محتار أشتري إيه لانسر و لا كروز؟؟؟

**ElHoot** · 27-03-2012 02:08 AM

أرجوكم شاركوني يا أصحاب الخبرة، أنا عايز أشتري عربية، بس مش عارف مين الأحسن الياباني و لا الكوري، ميتسوبيشي لانسر (البومة) و لا شيفروليه كروز؟؟؟ و لا ميتسوبيشي شارك؟ و لا فيه حاجة تانية أحسن؟؟؟ أنا عايز عربية تكون حلوة من حيث الشكل و الإمكانيات و تكون قطع الغيار في المعقول.

**Dr'AhmZZong** · 27-03-2012 04:36 PM

اخرك كام في الفلوس ؟؟

احتياجات حضرتك اييه ؟؟

**Dr'AhmZZong** · 27-03-2012 10:16 PM

المشاركة الأصلية كتبت بواسطة elhoot

حوالي 135000 إلي 140000 و إحتياجاتي عربية يكون فيها abs و airbag و تكون مريحة، شكلها حلو و قطع الغيار تكون حنينة و التعامل مع التوكيل يكون كويس و أسعار قطع الغيار تكون معقولة.

تبقى رينو فلونس .....

**ahmed_zamalek7** · 28-03-2012 12:16 AM

والله يا غالى انا انصحك بالرينو بجد عربيه تحفه وفيها تكنولوجيا عاليه قوى احسن من الكورى اليابانى وثابتها اعلى والتوكيل بتاع رينو اتحسن كتير جدا جدا جدا

**ElHoot** · 28-03-2012 12:40 AM

شكر و تقدير للمشاركة و في إنتظار آراء أكثر من باقي الزملاء.

**Dawns_Mist** · 28-03-2012 01:56 AM

هنقارن البومة بالكروز :
التسارع و قوة الموتور في مصلحة البومة
الثبات و الاتزان في مصلحة الكروز لإنها واخدة تقييم أوروبي أعلى شوية من البومة
الكماليات في مصلحة الكروز
المساحة الداخلية في مصلحة البومة
قطع الغيار .... أعتقد البومة في السوق أحسن لإنها منتشرة أكتر

* البومة ممتازة لكن أنا لو مكانك مش هشتريها زيرو لإن شكلها بقى قديم و التابلوه فقير نسبيا .. فأنا شايف إني أزود 20 ألف على ثمنها و أشتري مثلا الشارك لو انا مكانك

مقارنة سريعة بين الشارك و الكروز :
التسارع و الأداء ... الشارك تكسب و بفرق كبير جدا
الثبات و الاتزان ... الشارك تكسب بفرق بسيط ، ولاحظ إن وزنها أتقل كمان من الكروز
الكماليات ... بالنسبة للهاي لاين 2011 شارك و الهاي لاين كروز ... مافيش فرق تقريبا ، و في حاجات بسيطة الشارك
الاتساع الداخلي ... الشارك أوسع
الراحه ... الشارك مريحه أكتر
قطع الغيار ... الفرق في السوق مش هيكون كبير أعتقد .. و الشارك برضه منتشرة لإنها بنزل من 2008 فهتلاقيها بره التوكيل بسهولة أكتر من الكروز
التوكيل ... ميتسوبيشي أحسن في التوكيل

* المقارنة بين الكروز و الشارك .. انا لو مكانك هختار الشارك على طول لإن مافيش أي ميزة زيادة في الكروز

بالنسبة للمقارنة بين الفلويانس و الكروز .. فالمقارنة دي اتكلمنا عنها كتير و هتلاقي الموضوع في الصفحة الرئيسية لمنتدى المقارنات ... و برضه أنا برجح الفليوانس

* عايز أقول لحضرتك نقطة مهمة .. 140 ألف مش هتعرف تجيب بيهم لا الشارك هاي لاين ولا الكروز هاي لاين ، ولو جيبت البومة زيرو 125 ألف فأنا شايف إن ده كتير عليها في الوقت ده لإنها قدمت و الكماليات قليلة ( مع إني معايا البومة و مريحاني على الآخر الحمد لله ) .. فأنا بنصح حضرتك توسع دايرة الاختيارات شوية .. فيه تيدا هاتش باك الشكل الجديد ممتازة ، و فيه عربيات تانية كمان كتير في الفئة دي كويسه ...
ولو هتقارن بين ياباني و كوري .. فانا أنصح حضرتك بالياباني أكيد .. أداء أعلى و راحه و أمان و كماليات و توكيل و قطع غيار ... يعني لو هتقارن بين السيراتو و الكروز و البومة ... في النهاية أنا عن نفسي هختار البومة ..

