لخبراء اللانوس : هل هناك علاقه بين بلف الايدل و التكييف؟
لخبراء اللانوس : هل هناك علاقه بين بلف الايدل و التكييف؟
الايدل كنترولر احد وظائفه ضبط سرعه السلانسيه مع الأحمال (اللي من ضمنها التكييف)
تمام يا بو حميد ....ريحت قلبي ......لاني عندي مشكله و عرضتها كتير في نايل موتورز و ملقتش حل و التوكيل نفسه فشل في حلها الصيف اللي فات ....
المشكله : نتشه قويه في الحر الجامد مع تشغيل التكيف ....بتحصل بعد حوالي ساعه سواقه في الحر الجامد لما تكون الحراره الخارجيه مثلا 40 درجه .....و بالليل في الصيف ما بتحصلش ....و في الجو الحلو مبتحصلش ......التوكيل غير في الموضوع ده بوبينه بلا جدوي ......و ناس قالولي سلوك بوجيهات و ناس قالولي بوجيهات و ناس قالولي حساس tps ...و ناس قالولي فيشه حساس tps .....و اخر مهندس في التوكيل قاللي ان المشكله دي ظهرت في موديل لانوس 2011 في حوالي 6 % من العربيات و لسه مش عارفين سببها ......بس قاللي احتمال كبير بلف الايدل ( زي ما انت قولت يا بوحميد ) و قاللي انه ممكن مع الحر الشديد بيتمدد البلف و بيجد صعوبه في الحركه .....ايه رأيك في الموضوع ده يا محمد؟؟؟
بالمناسبه : انا اول ما جيبت العربيه اول 2000 كم كنت بشتكي من سخونه الجنوط الاماميه بتسخن لدرجه اللسع و دماغي و مقارناتي مع عربيه والدي ( لانوس 2008 ) و عربيات اصدقائي ...وصلوني الي ان فيه حاجه مش طبيعيه عندي .....و بالفعل تم تغيير الماستر العمومي في التوكيل معرفش ليه و قبل ده كللللللللله رحت لواحد حبيبي منه لله ....فك السيرفو شويه و قاللي حنوطي الصباع شويه صغيرين و بالفعل عمل كده ......هل فيه علاقه بين اللي عمله في السيرفو و بين النتشه اللي بتحصل في الحر و بلف الايدل ؟؟؟؟
معلش انا توهتك جامد انا عارف :-)))))))))
إدرس الموضوع كويس يا بو حميد و مستني رأيك يا باشا لاني بثق في رأيك جدااااا
والله المفروض ان مهندس التوكيل يعرف اكتر مننا :) بحكم خبرته في المجال وكميه المشاكل اللي بتعدي عليهم هناك , بس كلامه فيه شئ من المنطق , وكان المفروض يغييرلك الايدل كنترولر عشان عالاقل يكون استنفذ كل الحلول الممكنه
والله على اد معلوماتي وتفكيري بنسبة كبيره جدا مفيش اي علاقه بين اللي اتعمل في السيرفو وبين النتشه
احنا عايزين الزملاء يشتركوا معانا في التفكير عشان كلامنا يكون واقعي واقرب للصح :)
فك الخرطوم الي جي من العمة ورايح للبوابة بعد مشوار حلو وبص علي البوابة هل بها قطرات ماء او بخار ماء رد عليا علشان انا شاكك في حاجة وردك هياكدها او يبنفيها
طيب لو افترضنا ان الايدل بيعلق مثلا مع الحراره بسبب التمدد
ينفع بعد المشوار الطويل (اللي بينتج عنه مشكله النتشه) نفك الايدل من مكانه والعربيه شغاله والفيشه راكبه , ونراقب حركة بلف الايدل ؟؟
يعني لو الفكره صح هيبان اذا كان في تعليق في حركه الايدل ولا لا ؟؟ مش كده ولا ايه
ياريت زملاءنا اصحاب الخبرات يشاركونا الرأي :)