الحمد لله ربنا بيسترها

**المنسي** · 27-03-2012 11:05 PM

فجأة وبدون مقدمات مبقاش فيه فرامل فى العربية مبقتش عارف اعمل ايه كلمت الميكانيكي قاللى بص عالزيت بتاع الفرامل كل ده واللمبة مش منورة يعني ايه مفيش فرامل واللمبة منورتش حد يقوللى ادوس مفيش فرامل اولع فى نفسي وفى العربية ولا اعمل ايه ببص على زيت الفرامل مفيش ولا نقطة الزيت راح فين الميكانيكي لما كلمته قاللى ممكن يكون ماسورة ضربت هو يعني ايه ماسورة ضربت قلتله طيب هابقي اعدى عليك وقمت راكن العربية تحت البيت بس عديت على بتاع زيت وانا مروح وبحط الزيت الاقى الزيت اختفى من القربة نزلت ببص على العجل لقيت فردة من اللى ورا غرقانة زيت المهم كان فيه ميكانيكي جنب بتاع الزيوت بص وقاللى ده السيرفو باظ هو يعني ايه سيرفو وازاى يبوظ فجاة كده دلوقتى عايز اعرف السيرفو ده سعره كام هيه العربية سكودا فليشيا

**Sehsss** · 27-03-2012 11:14 PM

قدر الله وما شاء فعل

**Elawany13** · 28-03-2012 12:02 AM

الحمد لله انها جت على قد كده
سؤال للخبراء .....ياترى السيرفو هو خزنة الفرامل ؟؟؟؟ ولا حاجه تانية ؟؟
أنا لسه مغير خزنتين الفرامل الخلفييتن للشاهين الواحده بـ 25 جنيه ... ايطالى
كانوا بيهربوا زيت بسيط جدا
الفليشيا هتلاقيها اغلى شوية

**Elawany13** · 28-03-2012 12:40 AM

المشاركة الأصلية كتبت بواسطة Elawany13

الحمد لله انها جت على قد كده
سؤال للخبراء .....ياترى السيرفو هو خزنة الفرامل ؟؟؟؟ ولا حاجه تانية ؟؟
أنا لسه مغير خزنتين الفرامل الخلفييتن للشاهين الواحده بـ 25 جنيه ... ايطالى
كانوا بيهربوا زيت بسيط جدا
الفليشيا هتلاقيها اغلى شوية

ديه صورتها

**ahmedhawas** · 28-03-2012 01:19 AM

أما بالنسبة للسيرفو brake servo أو brake booster
فوظيفته:
- إنه بيساعد السواق في عملية الفرملة (فيخف الحمل من عليك يا باشا)
- في العربيات البنزين: بيشتغل على خرطوم الفاكيوم بتاع مانيفولد السحب .. وبالتالي الخرطوم ده لو مقطوع أو منفس مش هيشتغل صح وتحس الفرامل محجرة معاك ، ولو السيرفو باظ هتحس الفرامل محجرة برضو.
- لو العربية مش دايرة ، وجيت تدوس فرامل .. هتحس برضو الفرامل محجرة معاك عشان السيرفو مش شغال في الحالة دي .. وتحس بمعاناة عشان توقفها خصوصا لو نازلة على طريق مايل .. عشان كده محدش يبطل العربية في منزل كوبري أبدا زي ما بعض التاكسجية بيعملوا.
- السيرفو ملوش دعوة بنقص زيت الفرامل. وطالما إنت شايف إن في عندك عجلة ورا غرقانة زيت .. يبقى ماستر العجل الخلفي ضرب .. وياريت تشوف ميكانيكي ثقة.
- في العربيات الديزل .. مفيش بوابة (وبالتالي مواتير الديزل مبتعملش فاكيوم في مانيفولدالسحب)
وعشان كده بيحطوا : vacuum pump

الجزء الاسود : هو السيرفو ، والأبيض : خزنة زيت الفرامل(إربة الباكيم) ، وتحتها الجزء المعدني : الماستر العمومي