باب جراج كهربائى

**amrelsaqqa** · 27-03-2012 03:01 PM

حضرتك هو بيكون باب صاج عادي سعر المتر مربع 120 الي 150 ج حسب الخامة وبيتركب عليه متور سعرة بيبدا من 1500ج حسب قوته بس الموضوع مش محتاج try and erorr hk انا عامله ومجهو لتركيب المتور بس لسة مركبتوش وجاري عامله ومشغله بالريموت

الميكانيزم بتاع الموتور قابل للتركيب على اي باب ولا لازم باب معين ويكون معمول حساب انه يبقى كهربا من الاول ؟

يعنى لو انا عندى باب عادى خالص اللى بيترفع لفوق وبيلف على بعضه
ايه المطلوب عشان احوله لكهربا ؟

**REHAN84** · 27-03-2012 03:23 PM

بالضبط كده هو نفس الباب العادي بس لو حضرتك عاوزه يركب عليه متور بتقول للحداد قبل مايركبه وبتشتريله المتور وبيكون مع المتور ترس بيركب علي الاكس اللي الباب بيلف عليه اما حكاية واحد يعدل القديم هو ممكن بس طبعا الصنايعي هلف ويدور علشان يقنعك انه يفصلك باب تاني هيقولك ان الباب تقيل ومحتاج سوست وبلي ويكبرلك الدنيا بس في الاول والاخر ينفع يتعمل طبعا لان الفكرة كلها في المتور بس مش في الباب

**HeMa_LanCeR** · 27-03-2012 03:25 PM

انت ممكن تعملة باب حديد زي بتاع الدكاكين كده بس كهربا

**Astra Lover** · 27-03-2012 03:29 PM

المشاركة الأصلية كتبت بواسطة amrelsaqqa

الميكانيزم بتاع الموتور قابل للتركيب على اي باب ولا لازم باب معين ويكون معمول حساب انه يبقى كهربا من الاول ؟

يعنى لو انا عندى باب عادى خالص اللى بيترفع لفوق وبيلف على بعضه
ايه المطلوب عشان احوله لكهربا ؟

الى انا اعرفه ان الباب لازم يكون مجهز عشان سمعت سعرين من واحد من الى سالت عندهم 1900ج لو عادى 2500ج مجهز للتركيب موتور(والسعر شامل رش الصاج فرن) وعموما سعر المتر للباب الصاج الى بيتقال عليه ايطالى من 170-180 بس اسعار الموتير سمعت 3000 و3500 و5000 ولو عايز بلريموت زود الف جنية انما مسمعت عندنا خالص على ابو 1500,فيريت ياجماعة المشورة هل حيكون عملى ولا منظرة على الفادى ووجع دماغ وتانى ياشباب الى عندو افكار تانية يقول بلنسبة للباب او التشطيب الداخلى للحوائط والارضية ويشركنا الحوار, وجزاكم الله كل خير.

**REHAN84** · 27-03-2012 03:30 PM

المشاركة الأصلية كتبت بواسطة hema_lancer

انت ممكن تعملة باب حديد زي بتاع الدكاكين كده بس كهربا

تمام كده ( هو في انواع طبعا بتكون جاية مستوردة وخامتها كويسه وبالريموت بس طبعا غاليه وبصراحة معرفش حد مركبها بس شوفتها في الخليج ) وفي انواع كتير بس الانسب عندنا من وجهة نظري اللي قولت لحضرتك عليه

**amrelsaqqa** · 27-03-2012 03:34 PM

المشاركة الأصلية كتبت بواسطة astra lover

الى انا اعرفه ان الباب لازم يكون مجهز عشان سمعت سعرين من واحد من الى سالت عندهم 1900ج لو عادى 2500ج مجهز للتركيب موتور(والسعر شامل رش الصاج فرن) وعموما سعر المتر للباب الصاج الى بيتقال عليه ايطالى من 170-180 بس اسعار الموتير سمعت 3000 و3500 و5000 ولو عايز بلريموت زود الف جنية انما مسمعت عندنا خالص على ابو 1500,فيريت ياجماعة المشورة هل حيكون عملى ولا منظرة على الفادى ووجع دماغ وتانى ياشباب الى عندو افكار تانية يقول بلنسبة للباب او التشطيب الداخلى للحوائط والارضية ويشركنا الحوار, وجزاكم الله كل خير.

