الحمد لله جبت الصب والgm بس كام سؤال قبل التركيب بقى
السلام عليكم يا رجالة
أولا قبل ما اسأل عايز أشكر الناس اللي جاوبتني في اسئلتي قبل كده قبل ماجيب الحاجة
والحمد لله جبت صب بايونير 1400 وات 309 s4 الجديد 400 rms و gm سيفوني 600 وات 2 شانل والgm كان بناء على نصيحة الشباب هنا إنه أحسن حاجة هتقوملي الصب ده
المهم كنت عايز اسال بقى هو أنا جبت كابل ال RCA من راديو شاك و كنت عايز أعرف بقى اجيب اسلاك إيه تاني ؟ اللي أعرفه إني هاحتاج سلك باور من البطارية للgm و هحتاج سلك الريموت للgm اللي بيخليه يشتغل مع الكاسيت.. فانا كنت عايز أعرف أحسن حاجة اجيب سلك الباور والريموت دول تخانتهم قد إيه عشان الصوت يبقى كويس ... و كنت عايز أعرف اجيب سلك إيه بقى بس برده عايز أحسن حاجة عشان يوصل الصب نفسه للgm
تاني حاجة بقى أنا سألت عند واحد بتاع كاسيتات و فرش عربيات عندي هنا في مدينة نصر اسمه مش فاكر إيه كده بس هو عند ميدان عمر افندي اللي عند السراج و في شارع صغير كده اللي بيطلع عالميدان ... والمحل بطلعله بسلالم كده ... هو عند منى عيني بتاع النضارات ... فلو حد يعرف المحل ده إيه نظامه كويس ولا إيه في التركيب وكده يقولي ... و سألته عالبوكس للصب يعملهولي عمولة بمقاسات الكتالوج و هيكسيه موكيت فقالي 200 جنيه و قلتله لو كده يبقى 200 بالتركيب بقى للصب وال gm ... فاولا إيه رأيكم في السعر ده ؟ و هو في الكتالوج مكتوب إن الخشب يبقى mdf 19 ملي بس هو قال لي اللي عنده 16 فهتفرق كتير ال 3 ملي دول ولا مش فارقة ؟ و كمان حجبله أنا لباد يعزل به الصندوق من جوه عشان معندوش هو لباد (أصل مكتوب في الكتالوج إن الصندوق يتعزل من جوه بعزل للصوت)
معلش طولت عليكم بس أصل هنا أحسن مكان استفيد منه :36_7_7[1]: