خبر كان موجود فى ملحق الاهرام للسيارات امبارح الجمعة 6/6/2008 و بصراحة اثار فضولى و كنت اتمنى أعرف مين اللى بيعمل كده
عرض للطباعة
خبر كان موجود فى ملحق الاهرام للسيارات امبارح الجمعة 6/6/2008 و بصراحة اثار فضولى و كنت اتمنى أعرف مين اللى بيعمل كده
بصراحه انا شايف انها تبقى فكره حلوه...لو فى حالتين او بشرطين :
1-ان فرق السعر اللى هيوفروا من الجمارك...يستفيد بيه المشترى عن طريق تخفيض السعر الاساسى للسياره
2- ان تكون الجوده والتقفيل مقاربه لحد ما الى تقفيل الشركه..احنا بنقول مقارب مش بنقول نفس التقفيل عشان ما نضحكش على بعض
يعنى يكون مستوى التقفيل والقطع اللى ركبت يكون كويس واهم حاجه ما يطلعلناش عفاريت بعد كده
اتوقع انه سوزوكي....خصوصا في الماروتي و الألتو!
لو السعر ثابت زي ما هو يبقي اكيد غبور بيعمل كده علشان يكسب اكتر كالعاده.
اما لو السعر قل يبقي سوزوكي زي ما نادر قال
انا عن نفسى بارجح غبور الامور
انا برجح غبور
و ليا تعقيب بس عليك يا Gemino
و الناس الي اختارت اسبرانزا !
اذا كان الاسبرانز مجمعة محليا ! يعني اصلا بتيجي مفككة ! ما هي كدة كدة حتتركب بعد ما تيجي يبقى ازاي نتخارها ؟؟
lol
ولا يهمك يا باشا
اسبرانزا اصلا هي شركة شيري الصينية بس ابو الفتوح ( دايوو موتورز ايجبت ) خدوا حق استيراد و تجميع موديلات شيري بجانب التوكيل الحالي لشيري ( الموديلات الفديمة )
بس كان لازم يغيروا الاسم .
و يتم التجميع حاليا في المصانع الي كانت بتطلع الانوس و النوبيرا .
فنا علشان كدة بقول .. اكيد حيجي الكاسيت مفكوك - دي سيارة تجميع محلي :)
اعتقد انها تويوتا ايجبت
لانها زمان كانت بتنزل عربيات بكاسيت و بدون بفرق كبير فى السعر ( كان ايامها حولى 2000 ج )
انا والله كنت في مره واقف عند الصعيدي بتاع التكييفات الي عند رابعه العدويه,
كنت بنضف فلتر التكييف والسربنتينه,
و لاقيت عربيه صيني مش قادر افتكر الماركه والله (كانت سيدان) و مكانتش لسه اترخصت و بكيسها فبقوله بيعمل فيها ايه ده
قاللي يا بيه دا صاحب المعرض العربيه بيجيبها والتكييف بيبقى موجود و كل حاجه بس مفكوك,واحنا بنركبهوله,,ناس معندهاش ضمير يا بيه,,صيني
قولتله و صاحب العربيه عارف؟؟ قاللي لا يا بيه دي لسه متحطتش في المعرض اصلا
أنا متهيألى غبور هو إللى ممكن يعمل الحركة دى
ولا واحدة من دول
والخبر ممكن يكون مجرد اشاعة
وكل واحد لسة جايب عربية يفضل فرحان بيها
واللى عايز يجيب عربية و مقتنع بيها يجبها
و معرفة مين
لا هايقدم ولا هيأخر
فعلا لو التكييف راكب في مصر و للا في التبت حتى
العبرة بجودته
و الله كويس .........تمام حتى لو راكب في حلايب
و حش .......... يبقى مش كويس حتى لو راكب في ناسا
ياجماعه اللي متعرفهوش ان الشركه اللي بتعمل التكيف في العربيات اللي بتتجمع في مصر دي شركة اوتو كوول ودي شركه كويسه جدا جدا في تصنيع التكييف كفايه تعرفو ان التكييف الي موجود في ال بي ام والمرسيدس المجمعين في مصر هو من انتاج شركه اوتو كوول المصريه وده حاجه كويس جدا ماشاء الله عليها
لو اوتوكول فهيه شركة محترمة و بتركب اجهزة التكييف من زمان و خاصة فى الأوبل لمنصور ، بس لو فى ورش عادية و صنايعية الله اعلم ، فالأمر يكون مقلق ، بس انا معتقدش ان تركيب التكييفات دى بتكون عن طريق غير المختصيين لأن توكيل العربية بيقدم الضمان و الصيانة على العربية كلها بشرط ماحدش يشتغل فيها غيره ، يعنى من ناحية التركيب مافيش مشكلة ، لكن المشكلة ممكن تكون لو اشتريت عربية يابانى او كورى مثلا و الوكيل ركب فيها تكييف مش بتاعها او صينى مثلا ، هنا بقى الزعل . مش كفاية ان العربية مش حتكون TESTED ، لأ كمان ان التكييف مش COMPATIBLE مع العربية ، و ده يا يأثر على العربية او التكييف او على راكب العربية نفسه ، حسب معلوماتى ان الهيونداى بتيجى مافيهاش سنترلوك او انزار او كاسيت ، و بيركبولها الحاجات دى هنا قبل ما تتباع ، و المشكلة ان الأضافات دى ( الى هيه استاندر اصلا فى العربية ) بتكون مش اصلى ( صينى ) و بيتحاسب عليها الزبون من ضمن سعر العربية الكلى ، و كمان التقفيل ما بيكونش كويس ، انا شفت اسلاك الأنذار و السنتر باينه من الماتريكس قبل ما تتباع و ساعات تلاقى فرش الباب مش متقفل كويس او مش نظيف . على العموم راى ان الزبون لازم يعرف ايه الى متقفل محلى و ايه الى مستورد ، عشان مايجيش الوكيل يعلن ان السيارة مثلا يابانى او كورى او المانى 100% و يكون نصها من التوفيقية .
سوري يا جماعه أنا صوت غلط :) أعتقد مفيش غير غبور هو اللي ممكن يعمل كده
طيب كويس ان احنا عندنا حاجة زى دى فى مصر و يارب حتى تكون بتصدر تكييفات لرولزرويس و بنتلى و ميباخ محدش يكره كدا
بس يبقى الزبون عامل حسابه ان العربية جاية من بلادها كاملة مش ملعوب فيها و يكون البيه الوكيل مركب التكييف هنا و ميقولش ده يبقى اسمه تضليل و بيع بالغلط و غش تجارى و يعاقب عليه القانون
نتيجة الاستطلاع :
33 عضو لغبور
2 لبروتون
1 لجيلى
5 لتويوتا
3 لسوزوكى
2 لميتسوبيشى
1 لهوندا
و زى ما انتوا شايفين غبور دايما مكتسح فى كل الاوقات و المجالات
غبووووووووووور الامووور