| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 22

  1. #1

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    Talking تعالوا نعرف ازاي نغير سير الدينامو - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم و رحمة الله و بركاته


    بعد غياب طويل عن السلسلة انهاردة فيه جزء جديدة للسلسلة تعالوا نعرف التعليمية

    http://www.nilemotors.net/Nile/252145-a.html

    و هو عن كيفية تغيير سير الدينامو

    انا لسه مغير سير الدينامو في عربيتي و هي سوزوكي التو


    http://www.nilemotors.net/Nile/27946...post3874199099 (تقرير-مصور تغيير سير الدينامو لسوزوكي ألتو)

    فقولت انزل شرح كيفية فك سير الدينامو و تركيبه في السوزوكي الألتو عشان لو حد ناوي يجرب او حتي لو حد هغير يبقي عارف ايه اللي يحصل ( اعملي فيها مهندس ميكانيكي بقي .....ياااااه انت لسه عايش يا عم انت ده انا افتكرتك مت )
    طبعا انتوا عارفين ضميري اللي ملاحقني طول الوقت

    نبتدي ع بركة الله

    اولا الادوات :

    - مفتاح ربط
    - مفك عادة و يمكن متحتاجوش
    - سير الدينامو نفس المقاس او اكبر درجة واحدة



    ثانيا هيحصل الآتي :

    هتتأكد ان العربية مطفية و تسمي
    و تجيب المفتاح و تفك الــ3 مسامير اللي مشار اليهم في الصورة بس مش معني تفك انك تشيلهم لأ مجرد تفك بس عشان الدينامو سايب شوية




    بعد ما تفك تشد الدينامو عليك ناحية الفوانيس يعني لبرة و هتلاقي مجري زي ما الصورة موضحة يمشي فيها في عربيات تانية ممكن المجري بالعرض و فيه عربيات سنون ع حسب لكن كله نفس النظرية بس السنون لازم تظبط تمام
    ( لو مش هتعرف تظبط الشدة بتاعت الدينامو و معاك نفس المقاس قبل ما تفك المسامير علم مكان المسمار و هو مربوط بقلم ع مكان الربط عشان ترجع تاني و عامة هتلاقي مكانه متعلم خلقة من التقريطة الفبريكة زي ما الصورة موضحة عندي)
    ( اما لو اكبر درجة يبقي هتشد الدينامو لجوة شوية عن المكان الاصلي لحد ام تظبط الشدة و ظبط الشدة انه ميكونش مشدود اوي و لا مرخي اوي يا دوب مشدود بحيث لما تدوس ع السير لجوة يكون في حدود 1 سم و بنبه لو مش هتعرف روح لواحد يعملها عشان الشد اكتر من اللازم ممكن يقطع السير )


    بعد ما فكينا الدينامو و شيلنا السير القديم نحط السير الجديد ع الطنابيير الأول ع الطنابيير اللي لبرة و بعدين ع الدينامو و تشد اهم حاجة تتأكد ان مجري السير داخل في مجري الطنابيير زي عاشق و معشوق و ماشي تمام فيهم
    بعد ما تحطه و تظبط شدة الدينامو تربط المسامير تاني و تربط كويس و تتأكد من شدة السير زي ما اتفقنا
    و تسمي و تدور و تشوف السير اخباره ايه و هو راكب و شغال و تزود بنزين عشان تتأكد انه ماشي تمام

    و مبروك عليك السير الجديد


    فيه طريقة تانية بس مجربتهاش الحقيقة و انا بسميها طريقة الدكتور ههههههه لأن د \ حازم hm414 قالي عليها و هي ميزتها انك مش هتفك حاجة
    هترفع العربية من الجنب اليمين ع كوريك و تجيب مفك عادة و تدخله بين السير و الطنبورة اللي بتلف و تمشي العجلة واحدة واحدة و تطلع السير كانك بطلع جنزير العجل و في التركيب نفس الطريقة لكن بصراحة مجربتهاش بس تنفع لو ع نفس المقاس و تبقي الشدة مظبوطة
    لكن لو هتركب درجة اكبر هتكون مضطر تستخدم الطريقة الأولي



    و انبه تاني مرة و اقول لو مش هتعرف خلاص روح لواحد يعملها قدامك و شوفه بيعملها ازاي و اتعلم و بعدين اعملها بنفسك


    اقتباس المشاركة الأصلية كتبت بواسطة hm414 مشاهدة المشاركة
    طيب لو هشرح الطريقة البسيطه بتاعتي ببساطه شديده

    1هترفع الهاند بريك

    2هتدي العربية أعلى غيار (رابع او خامس)
    3هترفع المن الفرده الاماميه اللي جنب الطنابير
    4هجيب المفك العاده وتحطه بين السير والطنبوره وبايدك تلف الكاوتش لقدام هتلاقي السير بيطلع زي جنزير العجله بالظبط

    5هات السير الجديد..

