المخزن بتاعه فى البيت عندنا هههههههههه
رقم العضوية : 100379
تاريخ التسجيل : 24May2011
المشاركات : 108
النوع : ذكر
الاقامة : Cairo
السيارة: Ford Escort
السيارة[2]: Mazda 3 Highline
دراجة بخارية: -
الحالة :
باختصار، كان عايز يبيعلي بيك السلانسيه بتاع الاسكورت ال1300 ب400 جنيه علي إنه جديد... و في الأخر اكتشفت إن اللي كان هيبيعهولي مش بس مستعمل، لأ كمان بايظ!!!!!!!!!!!!!!
التفاصيل:
المشكلة هي ان أنا كنت عايز أغير بيك السلانسيه و أجيب الاصلي عشان اللي راكب عندي بتاع الشاهين لسة مركبه و حسيت إن العربية بتبرجل و هي لسة بتسخن قلت جايز الخلوص مش مظبوط أو هو مش مظبوط و لما فكيته ابص عليه لقيته راس البيك قافشة و لقيته مش بيتكتك لما أوصله كهرباء... أنا كنت كلمت سامي فخري بتاع دمشق و كان قال لي الاصلي عنده ب400 جنيه.
بس، فعديت عليه النهاردة و بدأت المغامرة... أنا ركنت قدام سينما هليوبلس عشان دمشق كان زحمة و رحت له فقال لي هاتلي العربية عشان أركبهولك... المهم قلت له ليه مهو أنا بعرف اركبه ده سهل قوي، ولا إنت عايز تتأكد إن اللي عندك يمشي علي عربيتي... قال لي لأ طبعا، أنا دكتور فورد! أنا كمان أعرف اركبه و أنا بس عايز اركبهولك و اجربه عشان أنا مش بعمل أي حاجة أنا بعمل شغل 10/10 بما يرضي الله و رسوله... خدوا بالكم من "بما يرضي الله و رسوله" ديه... قلت له تمام تمام، يعني عندك ولا لسة هتدور و تجرب... قال لي لأ عندي أكيد.
المهم جبت العربية و قعد معطلني نص ساعة بيدور عليه و بعد كدة جابه و بدأت المهزلة... أنا شفته جايبه من غير علبة قلت له ايه ده هو مش جديد؟... قال لي أيوة طبعا جديد... بصيت لقيت راس البيك إلي بيشبك فيها الكهربه مبططة مش مدورة، قلت احتمال فيه كذا نوع عشان كدة عايز يأيفهولي بدل ما احتاس... المهم بعت جاب كهربائي و ابتدي يشتغل، فبيعمل اختبار للبيك كدة بيشوفه بيفتح ولا لأ، سامي كان بيكلم الكهربائي بس أنا ماكنتش سامعهم عشان كنت كل شوية بروح افتح الكونتاكت و اقفله عشان الكهربائي يجرب، بس كنت بروح أشوف كذا مرة شفت الشرارة و هو بيلمس البيك عشان يشوفه بيفتح ولا لأ.
شوية لقيت الكهربائي عمال يشد في السلك اللي بيركب في البيك خفت يقطعه فبقول لهم فيه ايه، فسامي قال لأ مفيش بيكشف علي الكهربة عشان مش واصل له كهرباء... قلت له إزاي ده أنا شايف الشرز طلع كذا مرة دلوقتي، و بعدين أنا قايس الكهربا بنفسي من كام يوم و مظبوطة... قال لي لأ الكهربة عندك بتضعف لأنها كانت شغالة في الأول و بطلت، الكهربة عندك ضعيفة، أنا هكشفلك عليها عشان جايز تكون المشكلة منها... قلت له لو فصلت يبقي أكيد فيوز ضرب... المهم رحت اجرب قدور العربية ما دارتش خالص طبعا و الكهربائي قعد محتاس في علبة الفيوزات بقي و مش عارف أنهي فيوز اللي ضرب. (و طبعا الدكتور بتاع الفورد عمل العملة و مشي قعد في المحل)
بعد محاولات الكهربائي لقينا الفيوز و شعره و كمل شغل... ساعتها بقي ركزت معاه و اكتشفت إن البيه جايبلي بيك مش بس مستعمل لأ كمان محروق و عامل قفلة و هو اللي طير لي الفيوز... المهم مش عارف ايه اللي حصل لقيت سامي فخري جايب واحد تاني بيقول للكهربائي جرب ده، و ده كان شكله أقدم من التاني لكن الراس بتاعته مدورة... بصيت مع الكهربائي لقيت الملف شغال و بيحرك البيك لكن كان خشن شوية، يعني بيحتاج زقة عشان يشتغل... قلت لهم ده بايظ... و الكهربائي كان عمال يوشوش سامي واضح إنه بيقول له إنه مش نافع... و سامي يقول لأ شغال... قلت لهم إزاي يا جماعة شغال و الكهربائي لازم يزقه بصباعه عشان يتحرك... سامي قال لي لأ هيشتغل لازم نجربه و هو في العربية... أنا قلت في نفسي مش هقعد كل ده و أمشي، اجرب مش خسران حاجة... بعدين سألت سامي تاني، هي الحاجات ديه مستعملة؟ و مسكت البيك دققت فيه و قلت له ده مستعمل هو كان شغال أصلا ولا مستعمل و بايظ؟ ههه... فبعد ما فقسته قال لي الحقيقة أنا مش عارف تاريخهم بالظبط!!! فأنا قلت في نفسي حسابي بعدين (يعني و إنا بحاسب أظبطه و لو مش عاجبه هرمهوله و امشي ههه) المهم جربت ادور دارت الكهربائي قال لي شغال زي الفل اهه و سامي قال لي كدة تمام شفت الشغل بقي، مش أي حاجة، بس و سابنا و دخل جوة تاني... بطلت العربية فالكهربائي قال لي بطلت ليه... قلت له لأ مهه العادي إنه ميعملش مشاكل في التدوير، المشكلة بتبقي و أنا ببطل... (أنا مش عارف هو كان بيحاول يكلفتني ولا فعلا مش فاهم)... المهم جربت كذا مرة لحد ما العربية كركرت في مرة و أنا بطفي قلت له مش نافع، فكه... و زي ما يكون كان مستني مني الكلمة ديه و كان مستحرم يلزقلي الحاجه البايظه بس سامي كان زنقه.
