وبعدين في اسلوب الدعاية السخيف بتاع حازم صلاح ؟ ؟ هي بالعافية ؟
السلام عليكم ورحمة الله وبركاته
بصراحة لا تعليق عن اسلوب الدعاية السخيف اللى بيستخدمه انصار حازم صلاح
ماشي من حقه انه يعمل دعايا لحملته بس ماتوصلش لدرجة انه يلزق الاستيكرات على عربيات الناس بالعافية ! ! ؟
انا ماكنتش مصدق لحد ماحصل الموضوع معايا
خرجت من الجامعة لقيت على ظهر العربية استيكر حازم صلاح ! مش عارف اتلزق امتى وفين
اول حاجة جت في دماغي قلت واحد زميلي وحب يهظر خاصا لان ليا واحد زميلي دايما معاه ملصقات لحازم صلاح ودايما مؤيد ليه والصبح كان سالني انت راكن فين ؟
فقلت اكيد عايز يرخم
واقف بشيل الاستيكر في ال Parking بتاع الجامعة ! اكتر من 4-5 عربيات وقفولي ! وكل واحد يقف شايفني بشيل الاستيكر
يقولي هو اتلزقلك من غير ماتعرف ؟ اقوله اه يقعد يشتم ويلعن يقولي حصلت في فلان صاحبي ! وحصلت في فلان قريبي !
لدرجة واحد معاه لانسر بومة نزل سالني برضوا ولقيته متعصب جدا جدا جدا ومضايق من اسلوب الدعايا السخيف ! وبيقولي انا كنت متاكد انه التزقلك من وراك !
المشكلة ان كل اللى وقفو من مناطق مختلفة ! يعني الموضوع مسمع في الجمهورية كلها !
بصراحة حاجة سخيفة جدا ولابعد الحدود
مش مكفيهم ان مافيش حيطة دلوقتي مش موجود عليها بوستر ليه ! كمان بيتحط على عربيات الناس بالعافية ؟
الاستيكر طلع من عندي بعد اكتر من نص ساعة من المحاولات !
ودي شوية صور اثناء مانا بشيل الاستيكر فعلا حاجة ترفع الضغط !
http://img4.imageshack.us/img4/4020/27032012590.jpg
http://img690.imageshack.us/img690/1880/27032012589.jpg
http://img804.imageshack.us/img804/2696/27032012591.jpg
وفي النهاية احب اقول انه لو استمر في الاسلوب السخيف ده ان شاء الله مش هيشمها ومافيش حد هينتخبه لان الناس فعلا بدات تتخنق
