اتجننت و هبقي أوبلاوي

**melagouze** · 27-03-2012 02:05 AM

السلام عليكم

مجانين الاوبل زادوا واحد....لاني قررت ...و بالرغم من كل ما قلتوه....و حذرتوني منه....و بالرغم نصائحكم المخلصه .....و قد اعذر من انذر....فاني قررت ان اشتري اوبل استرا 2012 بالرغم من انني لم اكن انوي اشتريها في الاول.....

و يا جماعه...لو جيت لعنت في العربيه او منصور محدش يسمع لي و لا يعبرني ...لانكم عملتوا اللي عليكم و زياده شويه ...

و طبعا لان عربيتي الحاليه هي جولييت...فانا هحس بصدمه حضاريه لما اركب الاسترا الجديده ...فما تصدقوش لما تسألوني عنها و اقولكوا انها وهم.........لانها ممكن تكون وهم بالنسبه ليه ...مش بالنسبه لكم......

بس للامانه يا جماعه....انا عمري ما اشتريت حاجه في حياتي بالسعر ده ( العربيه تقسيط طبعا) و علشان كده قعدت كتير أاخد القرار ده ....و مش هقولكم اني لاقيت فيها كل اللي انا عايزه...لكن ممكن تكون في نظري احسن من عربيات كتيير خصوصا لواحد مش هيبيع ان شاء الله قبل 7 سنين من دلوقت.......بس هيه اكثر عربيه حسيت انها قريبه من قلبي .بعد النظر الي الجولف و الفوكاس و المازدا و الليون و التيوتا و الهوندا الجديده..... ...و حسيت ان اوبل حسنت من نفسها كتير قوي فيها ..و قريت كل الريفيوهات اللي ع النت و شفت كل الفيديوهات ع اليو تيوب ...و حسيت اني ان شاء الله هكون أمن انا و اسرتي الصغيره علي طرق السفر و حسيت اني هستمتع بلمسات جماليه عاليه بنكهه انجليزيه في تابلوهها....و هستمتع بعفشه خدمه شاقه بتكنولوجيا ألمانيه .....و هعاني من خدمه ما بعد البيع بنكهه منصوريه مصريه....

ربنا يكفيني شرها و يديني خيرها ان شاء الله...

**alzelafy** · 27-03-2012 03:16 AM

ربنا يديك خيرها و يكفيك شرها يا رب

**mifs** · 27-03-2012 09:46 AM

مبروك عليك مقدما
ربنا معاك

**ashrafnoby** · 27-03-2012 09:54 AM

ربنا يديك خيرها و يكفيك شرها يا رب
بس على فكرة ركيبت الاوبل مش مجانين ولا حاجة هما متهورين بس هاهاى ى:b4_282:

**haitham2011** · 27-03-2012 10:30 AM

عالبركه ان شاء الله
ربنا يباركلك فيها

**alnmr79** · 27-03-2012 10:48 AM

الف الف مبروك.احسنت الاختيار
واللهى تقريبا كل الموجودين فى عصابة الاوبل ركبو عربيات كتير دايو بانواعها لانوس نوبيرا اوبترا افيو (شيفورليه حاليا)بس طبعا فى فرق كبير فى معدلات الامان والعمر الافتراضى للسيارة بالكامل والنكهة الالمانى اللى محدش بيعرف يقلدها.