كنت عايز أسأل واعرف هل فى حد من الصقور جرب ينظف الردياتير من الصدأ ودورة التبريد بنفسه فى نيسان صنى ولا مفيش لانى دورت فى المواضيع القديمة وملقتش
انا عايز انظف الردياتير والقربة واغير الميه بنفسى
عرض للطباعة
كنت عايز أسأل واعرف هل فى حد من الصقور جرب ينظف الردياتير من الصدأ ودورة التبريد بنفسه فى نيسان صنى ولا مفيش لانى دورت فى المواضيع القديمة وملقتش
انا عايز انظف الردياتير والقربة واغير الميه بنفسى
اولا هل انت شايف اي رواسب في القربه و لا لأ
مجرد استعمالك للمياه الخضراء بيحد من وجود صدأ
إنت ممكن تتصل بـ valvoline و هما يجولك لحد عندك بيجوا في أي محافظة بتكلفة إضافية < 10 جنيه > ..
عندهم مياه خضرة ممتازة جدااااااااااا و بالمرة ناس فاهمة و محدش هيبوظلك حاجة .. نمرتهم أهه < 19728> ..
لو مش عايز كده .. ممكن تروح أي بنزينة .. خليهم يعملوا حاجة اسمها دورة ردياتيييييير كاملة بمية خضرة ..
التكلفة عموما مش كتييييييير ..
حول تعملها بسرعة عشان الصيف داخل على الأبواب ..
تحياتي لحضرتك ..
بص ياباشا طلما كنت بتستعمل مياة عادية فطبعا هيكون فى صدا فى القربة والريداتير وكمان المواسير فعن تجربة كنت بعملها زمان فى الفيات بنضفها بنفسى ولكن اقص حاجة أنك تنضف الاقربة مش هتقدر تنظف المواسير ولا الراداتير أنسى وطبعا بتبهدل الدنيا على الفاضى حضرتك تروح تجيب جركن مياة خضرا نوع كويس مش مصرى وعلى بنزينة شيل و 30جم وهما عندهم الجهاز ومادة التنظيف وريح دماغك من البهدلة ولما تشوف الصدا نازل من العربية هتعرف انى على حق
يا شباب انا بقول عايز انظفها بنفسى ...ولا بنزينه ولا حاجه واللى نضفه بنفسه يفيدنى
ياريت الناس تشوف انا كاتب فى بلد الاقامة ايه علشان تعرفوا انا بتكلم كده ليه ...مهو غصب عنى بردوا بطلب المساعدة فى الاعتماد على النفس ..لان اللى هنا عندنا افنديه مش صنايعيه ولاموأخذه كلهم هواه
انا استخدمت .. مادة لتنظيف الدرياتيير .. مع ان الردياتير عندى نظيف .. بس كوقاية .. وعربيتى عاملة حوالى 40 الف كيلو
جبت المادة تبع ليكوى مولى .. مش فاكر كانت على ما اتذكر فى حدود 17 جنيه او 20 جنيه
بتحطها مع الميه القديمة اللى فى الردياتير .. وبتسبها .. حوالى نص ساعة .. وبعد كدا تبطل وتفضى الميه بتاعت الردياتير ويتغسل .. وتحط المياه الخضرا الجديدة
ولو عربيتك معدية ال80 الف كيلو .. اعمله .. عشان ينظف الردياتير
وكمان لو العربية عندك عدت ال80 الف .. هات غطاء ردياتير جديد بالمرة .. وركبه
دى نصحتى ليك وتجربتى مع الردياتير فى تنظيفه
غطاء جديد ؟؟؟؟
نصيحتي ليك
1- غطاء ردياتير جديد عشان ده بيحافظ عل ضغط الميه داخل دورة المياه و لو قل الميه تسخن بسرعه و لو زاد غلط على دورة الميه و دي بيكون فيه سوسته بتضعف مع الوقت
http://www.globalfreeenergy.info/wp-...ap-diagram.gif
2- ترموستات كوعه الميه و دي حته في دورة الميه خاصة بتنظيم دوران الميه ما بين الردياتير و الموتور طبقا لدرجه الحراره و دي بتثبت درجة الحراره و عطلها بيبوظ وش السلندر و الجوان لا قدر الله و الترموستات ده عباره عن سوسته و بتتحرك لفتح باب و مع الاستعمال ممكن يعلق و انت ماشي فغيره و يستحسن في التوكيل و انصحك بالسبع
http://ww2.justanswer.com/uploads/fi...mostat_loc.jpg
http://i2.photobucket.com/albums/y10...ermostat11.jpg
3- طبيعي لما تغير دول هاتغير الميه
تحياتي ليك
فعلا معاك حق يا احمد الترموستات بتاعت الحرارة هام تغيرها .. مفروض مستناش انها لما تبوظ اغيرها
ممكن الواحد يغيرها مع غطاء الردياتير على 80 الف مع عمل صيانة لمياه التبريد
لان المفروض كل 40 الف كيلو تتعمل فى العربية
==
انا فعلت الموضوع لان زى ما قولت للاعضاء وحفضل اقول الفهرس اللى معمول فى الموضوعات المثبتة هام جدا وفيه معلومات قيمة .. بس اللى يقرا ويتابع ويحتفظ ويعمل لنفسه مفضلة بالمعلومات المهمة
تحياتى
ماشاء الله يا استاذ احمد معلومات قيمة
بس الترموستات الى بتحافظ على حرارة الماتور انا شايلها من سنة ومفيش تاثير بالعكس انا حاسس ان حرارة العربيه بقت افضل من يوم ماشلتها انا معاي نيسان صنى 2008 اتوماتيك وفعلا لما فاكتها لاقيت السوسته بتاعتها بايظة تقريبا . بس الى يلغيها يا ريت يسخن العربيه شويه فى الشتاء عشان هيا وظيفتها انها تحافظ على حرارة الماتور فى الاجواء الباردة يعنى بتقلل وقت تسخين السيارة "بتفصل دورة التبريد لحين وصول السيارة لدرجة مناسبة"