ياساتر يا رب !
حمد الله على السلامة ياكريم ...
انا كدة بجد حفكر اشتري اي حاجة حماية من اول الشهر ...
استغفر الله العظيم ...
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
السلام عليكم ورحمه الله
الحمد لله على كل شيئ
يا رب ما يكتب اللي حصل على حد لان الموقف مهما يتحكي مش زي ما بتعيشة
امبارح بعد شغلي كان عندي شوية مشاوير كالعادة
ونظرا لاني لما بتحرك بكون مش مخطط تحركاتي قوي خاصة مشاوير فجائية دلوقتي تتعلق بترتيبات لنقل المنتدي لسيرفر جديد ودراسة عروض الخطط والاسعار واجتماعات عشان اتعرف على فريق المانجمنت اللي بيدير السيرفر
وكنت في مدينة نصر في اخرها ناحية حي السفارات وانت رايح عالدائري واذ بحاجة شبكت تحت العربية
فتحت الشباك وطلعت دماغي برة سامع صوت حاجة بتتجر وعاملة دوشة شديدة
لقيت مكان كويس وعمار وقفت على جنب
لقيت غطاء مشمع بلاستيك من اللي بتتغطي بيه عربيات النقل مقطع وداخل تحت العربية
قولت اشدة عشان مايسيحش علي الشكمان ولا يتلف حوالي الكبالن
جيت اشدة من عند الاكصدام الخلفي لقيتة هايتقطع
روحت عند الاكصدام الامامي وبشوف مشبوك في ايه
سمعت صوت عربية وقفت ورايا وانا نازل على ركبتي ببص تحت الاكصدام
لسه بتلفت لقيت حد فتح باب العربية وشخص بيهجم بيشدني من الكاب بتاع الجاكت شدة جامدة
وعشان كنت على ركبة واحدة وقعت في الارض دماغي جت في الاسفلت اتعورت
اللي نزل وقعني ده حضنت رجلية الاتنين وشديتهم وانا لسه عالارض وشديته بعنف قلبتة على ضهره ودماغه اتهبدت في الاسفلت
كل ده في ثانيتين تلاتة والتاني اللي سايق كان نزل وبيلف حوالين العربية
العربة كانت نص نقل دوبل كابينة ايسوزو دي ماكس سودا وكانت زيرو بتبرق كانها لسه خارجة من المعرض وكانت من غير نمر
هو كان قفل عليا عمودي على الرصيف بميل عشان مهما رجعت بضهري مش هاعرف اطلع منه
قفلة معلم يعني
جريت دخلت جوة العربية ولسه هاقفل المسوجر لقيت الازاز مفتوح لما كنت مطلع راسي منه وعلى ماحط المفتاح في الكونتاكت هايكون فوق دماغي
مديت ايدي جبت المسدس وهو بيكون جنب ايدي جدا
والسواق كان سحب ماسورة تقيلة من الصندوق وجاي عليا والاول لسه قايم بيترنخ من خبطة دماغه في الاسفلت
شديت اجزاء المسدس وانا بكون حاطط الطلقة الاولي صوت عشان لو اتعصبت على حد
ومن الطلقة التانية بلي (المسدسات اللي متشال طبتها) لاني مش هاشيل مسدس حي من غير رخصة اودي نفسي في داهية
اول طلقة طلعت وانا بضرب وانا جوة العربيه وفي قمة الانفعال
وصوت الطلقة تقريبا مخلانيش سامع حاجة هو يدوب وقف لحظة ولسه بيفكر وهايهجم تاني عشان لقي الطلقة صوت وعملتش حاجة
ضربت الطلقة التانية اللي انا عارف انها بلي وانا معرفش بنشن فيه جت في الازاز الخلفي للكابينة بتاعتهم وانفجر والازاز اتسرطن وطار اجزاء كتير وبصوت عالي او اتهيائلي عشان ماكنتش سامع كويس
في اللحظ دي وقفو لحظة يفكروا وانا ماديتهمش فرصة يفكرو شديت اجزاء عشان اسحب الطلقة التالتة وضربتها ومعرفش ضربتها فين
جت في اللي كان واقع ولا جت فين عشان مش واعي اللي حصل قوي
هنا رمي الماسورة في الصندوق وجريو على العربية بتاعتهم وانا كنت بضرب الطلقة الرابعة
دور العربية وطارو هما الاتنين وانا مش عارف اتلم على اعصابي من الهجوم اللي حصل لاني حتى ماكنتش قادر انزل من العربية ولا اسوق
