ليه حضرتك، هو المنتدى ده ملاكي ليك انت بس؟
http://a2.sphotos.ak.fbcdn.net/hphot...98026117_n.jpg
Ahmod
مش لوحدك اللى متضايق
الاخوة المؤيدين للشيخ المرشح لقيادة البلاد
هو القيادة ورئاسة البلاد هتتضمن انه يسيطر على شعب فيه فئات كتير وجيش وعلاقات بدول اجنبيه وشرطة ومطامع من الداخل والخارج
ازاى هيعمل كدة وهو مش قادر يوقف افراد حملته عن حاجة الناس رفضاها
ولا رفض الناس لما يحدث لا يهم الشيخ
ده اذا كان كل ملصق من مؤيدى أبو أسماعيل
بنعيش فتره رجل الامن بيحرض على الهجوم على مجلس الشعب
بنعيش فتره رجل أمن بيربى دقنه و يشترك فى اشعال فتن
بنعيش فتره يهاجم فيها مبانى مؤسسات عسكريه و لا نعلم حقيقة من يهاجم من صاحب حق أو ممول
بنعيش فتره بيختلق فيها الازمات (بنزين - سولار )الله أعلم من الفلول و لا من المؤسسه العسكريه
= بنعيش فترة فتنه لا تعلم فيها حقيقة و نية ما حولك
لا اقول الا ( كل اناء ينضح بما فيه)
وحسبى الله ونعم الوكيل فى من ظلمنى
ايه الاحترام ده كله بتاع الاعضاء
كلام منطقي جدا ! ! +1111111111111
بس برضوا انت ماتضمنش هل فعلا البوسترات دي من المؤيدين ليه ؟ ولا معمولة عمدا عشان الناس تكرهه ؟ ؟ مافيش اثبات !
الموضوع مش مستاهل يا جماعة
كل واحد يقول وجهة نظره بدون ماندخل في جدال او مشاكل تسبب في النهاية اغلاق الموضوع
ياريت نكون كلنا ملتزمين باداب الحوار فاختلاف الراي لا يفسد للود قضية
هما مويديه كل واحد بيدفع ١٥٠ جنيه للحمله الدعاءيه بتاعته
شوف ١٢٠ الف عاملين توكيل ليه في ١٥٠ جنيه تعمل كام
ممكن بيتصرفوا بجهل بالطريقه دي بس معتقدش انه موافق علي كده
مع العلم انني لن ارشحه للرياسه ان شاء الله
الشيخ وجه اكثر من رسالة و تسجيل و خطاب لمؤيديه بعدم ازعاج اي شخص بالدعاية
اولا : اسلوب دعاية خطا 100%
ثانيا : هذا لا ينقص من قدر أبو اسماعيل ويا ريت نفصل من بين الرجل اللى عمل كده
احمد باشا
و الله فعلا الموضوع مش مستاهل و الواحد اتعلم الحمد لله يحافظ على هدوء اعصابه
و انا مقصدتش انى اغير وجهة الموضوع بس اللى حصل بقى :36_7_7[1]:
و معلش عارف انا رخامة الاستيكرز لما تتلزق على جسم العربية بتقعد تتفتت و بيبقى صعب اوى انك تطلعها ، بصراحة حركة مش تمام ان حد يعمل كده
المهم اخبار الياريس معاك ايه ؟
بصراحة عداك العيييييييييب و قزح كماااااااااااان ..
ده معمولة في حقه يا جماعة ,, عايزين الناس تكره
مش أسلوب للحوار يا sehsss ..
كل واحد لييييييه رأي و لازم يحترم ...
والله لسه واحد واقف ببوسترات ليه بيقولي الزق عندك علي الازاز قولت له شيل القرف ده
هههههههههههه لحقت تنسى العيش و الملح يانهار ازراااااااااااااق .. كل ده عشان خاطر أبو اسماعيل < بصراحة الراجل ده برنس > حقق معادلة ضريبة الشهرة
مادام كل واحد حر في رأيه .. يبقى مينفعش نحجر على رأي حد ..