المهم الكهربائي زي مكون صعبت عليه أو حب يعمل معايا واجب ففكلي راس البيك بتاع الشاهين اللي لسة جايبه عشان كانت قافشة و عشان كدة ماكنتش بتتحرك... و ضيق المشقبيه و ركبه... و بعدين ظبتلي مسمار السلانسيه عشان و أنا بزبطه و إحنا واقفين الظاهر بوظت الدنيا و خليته يفك و يلف علي الفاضي و الموتور بقي عالي... المهم ظبط الدنيا و قفل الشغل و اديته عشرة جنيه و قلت له دول عشان الخمس دقايق الشغل اللي في الاخر ده... إنما اللي في الأول ده حسابه مع سامي بيه... بعدين رحت اشتريت فيوز بدل اللي حرقهولي ب2 جنيه و مشيت.
و قبل ما أمشي سامي كان عايز يدبسني في منظف كاربراتاير لكوي مولي و يقول لي ده مفعوله سحر... انما بعد اللي شفته ده مش ممكن اشتري منه حاجة تاني أبدااااااا... كنت عايز أقول له يا رب بس ميكونش هو كمان مستعمل قبل كدة هههههه.
اسف للاطالة عليكم و لكن فعلا أنا مندهش من انعدام الضمير و قلت اهه درس مستفاد لكل الناس، متسيبش حد يحط أيده في عربيتك من غير متخلي عينك في وسط راسك وراه.
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
المخزن بتاعه فى البيت عندنا هههههههههه
رقم العضوية : 18554
تاريخ التسجيل : 10Sep2008
المشاركات : 268
النوع : ذكر
الاقامة : cairo
السيارة: vw
السيارة[2]: mazda
دراجة بخارية: لا يوجد
الحالة :
الراجل ده مشهور بكثرة كلامه وغلاء اسعاره مره باعلى حدوة الدينامو ب700 جنيه وسالت الميكانيكى بعد كده قاللى انها مش ممكن تعدى ال300 جنيه بس الحقيقة كنت سالت عند اكتر من واحد ومالقيتهاش فقلت يمكن استغل الظرف كمان كل حاجة بيبيعها أصلى ربنا يهديه
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
هوة بيستغل نقص قطع غيار الفورد فى السوق-نصيحه بلاش فورد-دى مغلبانا
رقم العضوية : 100379
تاريخ التسجيل : 24May2011
المشاركات : 108
النوع : ذكر
الاقامة : Cairo
السيارة: Ford Escort
السيارة[2]: Mazda 3 Highline
دراجة بخارية: -
الحالة :
هو فعلا أسعاره غالية بس حاجته المفروض بتكون سليمة، انما المرة ديه الش معايا و اكتشفت إنه ممكن يخم في حاجات تانية غير الفلوس.
ربنا معانا علي الفورد ديه :(
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
انا لسه شارى طقم سلوك بوجيهات للفوكس 350 جنيه وقالى لازم مع البوجيهات اغير الموبينه ههههههههههه اى كلام وخلاص
رقم العضوية : 19926
تاريخ التسجيل : 23Sep2008
المشاركات : 148
النوع : ذكر
الاقامة : New Cairo
السيارة: Mercedes 190E
السيارة[2]: Chrysler Neon 2000
دراجة بخارية: No
الحالة :
أحسن واحد للفورد في شارع دمشق : يافا
Ahmed
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
سامى فخرى اصلا كان بيلم قطع الغيار من التوكيل كلها ويحتكرها هههههههههههه
رقم العضوية : 100379
تاريخ التسجيل : 24May2011
المشاركات : 108
النوع : ذكر
الاقامة : Cairo
السيارة: Ford Escort
السيارة[2]: Mazda 3 Highline
دراجة بخارية: -
الحالة :
رقم العضوية : 13405
تاريخ التسجيل : 22Jun2008
المشاركات : 1,754
النوع : ذكر
الاقامة : shoubra
السيارة: .....
السيارة[2]: Ford Escort 1.6 Z.TEC
دراجة بخارية: no
الحالة :
يا خسارة كنت بحس ان الراجل دا محترم ولما المتور بتاعي باظ رحتلو اشتري مستلزمات العمرة قالي اشتيري متور استيراد افضل وارخص وقالي انو بينصحني مع انو بكدا مش هيبعلي فكنت بحسو امين.
'المرأة لم تخلق لتكون محط إعجاب الرجال جميعاً
بل لتكون مصدراً لسعادة رجل واحد
المفضلات