    6حطه عالطنابير لحد اما يبقى مشدود وفاضلك طنبوره واحده يعضق فيهاهتشده عليها وتلف الفرده تاني وبالظبط كأنك بتركب جنزير عجله
    6+مركبش حط المفك تحته زي مفكيت وحاول (ومتقلقش السير مش هيحصله حاجه من المفك)
    7شوف الشد وهل السير محتاج شد ولا يترخى (اقصى انضغاط يكون 1 سم)
    دور عربيتك

    شروط الطريقه

    السير يكون 100% نفس مقاس الاصلي
    اما لو اصغر او اكبر هتظطر تفك المسامير بتاعة مجرى الدينمو...
    في الماروتي هوا مسمار واحد فقط

    بالمناسبه

    سير التكييف بنفس الطريقه وفيه مجرى للكباس لو احتجت تشد او ترخي..

    طيب شوية معلومات متقالتش في الموضوعين بتوع اكسيل سريعا


    اهم حاجه تركز عليها وانت بتشتري تاريخ الانتاج

    زي زي الكاوتش
    اوعى تديب حاجه انتاجها اكتر من سنه لان كده كده انت دافع الفلوس فتدفع فحاجه مركونه وممكن تكون معروضه في الشمس ومش متخزنه صح ليه؟؟

    ثانيا الصناعة

    انا بحذر اهو وبأكد
    جيب اي حاجه الا الصين لانه بيتقطع فعلا وعمره قصير وبنفس سعر الكوري

    ثالثا لازم نعرف ايه مخاطر ان سير الدينمو يتقطع...

    السير لو اتقطع العربية هتعتبر دايره عالبطاريه وده معناه ان العربية بطاريتها هتفضى خلال لو الطريق مفتوح هقول 10 كيلو ولو واقف مش هتكمل كيلو وهتفصل والعربية مش هتدور

    كمان حاجه السير ده عليه حركة طرمبة الميه وبالتالي العربية غير انها ماشيه عالبطاريه طرمبة الميا مش شغاله وبالتالي ممكن تسخن منك وانت وحظك تاخد بالك ولا متاخدش


    السير ده بيتغير كل 40 ألف فمتبخلش على عربيتك بيه وتشيك عليه من فتره للتانيه..
    طبعا نفس القصة في كل العربيات لكن بتفرق في مكان الدينامو او السير و نوعه و طوله


    اتمني اني اكون افادتكم


    و انتظروني و جزء جديد ان شاء الله في سلسلة تعالوا نعرف التعليمية

    http://www.nilemotors.net/Nile/252145-a.html


    و توتا توتا فرغت الحدوتة حلوة و لا مضروبة
    ( مضروبة زي خلقتك ....... ضربة تضربك يا بعيد انت مبتتهدش )


    بالتوفيق ان شاء الله


  2. #2

    الصورة الرمزية mradelcom

    رقم العضوية : 121517

    تاريخ التسجيل : 09Mar2012

    المشاركات : 44

    النوع : ذكر

    الاقامة : حلوان

    السيارة: كيا برايد سيدان 98 سابقا

    السيارة[2]: شيفروليه لانوس 2014

    دراجة بخارية: لا

    الحالة : mradelcom غير متواجد حالياً

    افتراضي -

    الف شكر يا غالي

    ومنتظرين الجديد


  3. #3

    الصورة الرمزية koshary

    رقم العضوية : 39817

    تاريخ التسجيل : 07May2009

    المشاركات : 2,093

    النوع : ذكر

    الاقامة : 7adayek El Ahram

    السيارة: Isa) civic Sir)

    السيارة[2]: Daewoo Nubira 2

    دراجة بخارية: ...............

