الموضوع: حل نهائى لمشاكل الفتيس الاتوماتيك فى الصنى

الى كل احبائى اعضاء المنتدى و مالكى الصنى و بالاخص الاتوماتيك من اكثر المشاكل التى كنت اعانى منها عضه الفتيس وخاصه عند النقل من p الى اى غيار اخر و كذلك عند النقل بين الاول و الثانى وقد قرأت فى المنتدى اكثر من مشاركه
لنفس الموضوع
وقد حاولت ان اجد حل لهذه المشكله اكثر من مره مع التوكيل
فى ناشيونال موتورز اسيوط وتم الكشف على كمبيوتر الفتيس
و كهرباء الفتيس و لا يوجد مشكله و تم تغير الزيت
لمرتين فى خلال 10000 كيلو مره استخدمت زيت موبيل 320
سعر اللتر 45 جنيه و المره الثانيه غيرت شيل سعر اللتر 30 جنيه
و اخيرا و جدت الحل الفعال من يومين تعرفت على ميكانيكى
و عرضت عليه المشكله و نصحنى بتغير الزيت بنوع مستورد يابانى خاص بالتيوتا و هو عباره عن علبه صاج تحتوى على 4 لتر و مكتوب عليها toyota لونها اسود و سعر العبوه 400 جنيه و بالفعل غيرت الزيت بالمناسبه السياره اخذت العبوه كامله 4 لتر
و من بدايه تحركى بالسياره شعرت بالفرق لاول مره ياجماعه اشعر بمرونه عاليع جدا فى النقلات و اختفت العضه التى كانت فى نقله p و بعد يومين من تجربه الفتيس بالزيت الجديد حتى اتاكد من النتيجه وجدت من حق المنتدى على ان اقوم بهذه المشاركه حتى يستفيدد منها كل من لديه نفس المشكله

ايضا نصحنى اليكانيكى بتغير زيت الموتور بزيت wheeler و هو زيت المانى الصنع سعر العبوه 5000 كيلو 125 جنيه بس انا كنت لسه مغير بزيت شل فى التوكيل و ليس لدى معلومات عن الماركه دى ارجوا اللى يعرف النوع ده يفيدنى بخبرته

انا متشكر على اهتمامكم بالموضوع و يارب بس اكون قدمت معلومه مفيده للاعضاء
و بالنسبه لمكان الشراء و اسم الزيت انا مقيم فى محافظه اسيوط فى الصعيد و اشتريته من مركز قطع غيار تيوتا فى اسيوط اما بالنسبه لاسم الزيت فهو اسمه Toyota وهو عباره عن علبه صاج لونها اسود محتواها 4 لتر و سعرها 400 جنيه وممكن توصل 350 فى القاهره اعتقد ان اى وكيل قطع غيار تيوتا ممكن يكون موجود عنده

المشاركة الأصلية كتبت بواسطة land_cruiser

الف شكر يا فندم على نقل تجربه حضرتك المفيده جداً دى بس انا كان عندى سؤال صغير ، هو حضرتك غيرت زيت الفتيس فين؟ فى التوكيل و لا بره علشان ممكن تلاقى ناس كتيره هنا عايزه تجرب و انا منهم بس عايزه تحطه عن طريق التوكيل مع الصيانه مثلا زى زيت الموتور فيا ترى ده ينفع و لا لَا؟

انا غيرته عند الميكانيكى وعلى فكره التوكيل بيستخدم زيوت شل وبيرفض يغير زيت من الخارج

الف شكر يا باشا علي المعلومات القيمة و فعلا من اين حضرتك جبت الزيت ؟؟؟