-
شحنت التكييف بنفسي
بسم الله الرحمن الرحيم
إمبارح فكرت اظبط التكييف علشان الصيف اللى داخل ، وبعدها قولت اشحنة بنفسي ويبقى بيدي لا بيد عمر
دخلت على موضوع أخونا exact جزاة الله خيرا
http://www.nilemotors.net/Nile/151404-a.html
وقلت اتعايش انا كمان
جبت نفس العدة ، بس انا فريون R-134a وعملت نفس الإجرائات والحمد لله التبريد كويس جدا ، وربنا يسهل وميكونشي فى تسريب فى مكان مشوفتوش
بس الفرق إن بلف الشحن عندنا فى العربيات R-134a مختلف عن بلف R-12 فهنحتاج نجيب البلف ده إضافي (اللى هو على اليمين)
http://mcdn.toolking.com/catalog/pro...oupler_Set.jpg
انا مجبتهوش وعلشان كده اتعسف شوية فى الشحن بس إتصرفت (جبت بلف عادي وركبتة من جوة بس كان بيسرب كل شوية وظبطة بالتيفلون ) بس يُفضل تشتروها
وبإذن الله هجرب التكييف بكرة فى مشوار فى الشمس ونشوف إية النظام
-
-
طمني عشان انا ناوي على كده عندي في العربيه
-
النهردة خرجت بيها والحياة زي الفل ، الجو جميل على سرعة المروحة 2 ، بس لسة مقدرشي اقيم بشكل نهائي غير بعد مرور كذا يوم وكمان فى جو حر عن كده شوية
بس بجد احساس ممتع وإنك اللى شاحن بنفسك وتجربة أكيد هتفيدك ، بس لو هتعمل كده متنساش تجيب البلف اللى قولتلك علية اللى فى الصورة
والأسعار
عداد 25 + خرطومين 14 + 2 بلف 6 + فريون R-134a 50جنية النص كيلو
بالتوفيق
-
طيب ممكن شرح لإني مش لاقي الشرح في اللينك الي حضرتك حاطة
-
واضح ان موضوع اخونا exact حصل فية مشكلة ، عموما بإذن الله هحاول اصور الحاجة النهردة بالليل وارفعهم مع الشرح
-
مبروك يا معلم 100 100
انا ركنت العربيه كام اسبوع وطبعا احنا فى الشتا فمكنتش بشغل التكييف
المهم جيت اشغله لقيته مش بيسقع خالص
تفتكرو كده الفريون اتسرب ولا عشان انا ركنت العربيه ولا ايه بالظبط
انا خايف اروح لواحد يقوللى فتح ونصب والحكايه مش ناقصه
على فكره انا شوفت الموضوع بتاع اشحن التكييف بنفسك ده قبل كده وموضوع ممتاز
-
ضروري اضافة زيت مخصوص للكمبرسور بتاع التكييف علشان ميشتغلش عالناشف ويتآكل بسرعة والشحنة بتاعة الفريون متهربش
-
ضروري اضافة زيت مخصوص للكمبرسور بتاع التكييف علشان ميشتغلش عالناشف ويتآكل بسرعة والشحنة بتاعة الفريون متهربش
ده فى حالة انك فرغت الدورة بالكامل
-
مردش عليا يا باشا تفتكر المشكله اللى عندى دى بسبب ايه هل عاوز يتشحن بس ولا حاجه سربت لاقدر الله
Content Relevant URLs by
vBSEO 3.6.0 PL2