    الحالة : koshary غير متواجد حالياً

    افتراضي -

    موضووووع رائع انا بروح للكهربائى بتاعى بيقلى زق العربيه لقدام شويه يقوم مطلع السير ههههههه ويقوم قايلى زق لورا يقوم مركب السير الجديد وهكزا مع باقى السيور فكره جميله ولا فك ولا ربط

    koshary


  4. #4

    الصورة الرمزية Elawany13

    رقم العضوية : 82537

    تاريخ التسجيل : 02Dec2010

    المشاركات : 11,874

    النوع : ذكر

    الاقامة : Egypt

    السيارة: الحمد لله رضااااااااا

    السيارة[2]: شاهين 2004

    دراجة بخارية: موتوسيكل صينى

    الحالة : Elawany13 غير متواجد حالياً

    افتراضي -

    عقبال سير الكاتينة


  5. #5

    الصورة الرمزية khaled_yassin

    رقم العضوية : 66193

    تاريخ التسجيل : 26Mar2010

    المشاركات : 1,233

    النوع : ذكر

    الاقامة : cairo

    السيارة: no

    السيارة[2]: verna

    دراجة بخارية: لا يوجد

    الحالة : khaled_yassin غير متواجد حالياً

    افتراضي -

    فنان والله


  6. #6

    الصورة الرمزية eldell

    رقم العضوية : 45064

    تاريخ التسجيل : 18Aug2009

    المشاركات : 5,052

    النوع : ذكر

    الاقامة : القاهره

    السيارة: BMW isa

    السيارة[2]: Lancer boma 2010

    دراجة بخارية: مش بحبهم

    الحالة : eldell غير متواجد حالياً

    افتراضي -

    مشكور جداااا يااكسيل بجد مواضيعك تحفه ربنا يباركلك ياكبييييير

    [rmade]http://nileup.com/up/uploads/nilemotors_13672356391.jpg[/rmade]
    Eldell only 1


  7. #7

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة mradelcom مشاهدة المشاركة
    الف شكر يا غالي

    ومنتظرين الجديد

    شكرا لمرورك يا باشا :)


  8. #8

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة koshary مشاهدة المشاركة
    موضووووع رائع انا بروح للكهربائى بتاعى بيقلى زق العربيه لقدام شويه يقوم مطلع السير ههههههه ويقوم قايلى زق لورا يقوم مركب السير الجديد وهكزا مع باقى السيور فكره جميله ولا فك ولا ربط

    يااااااه فكرتني بالذي مضي هههههه لأني عملتها مرة في عربية قديمة كان الموتور يعتبر مفكك خلقة هو و قواعده فمش زقة بس انت لو عملته بايديك الموتور هيطلع هههههههه
    الطريقة هتعشق و تنزل فرامل اليد و تزق و تثبت شوية و يطلع السير بمفك لو معصلج شوية او بايديك ع حسب الوضع و نفس القصة في التركيب :)

    و في سير الكاتينة نفس القصة عندي ركبته بالزق


  9. #9

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة Elawany13 مشاهدة المشاركة
    عقبال سير الكاتينة

    ربنا يسهل الخطة الخمسية الجاية ان شاء الله :)


  10. #10

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة khaled_yassin مشاهدة المشاركة
    فنان والله
    نورت يا باشا الموضوع :)



 
صفحة 1 من 3 1 2 3 الأخيرةالأخيرة

المواضيع المتشابهه

  1. تعالوا نعرف ازاي نغير تيل و طنابير الفرامل و ازاي نحافظ ع الفرامل
    بواسطة Amr Axel في المنتدى القــــسم التعلــــيمى
    مشاركات: 71
    آخر مشاركة: 05-06-2017, 02:28 AM
  2. تعالوا نعرف ازاي نفسر رموز الكاوتش
    بواسطة Amr Axel في المنتدى إطارات
    مشاركات: 125
    آخر مشاركة: 30-11-2015, 03:24 AM
  3. تعالوا نعرف ازاي نغير زيت الموتور و فلتر الزيت
    بواسطة Amr Axel في المنتدى القــــسم التعلــــيمى
    مشاركات: 40
    آخر مشاركة: 10-04-2012, 01:20 PM
  4. تعالوا نعرف ازاي نغير فلتر البنزين و ننضف حاقن البنزين و الثروتيل
    بواسطة Amr Axel في المنتدى القــــسم التعلــــيمى
    مشاركات: 36
    آخر مشاركة: 17-08-2011, 05:13 AM
  5. تعالوا نعرف ازاي نرش الطاسات تحت شعار ( يلا نوفر )
    بواسطة Amr Axel في المنتدى القــــسم التعلــــيمى
    مشاركات: 28
    آخر مشاركة: 15-08-2011, 10:15 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2