ألنترا md 2012 هاي لاين - مفاجأة قاسية لي

الأخوة الكرام / نجوم هيونداي ...

أسعد الله يومكم بكل الخير...

الحمد لله علي نعمة الألنترا أول فئة , كلمة قولتها اليوم و انا في معرض سيارات و كنت أعاين و للمرة الاولي الألنترا الجديدة الخليجي الهاي لاين

في البداية دخلت المعرض بسيارتي الألنترا الفئة الاولي المعدلة و توقفت بجانب سيارة أخري و لكن هاي لاين خليجي بنية اللون شكلها تحفة
- جنوط سبور
- شبكة امامية نيكل كروم
- فتحة سقف
- فرش جلد
- تكييف أوتو تاتش
- كاميرا خلفية تعمل مع المرأة + باركينج سينسور
- سمارت كي
- تشغيل المحرك بزر ستارت
- 2 أيرباج
- نظام مانع أنزلاق abs
- فرامل خلفية علي ديسكات

بصراحة العربية حكاية و لكن المفاجأة التي اذهلتني .....
بابحث عن نظام التحكم في أتزان السيارة stability control فلم أجده !!!!!

المفاجأة الثانية ...
الأنوار الخلفية مماثلة لسيارتي الفئة الأولي حيث أن أنوار الشبورة الخلفية مطبوبة أيضا

المفاجأة الثالثة ...
لايوجد dvd و أنما كاسيت عادي مماثل لما قمت بتغييره !!!!

السعر ... 160000 جنيه
سعر سيارتي بالتعديلات التي أجريتها 128500

هنا بادرني صاحب السيارة بأنه شرب العربية لأنه أذا باعها سيخسر الكثير أما انا فاذا بعت فلن اخسر سوي القليل لذا فأن الفئة الاولي هي الافضل من حيث سعر أعادة البيع خاصة مع التعديلات التي أدخلتها علي سيارتي و التي جعلت سيارتي تتفوق في التابلوه الداخلي و شكل الصالون خاصة الفرش الجلد المميز الذي صنعه الحاج / احمد مشعل بمهارة شديدة و أتقان و ده بقي له موضوع لوحده أن شاء الله

هنا و لأول مرة أشعر بأرتياح و رضا عن أختياري للألنترا الفئة الأولي

فعلا زي ما قال محمود عفيفي قبل كده : مش بس غبور اللي بيفتري علينا لأ كمان الوكلاء في الخليج زي غبور و يمكن أكثر

علي فكرة و انا واقف في المعرض عرفت أن سعر الالنترا الجديدة نزل الي 124000 جنيه
و فيه موديل جديد ب 137000 هو نفس الفئة اللي معايا و تم أضافة الاتي اليها :
- جنوط سبور
- فتحة سقف
- 2 أيرباج
- باركينج سنسور

كده يبقي عم غبور بيضرب الخليجي في مقتل

انا حاسس ان الخليجى نصباية

الخليجى كلو لعب فى لعب نفس الحوار ده هيحصل مع النيسان جوك

بالعكس انا شايف ان ان الخليجى احسن كماليات اكثر وسعر ارخص وكذلك مشكلة السيراتو كان بينزل وكيل وخليجى الان والناس عاوزه تبيع بتضرب نفسها عشان مجبوش خليجى صدقنى خليجى احسن وانت عندك غبور اصلا توكيل وحش جدااااااااااا الكلام دة مع توكيل محترم زى نيسان ولا رينو

استاذ koshary يعنى اة الخليجى لعب فى لعب

ايه اللعب اللي عملته في التابلوه ؟

استحاله الخليجى يكون نصبايه لان الخليجى بيبقى كومبريسور اعلى دا غير ان الموتور بالرغم انه نفس السى سى بتاع المصرى الا انه اقوى فى القوه الحصانيه و كمان الخليجى بيبقى اللون بتاع العربيه واخد طبقه حمايه من الحراره بسبب جو الخليج و الشمس هناك دا غير جوده التقفيل دا غير العفشه بتبقى اقوى و بتخلى العربيه ثباتها اعلى

الوكيل ال.....تيت هوا اللي سمح للخليجي يعلم عليه

ربنا يباركلك فيها يا بشمهندس والحمد لله انك شوفت بنفسك الحاجات دي علشان ترضي عن عربيتك رضاء كامل ومحدش يكرهك فيها وربنا يديك خيرها ويكفيك شرها