و في النهاية حتى لو آخرك 140 ألف و مصمم بين الكروز و الانسر يبقى برضه الشارك هتكون في رأيي أحسن من أي كوري .. و عن تجربة الشارك أيا كانت 1500 أو 1600 والله عربية ممتازة و أنا كنت عاملها تقييم على منتدى ميتسوبيشي و بإذن الله مش هتندم .

**mody3on** · 28-03-2012 04:39 AM

الكروز احسن بكتير بس عيبها الموتور التعبان اللي بتنزل بيه في مصر .. والالنترا في رايي احسن منها و 140 الف يجيبوها هايلاين

**eldell** · 29-03-2012 01:18 AM

المشاركة الأصلية كتبت بواسطة dawns_mist

هنقارن البومة بالكروز :
التسارع و قوة الموتور في مصلحة البومة
الثبات و الاتزان في مصلحة الكروز لإنها واخدة تقييم أوروبي أعلى شوية من البومة
الكماليات في مصلحة الكروز
المساحة الداخلية في مصلحة البومة
قطع الغيار .... أعتقد البومة في السوق أحسن لإنها منتشرة أكتر

* البومة ممتازة لكن أنا لو مكانك مش هشتريها زيرو لإن شكلها بقى قديم و التابلوه فقير نسبيا .. فأنا شايف إني أزود 20 ألف على ثمنها و أشتري مثلا الشارك لو انا مكانك

مقارنة سريعة بين الشارك و الكروز :
التسارع و الأداء ... الشارك تكسب و بفرق كبير جدا
الثبات و الاتزان ... الشارك تكسب بفرق بسيط ، ولاحظ إن وزنها أتقل كمان من الكروز
الكماليات ... بالنسبة للهاي لاين 2011 شارك و الهاي لاين كروز ... مافيش فرق تقريبا ، و في حاجات بسيطة الشارك
الاتساع الداخلي ... الشارك أوسع
الراحه ... الشارك مريحه أكتر
قطع الغيار ... الفرق في السوق مش هيكون كبير أعتقد .. و الشارك برضه منتشرة لإنها بنزل من 2008 فهتلاقيها بره التوكيل بسهولة أكتر من الكروز
التوكيل ... ميتسوبيشي أحسن في التوكيل

* المقارنة بين الكروز و الشارك .. انا لو مكانك هختار الشارك على طول لإن مافيش أي ميزة زيادة في الكروز

بالنسبة للمقارنة بين الفلويانس و الكروز .. فالمقارنة دي اتكلمنا عنها كتير و هتلاقي الموضوع في الصفحة الرئيسية لمنتدى المقارنات ... و برضه أنا برجح الفليوانس

* عايز أقول لحضرتك نقطة مهمة .. 140 ألف مش هتعرف تجيب بيهم لا الشارك هاي لاين ولا الكروز هاي لاين ، ولو جيبت البومة زيرو 125 ألف فأنا شايف إن ده كتير عليها في الوقت ده لإنها قدمت و الكماليات قليلة ( مع إني معايا البومة و مريحاني على الآخر الحمد لله ) .. فأنا بنصح حضرتك توسع دايرة الاختيارات شوية .. فيه تيدا هاتش باك الشكل الجديد ممتازة ، و فيه عربيات تانية كمان كتير في الفئة دي كويسه ...
ولو هتقارن بين ياباني و كوري .. فانا أنصح حضرتك بالياباني أكيد .. أداء أعلى و راحه و أمان و كماليات و توكيل و قطع غيار ... يعني لو هتقارن بين السيراتو و الكروز و البومة ... في النهاية أنا عن نفسي هختار البومة ..

و في النهاية حتى لو آخرك 140 ألف و مصمم بين الكروز و الانسر يبقى برضه الشارك هتكون في رأيي أحسن من أي كوري .. و عن تجربة الشارك أيا كانت 1500 أو 1600 والله عربية ممتازة و أنا كنت عاملها تقييم على منتدى ميتسوبيشي و بإذن الله مش هتندم .

+111111111111111111111111
بجد الرااااااجل ده جابلك من الاخر