ولا اييييييه يا عم sehsss يا أميييير يابنل الأمراااااااا
اسئلة بريئة و منطقية و عايز الراجل ده يرد عليا و اى حد بيأيده :
1- مؤهلاته ايه عشان يبقى رئيس دولة بحجم مصر و مشاكلها
2- خبرته ايه فى السياسة ؟؟؟
3- خبرته ايه فى الديبلوماسية؟؟؟
4- خبرته ايه فى الاقتصاد؟؟؟
و محدش يقولى ان له مستشارين لأن اى واحد لازم ليه خبرة عشان حتى يفهم كلام المستشار بتاعه و الا حيبقى المستشارين هما الحكام الفعليين للبلد
5 - و ده اهم حاجة .... مصادر تمويل حملته الانتخابية .. يعنى لما بيدى الناس 140 فى التوكيل( و ماسمعش حد يقوللى ما كانش بيدفع) و هو اتعمله 100000 توكيل يبقى 14 مليون!!! ده غير فلوس البوسترات و البرامج و المؤتمرات جاب ده كله منين؟؟ و لو كانت فلوسه ... يبقى حيسرقنا لما يمسك الحكم و لو التمويل خارجى يبقى عدونا و لازم نعدمه مش بس ما ننتخبوش
و الموافق يقول موافقة :)))
طيب رخصك :3mla:
يُحكي أن كان غلام كان يعبر الطريق وكان سيدهسه الميكروباص إلا أن الشيخ حازم صلاح سيد عوض ابو إسماعيل (طويل العمر يطول عمره و يزهزه عصره و ينصره علي مين يعاديه"هاي هيئ") طلع من البوستر اللي علي الشاحنة و شد الصبي بعيدا ثم عاد الي بوستره و مطرحة مرة اخري و في رواية اخري انه دخل اون ذا ران (حلال حلال حلال ):nosmile:
إتحاد صفحات تأييد الأستاذ حازم أبو إسماعيل لرئاسة الجمهورية - من هو حازم صلاح ؟ | Facebook
أما موضوع الفلوس ده يقب كده فى ليا و لناس اعرفها مبالغ عنده !!
طبعا منتهى قلة الذوق وتعدى على ملكية الغير
وفعلا اسلوب يخلى الناس تكره تنتخب الشيخ حازم بسبب افعال الناس القائمين على الدعايا
معلش حصل خير
نفس الاستيكر الغبى ده اتلزق على زجاج عربيتى و انا راكن فى باركنج مول محترم جدا مش فى الشارع كمان
واضح ان انصار حازم صلاح ابواسماعيل مقتنعين ان الدعايه له بتكسبهم ثواب مثلا او هتدخلهم الجنه ..
ربنا يشفيهم
مش هاقول اكثر من كده ...
انا مبقتش طايق سيرته و لا سيره اى حد من الاسلاميين دول من ساعه موضوع الدستور ...
قلت التعلم وحشة برده
ومنين هيجيبوا التحضر
هي اخرتها جمل نمشي بيه وفضل شاكر يغني بيااع السيوف
لا تعليق
يا جماعة مش معنى ان المؤيدين لابو اسماعيل بيعملوا كده يبقى الراجل وحش انا راجل معدي وطلب مني الزق صورته وقولتله حاضر واخدت الصورة فيه واحد بمجرد ما شافها معايا خدها على طول مع اني كنت متردد في لزقها بس الراجل ملزقهاش من نفسه ولا حاجة
نرجو من الادارة وقف الموضوع حيث ان هذا الموضوع بدأ يخرج عن اطار وسياسة المنتدى وشكرا جزيلا
معلش بس عندى شوية أسئلة كده
1- هما مش المسؤلين عن الدعاية دى من ضمن الحملة ؟
2- لو هو مش عارف يتواصل مع مسؤولى الدعاية لحملته و يخليهم يبطلوا التعدى على ملكية الأخرين أمال هيعرف يدير بلد إزاى ؟
و بلاش تقولوا أنه وجه لهم أكتر من رسالة فى البرامج و بعت لهم أكتر من خطاب...........علشان ساعتها دى تكون خطأ أكبر فى حقه.
و يا ريت محدش يقولى دى دعاية مضادة...............معتقدش أن فيه حد ممكن يصرف المبالغ دى على دعاية لواحد هو مش عاوز يكسب علشان أحتمال الناس تتضايق من البوسترات و ما تنتخبش حازم.
أعتقد الأولى أنه يصرف فلوس فى البحث عن حقيقة الكثير من علامات الإستفهام اللى بتحيط بحازم ( بعض النظر عن صحتها من عدمها )
يعنى لو فيه 10 علامات أستفهام حوله و طلعت واحدة أو أتنين منهم صحيحين ده ممكن يخلى أرضية مؤيديه تقل أكتر من اللى هيعمله موضوع لزق البوسترات بالعافية.
ممكن جدا يكون الشيخ مالوش يد فى اللى بيحصل ده و أعتقد انه مش موافق عليه أكيد
بس الموضوع ليه جانب أخر
هو ازاى المؤيدين ليه بيفكروا ؟؟؟؟!!!!! أنا لا أستبعد انهم يعتقدوا انهم بكدة بياخدوا ثواب و بيرضوا الله و رسوله !!!!!
يا باشا كبر دماغك
فيه ناس بتحب تحس ان الناس مهتمة بكلامها و خلاص :tongue05:
و على فكرة انا اصلا سامحت فى حقى و معملتش تقرير بمشاركة سيئة لما كان الكلام يخصنى و موجه ليا
بس لما الكلام يوجه لشخصية مش موجودة معانا و بأسلوب اقل ما يقال عنه انه مستفز يبقى يستحق التقرير بالمشاركة السيئة