الموضوع: سيلفر استون ولا اكليس قبل الساعه 5 الله يباركلكم

المشاركة الأصلية كتبت بواسطة corsair

في عضو معانا هنا ربنا يباركله دلني علي ماركة اسمها اكليس اشتراها من ممدوح غطاطي اسمه محمود الخطيب وانا طبعا استأذنته في رقم تليفون ممدوح غطاطي علشان اروحله

امبارح روحت لممدوح غطاطي اللي في مدينة نصر لقيت عنده الاكليس 185/60/14 عامله 430 جنيه طبعا انا اتصدمت لما عرفت السعر لاني كنت عامل حسابي علي 380 بالكتير المهم مشيت لان مكنش معايا فلوس تكفي

روحت رايح علي واحد حبيبي كنت ركبت قبل كدا عنده هانكوك للالنترا قدام وزارة الدفاع

وسئلته الاول علي الاكليس الماليزي قالي موجود ب 370 جنيه طبعا انا مصدقتش نفسي وكنت طاير من الفرحه الصراحه وانتاج شهر 11/2011

وقالي في نوع تاني اسمه سيلفر استون زي الاكليس بردك بشفتين ومواصفات كونتيننتل اندونيسي ب 380 جنيه وفاتحلي الاتنين ووراني الفرق حسيت فعلا ان السيلفر استون شغلها انضف من الاكليس وطريه شوية عن الاكليس وانتاج شهر 12/2011


ها يا جماعه اجيب انهي فيهم قبل النهارده الساعه 5

والراجل في قمة الاحترام الصراحه ولما عرف اني هجيب جنوط اسبور قالي انا هاجي معاك اجبيهملك من واحد في مدينة نصر لاني كنت محتار اجيبه من اشرفكو ولا الروماني قالي ملكش دعوه وسبلي انا الموضوع ده

إزيك يا أستاذ أحمد يارب تكون بخير وصحه وعافيةز
أنا آسف إني برد متأخر قوي بس أنا كنت مريض وملازم الفراش ولكن دلوقتي الحمد لله كويس .
أنا عارف إنك أكيد إشتريت ، لكن أحب أقولك إن النوعين تقريباً واحد ولكن هناك فرق وحيد في صالح السيلفر ستون أنه سرعات أعلى لكنك تعلم أننا نعيش في المحروسه يعني أقصى سرعة تحلم تمشي بيها هتكون 200 كم ومش أكتر من 5 دقائق لكن النوعين بنفس تكنولجي كونتنتال .
أما بخصوص الجنوط فرجاء خاص أوعى تشتري جنوط صيني ومصيحة مني حاول تجيب جنوط إستيراد هتلاقيها أفضل 100 مرة من الصيني لأن الصيني ممكن يحصل فيه مشاكل كتير من أي نقرة أو مطب وأوقات لاقدر الله ممكن يتكسر مش ينثني ، ويارب بالتوفيق وهنستنى تقولنا عملت إيه.