لانهم غالبا مش حرامية محترفين عشان معاهم سلاح وحتي الماسورد كانت جوة النقل يعني مش جوة الكابينة عامل حسابة ينزل يهجم بيها
دول لقو عربية واقفة قالك ننزل نقلبها ولقاني قاعد في الارض هجم
يعني غالبا جريمة وليدة اللحظة
كان في كشك الناحية التانية وعربيات بتشتري سجاير ولا حاجة ساقعة
افتكر في حد عدالي وجاب الجاكت من الارض لانه لما مسكني منه وقمت جريت شديت نفسي منه
وقالولي انت كويس طبعا محدش كان قدر يقرب والضرب شغال
معرفش سلبية ولا خوف ولا انعدام نخوة بس بقي هو ده حال الشعب ومحدش يستغرب
مش قادر اتخيل لو كانو طلعو عليا بسلاح او اللي فتح باب العربية دي كان في شومة بس في ايده وهو نازل وخبطني بيها
انا مكنتش واقف في حتة مقطوعة دي عمار والعواميد منورة
الناحية التانية كان في كشك وعربيات واقفة جنبه بيشتروا ولو انا هاشتري حاجة من الكشك ده هاقف مكان واعدي
جنبي كان سور مصنع البيبسي وفي امن المفروض سامعة ضرب النار لكن فعلا الناس بتخاف تدخل لما يشوفو مشاكل وضرب
نصيحة غالية
لو عربيتك مهما كان فيها حاول ما تقفش الا للشديد فعلا
وتكون في حتة مليانة ناس مع ان الناس مابقتش تحمي بس بتقلل الفرص للهجوم
ما تسمعش كلام بلد الامن والامان
لما تلاقي في ضهرك شرطة تحميك نبقي نقول الكلام ده
دي مش دعوة لشريعة الغاب لكن دعوة للاخذ بالاسباب وتحمي نفسك واسرتك
وانا مش متخيل لو كان حد من عيالي كان معايا وشاف اللي حصل ده كان هايحصله ايه بقية عمره
اخيرا بشكر كل اللي اتصل يطمئن ولكن عذرا في حالة نفسية ولا جسدية سامحالي بالكلام لاني زوري واجعني جدا وضرب النار من جوة العربية مأثر على السمع وصداع رخم مش عايز يروح
غير الحالة المزاجية السيئة
ومكنتش عايز اكتب حاجة لكن كتبت عشان تاخدو حذركم
وربنا يسلم طريقكم جميعا
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
ياساتر يا رب !
حمد الله على السلامة ياكريم ...
انا كدة بجد حفكر اشتري اي حاجة حماية من اول الشهر ...
استغفر الله العظيم ...
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
ألف سلامة يا كبيرنا
الله يخرب بيت البلطجية على الحرامية
الحمد لله على سلامتك أهم حاجة
لما كلكم عاوزين تبقوا فتوات أمال مين إللى حينضرب
رقم العضوية : 12461
تاريخ التسجيل : 07Jun2008
المشاركات : 780
النوع : ذكر
الاقامة : Cairo
السيارة: لا يوجد
السيارة[2]: Verna A/T Black
دراجة بخارية: No
الحالة :
اخى العزيز
كريم منير
حمدلله على سلامتك و الحمدلله ان ربنا نجاك
فعلا البلد مفهاش امان
BLACKVERNA
رقم العضوية : 9209
تاريخ التسجيل : 19Apr2008
المشاركات : 474
النوع : ذكر
الاقامة : Mokattam
السيارة: ربنا يرزق
السيارة[2]: Kia Cerato 2010
دراجة بخارية: لا يوجد
الحالة :
حمد الله على السلامة
ربنا يسترها عليك و علينا و على الناس كلها
[OVERLINE]غيرت موضع مرقدي ليلا ففارقني السكون[/OVERLINE]فبربك أول ليلة في القبر كيف تكون
hamadahosniسابقاُ
رقم العضوية : 22174
تاريخ التسجيل : 14Oct2008
المشاركات : 1,689
النوع : ذكر
الاقامة : cairo
السيارة: Renault megane II
السيارة[2]: Honda civic 2009
دراجة بخارية: CB4 SF400
الحالة :
الحمد لله على سلامتك ربنا يسترها علينا و على أهنا منتسوش اذكار الصباح و المساء يا شباب
متزعلش ربنا لطف بيك طلع حاجه لوجه الله
بقيت افكر جد فى شرى السلاح !!
