال فابريكا بس واخدة خبطة ف الباب الخلفي شمال
عايز اعرف تعمل كام
عرض للطباعة
انا معروض عليا بورا موديل 2005 كاملة مانيوال فابريكا بس واخدة خبطة ف الباب الخلفي شمال
عايز اعرف تعمل كام
وكمان عايز اعرف مين انضف واحد ممكن يشتغل ف العربية دى والواحد يجيب قطع الغيار الاصلية منين
انا لسة شاري بورا 2002 اوتوماتك
بص الخلاصة
فطع الغيار الاصلية
اشرف الشهابي في شارع دمشق مش بيبع غير الحجات الاصلية بتاعة الفولكس
وانا رحت لواحد في جسر السيويس عشان يكشفلك علي العربية ويقلك كل الي فيها هو اسمة هاني سمير من الاخر استاذ وهو في ظهر جنينة بدر الي في جسر السويش بعد مزلقان القطار علي اليمين مباشرتا اسمها الشركة الهندسية لصيانة السيارات
اهم حاجة اساسيات السيارة مش الخبطة الي في الجمب
روح واكشف علي السيارة هناك قبل متشتريها هو عنده كشف كامل للسيارة
وهيقلك علي كل حاجة فيها قلة كشف شراء
بس لاحظ ان قطع الغيار غالية حبتين مش زي الياباني او الكوري
اولا مبروك لعربيتك وربنا يباركلك فيها ويجعلها مبروكة عليك
ثانيا هى فعلا عربية محترمة جدا والعربية الي معروضة عليا ماشاء الله كويسة جدا وكل الي هيتعمل فيها صيانة
زى تغييير السيور بالكامل والزيت والفلاتر وتيل الفرامل وما شابة ذلك
ثالثا انا عايز اعرف متوسط سعر الحاجات دى كام
وعايز اعرف العربية بالمواصفات دى متوسط سعرها ف السوق كام
وانا متشكر لرد حضرتك السريع
وربنا يقدم الي فية الخير
وكنت عايز اعرف من حضرتك تقييمك للعربية ومميزتها
70 75 الف جنيه
و قطع غيارها متوسطه مش غاليه
بص ياسيدي اولا العربية ماشاء الله ركوبة ممتازة موتور ملوش حل سرعة ملهاش حل انا معايا الاوتوماتك
المانيوال هيكون حكاية فعلا مركبتش لغاية دلوقتي عربية زيها مناورة ممتازة ماشاء الله
متوسط الاسعرا انا هقول علي اللي سالت علية
اولا عايزك تعرف ان حجات العربية كلها ميكانيكة وعفشة وموتور هي هي الاوكتافيا ال a4 تمام
كل حاجة الاوكتاية تركب عليها وفية محل اسمة الهاشمي في عابدوا باشا العاباسية عنده حاجاتها كلها عادا الاسسوارات الخارجية عشان هو ده الاختلاف
بص بيض مقصات اصلي 275
فية الالماني ماركة اسمها فابي 175
فية التركي 120 تقرببا
السيور سير الدنموا عامل حوالي 300 والبلية 300 في الحدود دي مش فاكر كام بالضبط
سير الدنموا حوالي 275
الشداد تقريبا 425
جلب الدونجل ماركة فابي الماني 330
الاصلي عند اشرف الشهابي عامل 490
المساعدين الاماميين من الهاشمي يعملوا 1100
الخلفيين 1200 تقريبا
الطلمبة استيراد 500ج
مسطرة الرشاشات استيراد 200 الي 250ج
يعني موضوع السيور غالي شوية بس انت تقربيا تعملها كل سنتين الي عرفتة من كلام الاعضاء هنا او كل سنة ونصف علي حسب ماشيك
الموتور كامل يعمل حوالي من 5 الي 6 الاف جنية استيراد
جلب اتزان الاثنين يعملوا 90ج
حساس بور يعمل 185ج عشان يتقل الدركسيون علي السرعات العاليا
حساس ريديتر علي 2 بن يعمل 220ج من عند اشرف الشهابي
ولو جبت حاجة من الحجات دي هقلك علي سعرها بالضبط
بس شوف الهاشمي الي بيبيع حاجة الاكتافيا ال a4 الاول وبعدين اشرف الشهابي وقارن بين الاثنين لو لقيت الفرق بسيط هات من اشرف لو لقيت الفرق كبير هات من الهاشمي
--------------------------
زيت الموتور فية ليكوي مولي وفية شل ن كلام الاعضاء حط زيت 5000
اما زيت الفتيس عندي عشان زيت فتيس كهرباء سعرة 800ج
ولو احتجت حاجة انا تحت امرك انا اسف اذا كانت المعلومات مش كتير عشان لسة شاري العربية ومدستش فيها جامد
انا متشكر جدا يامعالي الباشا وصاحبها فعلا طالب 72000
بس انا بنزل معاة وربنا يكرم
بخصوص الزيت انا بستخدم فالفولين وبجيبو ف الاوبترا ولادا بحطلها موبيل وان
طبعا اما بخصوص اسعار قطع الغيار هى غالية شوية عن اليابانى بس دة ميمنعش انها معمرة
ثانيا انا بشكرك جدا يامعالي الباشا علي المعلومات دى وربنا يكرمك وان شاء الله اشوفك قريب علشان تقولي رايك ف العربية وتكون توغلت ف عربيتك شوية وربنا يحفظهالك بأمر الله ويبركلك فيها