الصراحة اسعار مبالغ فيها واانا شايف الموضوع سهل
دايرة مايكروكنترولر مع موتور قوى يتجاب لوحده من اي حتة مع شوية شغل للحداد ، وكله يبقى تمام التمام

شكلها هتقوم في دماغى وافكر اعملها على ايدى بس المشكلة مبقاش في وقت

**Astra Lover** · 27-03-2012 03:43 PM

المشاركة الأصلية كتبت بواسطة rehan84

تمام كده ( هو في انواع طبعا بتكون جاية مستوردة وخامتها كويسه وبالريموت بس طبعا غاليه وبصراحة معرفش حد مركبها بس شوفتها في الخليج ) وفي انواع كتير بس الانسب عندنا من وجهة نظري اللي قولت لحضرتك عليه

المستورد ده حوار تانى الباب الرول السعودى 500ج للمتر فرق كبير جدا والماتور 3500ج بس مسألتش بلريموت ولا لأ بس اكيد من غير ولازم تزود على الاقل الف جنيه يعنى الحوار حيكلف حوالى 12الف لمساحة الباب عندى فرقم محترم اووى اوى كتير بصراحة فبجد محتار وعلى فكرة ده اقل سعر فى حجات بتوصل 30الف بلنسبة للشركات الى بتشتغل فى الحوار ده.

**REHAN84** · 27-03-2012 03:53 PM

السعر اللي بقوله لحضرتك دة من غير رش والمتور سعر ه 1500 في 6 اكتوبر اما بخصوص الحوائط طبعا لو هتستخدم ميه كتير مفيش كلام سراميك والارضية بلاط جرجات بيكون فيه مجرى للمية سعر المتر فيه 13 الى 20 ج وبخصوص الميه طبعا هو جراج خاص هتحتاج متور يتوصل علي مسدس الميه علشان يعطي ضغط كويس وربنا يباركلك

**Astra Lover** · 27-03-2012 04:13 PM

المشاركة الأصلية كتبت بواسطة rehan84

السعر اللي بقوله لحضرتك دة من غير رش والمتور سعر ه 1500 في 6 اكتوبر اما بخصوص الحوائط طبعا لو هتستخدم ميه كتير مفيش كلام سراميك والارضية بلاط جرجات بيكون فيه مجرى للمية سعر المتر فيه 13 الى 20 ج وبخصوص الميه طبعا هو جراج خاص هتحتاج متور يتوصل علي مسدس الميه علشان يعطي ضغط كويس وربنا يباركلك

طب بعد اذن حضرتك اسم الشركة الى في 6 اكتوبر وهل السعر ده شامل الريموت ولا لأ انا شايف فى مشركاتك السابقة ان جارك مشغله ريموت, وهل البلاط اسمه بلاط جرجات ولا ليه اسم متداول فى السوق وبلنسبة للمسدس الميه ده جهاز كامل شبة المكنسة الكهربائية ممدج فيه كمبرسور توصل ميه وكهربا وعيش وكمان بيرش فوم وبارك الله فيك.

**REHAN84** · 27-03-2012 04:32 PM

تمام كده اصل انا عندي متور ومسدس عادي هي الشركة اللي سألت فيها موجوده عند مسجد راغب علي الشمال بتمشي حوالي 500م هتلاقيها على الشمال وفي ناس تانية جنب الحصري والبلاط ده عادي بلاط الي بتاع الجناين والجراجات الميزة فيه انه سميك ويستحمل تقل العربية وفيه فراغات بحيث الميه متزحلقش اللي ماشي ومتزحلقش العربيه وسعرة في اكتوبر من 13 الي 20 بالكتير اوي وتركيبه المتر 10ج انا عامله عندي 10ج لاني عامل 100م مربع لو مساحه صغيرة بيتكلم من 15 الي 20 سعر المتور غير شامل التركيب اما الباب الصاج طبعا شامل التركيب بس بيزيد حاجه بسيطه علشان المتور ممكن 100ج بالكتير الريموت ده وحده منفصله هو مركبها علي المتور بس مش عارف سعرها بالضبط عالعموم مش غاليه

الموضوع: باب جراج كهربائى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

رفع العربية فى جراج

جراج خاص جدااااا !!

اجمد جراج

جراج الأحلام

الكلمات الدلالية لهذا الموضوع

المفضلات

المفضلات

ضوابط المشاركة