عرض للطباعة
انا مسافر دمياط خلال 48 ساعه من بورسعيد
لدفع اموال في البنك العربي الافريقي الموزنبيقي الدولي
و معايا عنوانه بس معرفش اوصل للعنوان ده ازاي ؟
فاللي يعرف فين السنانيه اول طريق راس مش عارف ايه في كورنيش النيل تقسيم زاهر يقولي
و اللي جرب بدفع فلوس عن طريق البنك المزعوم ده يقولي برضه
عموما انا هدفع فلوس لحد في امريكا
اهلا بيك يا باشا فى دمياط وتنورها ان شاء الله
الاول لو حضرتك نزلت دمياط قبل كده يبقى الموضوع سهل عليك اوى
اول حاجه انت طبعا هتاخد طريق بورسعيد دمياط الى هو الدولى الساحلى وقبل مدخل دمياط على طول هتلاقى الطريق متفرق يمين وشمال يمين مكتوب عليها دمياط وشمال مكتوب عليها الطريق الدولى الساحلى واسكندرية طبعا خليك فى اليمين الى هو على طول بمعنى اصح وهتلاقى كمين اسمه كمين شطا ودى القريه الى على مدخل دمياط وانت جاى من بورسعيد هتكمل طوالى لا يمين ولا شمال لحد ماتوصل لميدان كبير اوى اسمه ميدان الشهابية يبقى انت كده فى دمياط هتلف الدوار وعلى طول او بمعنى اصح يمين ويوتيرن ويمين تانى لانه مش دوار بالزبط وهتلاقى قدامك كوبرى علوى على النيل بيربط بين دمياط الى انت فيها والسنانيه الى هى البر التانى هتعدى الكوبرى وتنزل خليك على طول لحد ماتلاقى اول يوتيرن هتاخده وترجع فى نفس الاتجاه ناحيه الكوبرى بس المره دى بقى ماتطلعش الكوبرى خد الطريق الى تحت الكوبرى على اليمين وخليك فىه على طول هتلاقيك على كورنيش النيل هتاخد شمال من تحت الكوبرى وهو ده بدايه طريق راس البر الجديد مفيش 100 متر هتلاقى البنك العربى الافريقى الدولى على شمالك وجنبه هتلاقى بنك بريوس وبى ان ب باريبا ومصر ايران وانت راجع نفس الموضوع هتروح لاول يوتيرن وتاخده وترجع باتجاه الكوبرى العلوى وتعدى الكوبرى وعلى ميدان الشهابيه تاخد طريق بورسعيد الى انت جاى منه بتلاقى على اوله مسجد ضخم اسمه قباء وتوكيل تويوتا دمياط
دمياط نورت من قبل ماتيجى
الله يخليك يا باشا بس انا هاجي مواصلات مش بعريبتي فاقول للسواق ايه و لا اعمل ايه بالظبط ؟
طيب كووويس علشان استناااك هناك !! :049:
تروووح وترجع بألف سلامة ان شاء الله ,, بس سؤال لولبى مش بنك العربى الافريقى لية فروووع هنا ولا اى ؟!
شكلك مش مستنيني عشان تسلم عليا هههههههههههههههههههههه هو ليه في فرع في بورسعيد بس مفيهوش دفع فلوس
ممكن تدفع فى أى بنك و هو يقوم بعمل التحويل لك
لكن تسيح لنفسك فى الإنترنت و تشرح مساقر إزاى و إمتى و ليه
شئ لا أفهمه
حضرتك هتنزل دمياط اركب من الموقف تاكسي (3 جنيه) وقوله البنك الافريقى وهوا قريب من فرع المصريه للسيارات وقصاده فى الناحيه التانيه من النيل المنطقه الازهري
هوا التاكسي هياخد نفس الطريق الى وصفه الاخ مختار لكن ممكن ميطلعش الكوبري العلوي هيفضل ماشي لحد الكورنيش وبعدين يعدي البر التانى من الكبري المعدني مش الكوبري العلوي ويرجع يوديك عند البنك
و الله الفلوس رايحه امريكا و لازم تتبعت عن طريق ويسترن يونيون و معنديش مكتب ارسال في بورسعيد فعشان كده مضطر اسافر لدمياط لانها الاقرب ليا و انا لا بسيح لنفسي و لا حاجهاقتباس:
المشاركة الأصلية كتبت بواسطة homme49
هي دي الاجابه النموذجيه تسلم ايدكاقتباس:
المشاركة الأصلية كتبت بواسطة sha2e