انا معايا النترا خليجى يا جماعه فعلا لون الدهان مش زى المصرى يعنى انا لما بغسل العربيه لونها احمر بترجع وكانها جديده عكس الانترا نفس اللون المصرى بتلاقيها مطفيه واللونه باهت مش بيلمع مع انه بقالها سنتين وطبعا لمعه اللون دى بتيجى على دماغى الكل بيقعد يبص على العربيه فبتقوم مخبوطه بعد كل مره بغسلها الحمد للهبالنسبه لل 160000 هو الى راجل

غلطان عشان جاب من مكان غلط
المهم هو الفرق انه انت بتقول انه اول فئه ب 126 لو دورت اكيد هتلاقى خليجى بجنط وفتحه سقف على الاقل ممكن ب 128 او 130 فاكيد الفرق يستاهل

اقتباس:

---

المشاركة الأصلية كتبت بواسطة masterzmind

استاذ koshary يعنى اة الخليجى لعب فى لعب

---

يعنى بيجيب كماليات ب 15 الف مثلا ويزود العربيه ثمنها 30 الف

الخليجى كلة لعب انا واحد صاحبى معاه لانسر سوبر اكشن المفروض سام الى هى بتنزل بفرش جلد و الارضية جلد بعد 3 سنين لاقنيا الجلد اتقطع الناس فى دمشق كانوا بيقولوا مستحيل الاصلى يتقطع انت اكيد الى اطعتة

المهم بعد مناقاشات وخناقات لاقينا العربية متفصل ليها فرش جلد على القطيفة بتاع العربية بس كان معمول بنضافة مبالغ فيها اوى بس مع الوقت اتقطع والارضية هى كمان اتقطعت من الجناب

أحسن فئه في الاوتو هي اللي ب134
فيها abs
و لو عليا انا أستوردها من كوريا أو من أمريكا ( أعلي مواصفات أمان )
بس الموتور gdi 1.8
فالجمارك هتوقفني !

وده الي قلته في موضوع سابق ...
ان 75% ان مكانش اكثر من الانترا المباعة في مصر هي اول فئة .. لان بصراحة مش شايف اي فروقات تستاهل مابين اول و اخر فئة غير ال abs .. غير كدة اي كلام.

هي غلطة غبور من الأول وجشعة أنه ينزل 12 فئة في عربية واحدة علشان ياكل أكبر نصيب من السوق يعني لما أشتريت عربيتي أتصدمت لما ملقيتش غير فئتين بس من ال 12 فئة هم اللي فيهم 2 أيرباج و abs واحدة في ال gl والتانية ال فولي لوديد أم 160 ألف فرق بين الأتنين أكتر من 20 ألف علشان كام سنسور وشاشة وفتحة وجنط فطبعاً رسيت على ال gl علشان عوامل الأمان أهم حاجة عندي في العربية دة على أعتبار أن دول عوامل أمان خارقة يعني .


الفئة اللي بتقولوا أنه غبور هينزلها لو بالسعر ده 137 ألف وفيها جنط وفتحة وأتنين آيرباج وسينسور يبقى باي باي خليجي .

صح بلاش خليجي

ببساطة مين يضمنلي العربية ... الخليجي كماليات مقابل ضمان

يا بشمهندس
انا شوفت نفس العربية الللى حضرتك تحكى عليها دى فيها نفس الدى فى دى اللى راكب فى عربيتك واعلى من اى فئة الوكيل منزلها وب158 الف مع دكتور عندى فى الجامعة

يعني دلوقتي ايهما افضل الخليجي ولا الوكيل من ناحية الكمليلت والامان والسعر
وبعدين العربيه تستاهل يندفع فيها الفلوس لان بصراحه
انا عايز اشتري عربيه في حدود ١٦٠ الف متعديش
ومش عارف اجيب النترا ولا
اي حاجه تانيه حتى لو كانت مستعمله زي مثلا جيتا
وبعدين هيه تستحمل تعد ٥ سنين شغل ولا الكوري ايه نظامه

واحسن فئه الواحد يجيبها ايه فيها
معلش طولت عليكم

اقتباس:

---

المشاركة الأصلية كتبت بواسطة joker4000

يعني دلوقتي ايهما افضل الخليجي ولا الوكيل من ناحية الكمليلت والامان والسعر
وبعدين العربيه تستاهل يندفع فيها الفلوس لان بصراحه
انا عايز اشتري عربيه في حدود ١٦٠ الف متعديش
ومش عارف اجيب النترا ولا
اي حاجه تانيه حتى لو كانت مستعمله زي مثلا جيتا
وبعدين هيه تستحمل تعد ٥ سنين شغل ولا الكوري ايه نظامه

---

بص ...