حسبنا الله و نعم الوكيل فى كل من لا يتقى الله
اللهم أرنا الحق حقا و أرزقنا اتباعه و ارنا الباطل باطلا و أرزقنا أجتنابه و لا تجعله ملتبسا علينا فنضل
رقم العضوية : 3343
تاريخ التسجيل : 21Nov2007
المشاركات : 2,166
النوع : ذكر
الاقامة : EL-Dokki
السيارة: lanos II 2008
السيارة[2]: Daewoo Nubira II - 2001
دراجة بخارية: NO
الحالة :
الف سلامه عليك يا كريم والف حمدلله علي سلامتك والحمدلله انها جت علي قد كده ربنا يسترها علينا وعليك ان شاء الله
[img3]http://www.nilemotors.net/Nile/signaturepics/sigpic3343_6.gif[/img3]لــــــو لـــــم أكــن مصريـــــــــــــــآ لأرتــــحـــت نفسيـــــــــــــآ
رقم العضوية : 53568
تاريخ التسجيل : 21Nov2009
المشاركات : 2,307
النوع : ذكر
الاقامة : KSA-Riyadh
السيارة: Nubira II CDX
السيارة[2]: New Accent 2011
دراجة بخارية: N/A
الحالة :
حمد لله على السلامة يا كريم و الحمد لله ربنا ستر
وفعلا بقى دلوقتي المسدس له اهميه كبيره في مصر
والحمد لله على كل حال
[img3]http://www.wathakker.net/designs/images/7amla14.gif[/img3]
أرخص و أسهل تعديل
ازاي نحافظ على الفتيس الاوتوماتيك
كيف تختبر مكونات السيارة-الجزء الأول
كيف تختبر مكونات السيارة-الجزء الثاني
رقم العضوية : 59513
تاريخ التسجيل : 20Jan2010
المشاركات : 5,486
النوع : ذكر
الاقامة : مصر المحروسه
السيارة: يا رب ميكروباص ملاكى
السيارة[2]: لادا 2107 مصري
دراجة بخارية: no
الحالة :
حمد لله على سلامتك
وربنا يسلمنا جميعا
لكن
لكن لكن
لو مش معاك مسدس ( صوت او بلى او حقيقي )
كان ممكن الامر يتطور ازاى والى اى مدى ؟؟؟؟؟؟؟؟؟؟؟؟؟؟؟؟؟؟
عافاك الله وعافانا
لكن
انا على اقتناع تام بضروره السماح بتملك وترخيص اقتناء سلاح للدفاع عن النفس
ممكن توضع ضوابط زى ضوابط رخصة العربيه
( كشف نفسي / اجتياز دوره تدريبيه / حد اقصى ل عيار او قوه السلاح او اى شروط تانيه مقبوله
وتكون ميسره للغالبيه وبدون واسطة مع توفير السلاح بنوعيات جيده واسعار معقولة )
اعتقد وقتها البلطجيه هيفكر 1000 مره قبل القيام باعمالهم البطجيه - لانه وقتها هيفكر انك معاك سلاح او مع الناس اللى فى الناحيه التانيه من الشارع سلاح -- لكنهم عارفين ان وجود سلاح الان مع احد من الناس هو شيئ نادر نادر جدا
ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
الف سلامه والحمد لله انها جت على قد كده
وفعلا لازم الواحد يجيب اى حاجه للحمايه لان كده مش حينفع
ومره تانيه حمداً لله على سلامتك
http://store2.up-00.com/2015-11/1448722430351.jpeg
my new car
المفضلات