هيونداي عربيات كويسة و حمالة قسية و تستحمل 5 سنين و لما تبيعها مش هاتخسر فيها كتير لأنها مطلوبة

الالنترا الجديدة فعلا عربية حلوة جدا جدا جدا .... و لكن مش لدرجة 160000 جنيه
بجد .... حرام اللي كل الوكلاء (مش بس غبور الأمور) اللي بيعملوه فينا ده
بجد .... حرام اللي الحكومة بتعمله فينا ده بالجمارك المبالغ أوي فيها و القيود اللي بتضعها علي اللي بيعتبروه كماليات و هو من أساسياتها

بجد حرام

اقتباس:

---

المشاركة الأصلية كتبت بواسطة se_coralsea

بص ...

هيونداي عربيات كويسة و حمالة قسية و تستحمل 5 سنين و لما تبيعها مش هاتخسر فيها كتير لأنها مطلوبة

الالنترا الجديدة فعلا عربية حلوة جدا جدا جدا .... و لكن مش لدرجة 160000 جنيه
بجد .... حرام اللي كل الوكلاء (مش بس غبور الأمور) اللي بيعملوه فينا ده
بجد .... حرام اللي الحكومة بتعمله فينا ده بالجمارك المبالغ أوي فيها و القيود اللي بتضعها علي اللي بيعتبروه كماليات و هو من أساسياتها

بجد حرام

---

طيب اتفقنا دلوقتي انها حلوه وتستحمل
طيب احسن فئه فيها ايه
والخليجي ولا الوكيل
وياريت لو سمحت اعرف كل الاسعار الخليجي و الممليات والوكيل و الكميات
وانا طولت عليك وطلبي ممل انا عارف

نصحتى ليك خليجى

اقتباس:

---

المشاركة الأصلية كتبت بواسطة joker4000

طيب اتفقنا دلوقتي انها حلوه وتستحمل
طيب احسن فئه فيها ايه
والخليجي ولا الوكيل
وياريت لو سمحت اعرف كل الاسعار الخليجي و الممليات والوكيل و الكميات
وانا طولت عليك وطلبي ممل انا عارف

---

+11111111111
ياريت حد يوضح فئات الخليجي والاوبشن بتاعها والاسعار وبتتباع فين وهل جوده التقفيل التوكيل زي الخليجي ؟
والالنترا اللي بتنزل ديسكات ورا دي خليجي ولا فولي لودد ؟

طيب يا جماعة انا عايش في السعودية وناوي اشتري الينترا موديل 2014 هاي لاين اتوماتيك
اشتريها ولا لأ واخبار التوكيل ايه ويا ترى هل في حد في القاهرة بيصلح الاتوماتيك الحديث خاصةً في صقر قريش في المعادي
مع الشكر وبرجاء الرد عاجلاً لأني ناوي اشتريها خلاص

اقتباس:

---

المشاركة الأصلية كتبت بواسطة yasserelshakwe

طيب يا جماعة انا عايش في السعودية وناوي اشتري الينترا موديل 2014 هاي لاين اتوماتيك
اشتريها ولا لأ واخبار التوكيل ايه ويا ترى هل في حد في القاهرة بيصلح الاتوماتيك الحديث خاصةً في صقر قريش في المعادي
مع الشكر وبرجاء الرد عاجلاً لأني ناوي اشتريها خلاص

---

اللي فهمته من سؤالك أنك ناوي تشتريها من السعودية , صح ؟
لو كده توكل علي الله

الالنترا md عربية جيدة جدا مافيهاش مشاكل كبيرة أو مؤثرة الحمد لله
أما بالنسبة للتوكيل فهو في تحسن ملحوظ و الحمد لله و بنحاول معاه علي قد مانقدر

و بالنسبة للاوتوماتيك بتاعها مافيهوش مشاكل و الحمد لله و بعدين التوكيل قريب منك في العبور و قريب أوي هايفتح مركز صيانة جديد في القطامية أول طريق السخنة