تحذير : لملاك التويوتا يارس (بخصوص الفرامل ) ؟

اعزائي التويوتاوية المخلصين

كتير من الناس مبيشتكوش من فرامل اليارس نهائي ولا بيسمعو ... فيها حتى صوت صفارة ... وده بسبب جودة الخامات المستخدمة في تيل الفرامل ، زائد لعبة بيعملها التوكيل أنو بيغيرلك زيت الفرامل باستمرار في الصيانات الدورية ... فبالتالي مع الوقت بتلاقي التيل حجر وبقى زي الحجر فبالتالي ... تفضل ماشي ماشي ماشي بيها ولا انتش داري ... ووقت ما تحن على العربية وتقول هغير تيل الفرامل ... يقلك تيل الفرامل ب 450 جنية ولازم تغير طنابير أمامي ب 1500 جنية وزغرطي يا أمو أحمد .

http://3.bp.blogspot.com/_isL6FNeGE7..._1442345_n.jpg

طيب يا ولاد التيت يابتوع التوكيل
ما انا كنت بجبهلكم بأنتظام كل صيانة
مقلتوليش ليه ان التيل محجر وانا ماشي عليها 80.000 كيلو
مستنين لمن ابوظ الطنابير بالمرة .

النقطة التانية في العربيات الي قبل كده كنت باخود الطنابير عند الخراط يرجعهالي مراية ب30 جنية ... ليه دلوقتي بتقولولي غير وادفع 1500 جنيه كانكو بتقولولي ده ب 1500 قرش ما تودوها عند اي خراط بره ... قالولي لا مينفعش

ملاحظة : مشكلة الطنابير مبتبنش غير وانا ماشي على 120 بتيجي تدوس فرامل تلاقي الدواسة ترعش كده

ونفس الموقف اتكرر معاية مع عبداللطيف جميل في السريون بتاعتي

الموقف دة لسة حاصل معايا من اسبوعين بالظبط وانا فصيانة 80 و غير التيل و الطنابير 2000 تاريباز
انت عار ف انا نزلت شارع دمشق الاسبوع اللى فات لايت الاتنين على بعض هناك تيوانى ب 700 و كذا واحد شكرى فيهمز
بجد منهم لله على الفلوس اللى بيدفعوهلنا دى

اولا شكر لحضرتك جدا علي الموضوع

ملاحظة : مشكلة الطنابير مبتبنش غير وانا ماشي على 120 بتيجي تدوس فرامل تلاقي الدواسة ترعش كده

الجملة دي عندي في الكورولا اول ما ابدا اعدي ال 80 اجاي ادوش فرامل حتي لو بهدي احس ان الدواسة تحت رجلي بتترعش جامد ياتري ده تيل ولا طنابير ؟
تحياتي اخي الكريم

اقتباس:

---

المشاركة الأصلية كتبت بواسطة mhabib86

الموقف دة لسة حاصل معايا من اسبوعين بالظبط وانا فصيانة 80 و غير التيل و الطنابير 2000 تاريباز
انت عار ف انا نزلت شارع دمشق الاسبوع اللى فات لايت الاتنين على بعض هناك تيوانى ب 700 و كذا واحد شكرى فيهمز
بجد منهم لله على الفلوس اللى بيدفعوهلنا دى

---

توكيل تويوتا بقه جشع جداً وفاكر ان الناس مدكنة فلوسها ... حتا انا المره الي فاتت طلعلي مهندس كده شب مسيكتوو وبستفتوو قلتلوو انتو خدتو مني 1600 جنية صيانة ورميتولي العربية وجرحتوهالي في الغسيل ... العربية كانت بتلمع وطلعه كلها خربيش ودواير ... وحتى مش مديني تقرير عن حالتها الصحية ... وايه الي المفروض يتغير فيها ... ولاد لزينة ...

بس المهم دلوقتي ياباشا ... أنتا ركبت الطنابير الاصلية اكيد ... انا عاوزك تركب مره مع الي شكرلك في الطنابير التيواني ... وتشوف اخبار الفرامل والدريكسيون معاه ايه ليها تاثير ولا هيا مجرد طنبورة مش هتفرق يباني او تيواني ... علشان هتلاقي ناس كتير محتاجة طنابيررر وتستفيد من الموضوع ده .

الكلام ده قايله ل ahmod من مده مش صغيره وقولته لناس هنا في المنتدى وتقالي دي ياباني والتيل بيعيش مش زي الأوروبي بتغيروه كل 20 الف

اقتباس:

---

المشاركة الأصلية كتبت بواسطة ahmed1006

اولا شكر لحضرتك جدا علي الموضوع

ملاحظة : مشكلة الطنابير مبتبنش غير وانا ماشي على 120 بتيجي تدوس فرامل تلاقي الدواسة ترعش كده

الجملة دي عندي في الكورولا اول ما ابدا اعدي ال 80 اجاي ادوش فرامل حتي لو بهدي احس ان الدواسة تحت رجلي بتترعش جامد ياتري ده تيل ولا طنابير ؟
تحياتي اخي الكريم

---

بص يابوحميد عندك ثلاث حلات :

1- أذا سامع صوت صفارة ده عيب تيل فرامل ... شرط ان تكون الصفارة على طول على طول مش لمن تسخن العربية في وسط الزحمة لأن ممكن كمان تكون شوية وساخة ومش محتاجة اكتر من تنضيف .

2- الحالة التانية ... لو ماشي بسرعة والدريكسيون بيرعش ده ياسيدي بيبقى عيب ترصيص ... ولازم على الاقل كل شهرين تلاته أو حتى كل شهر تشيك على ترصيصك وتكلفتو 10 أو 20 جنيه على حسب الرصاص .

3- أذا العربية فوق ال 80 او 100 بتوس على فرامل في رعشة في دواسة الفرامل يبقى عيب طنابير دايركت بس زمان على ايمنا كنا بناخود الطنابير عن الخراط بيزبطها معرش العربيات الحديثة دي أيه حكايتها ....

ومشكلة العربية ان حتى وفراملها محجرة بتفرمل زي الفل وبتخدعك ... وبسبب أهمال تغير التيل حتى لو كان زي الفل ، بيخربلك الطنابير .. والي نبهني على الموضوع ده الباش مهندس أكسيل منسق قسم فيت والناس ياعيني بسبب ضغوط الحياة بتنسى تغير تيل الفرامل ... مما يخلي الموضوع يفتح معاهم لغيات 2000 جنية .


4- لو العربية بتحدف بروح تعملها عن اي واحد بتاع ضبط زوايا ...

لكن كمان علشام ميخشوش اعضاء الاقسام التانية ويشمتوو فينا العربية زي الفل بسم الله مشاء الله والله أكبر ... من فترة لقيت عربية يارس وصاحبها محملها شكاير أسمنت وجبس وموون بويات وخلافو ... أكتشفت بعد كده انو مقاول وفاكرها نص نقل مش عربية يارس كتكوته ... ومن يومين لقيت واحد مركب حتت دين جنط عليها انما ايه فاجر ... قمت وقفتوو بقلوو لوسمحت الجنوط الحلوة دي جبتها منين بسم الله مشاء الله ... المهم قالي واللهي ما أعرف انا شاريها مستعمله وخدت رقمو لأنو طلع سباك قلت أهو ينفعني لو في حاجة عندي باظت وماليها عدة ومواسير وشغلانة ولو القرار بأيدي أمنع السباكين والمقاولين والنجارين أنهم يشتروها خالص .. بس هما شارينها علشان عربية حمالة أسية وأصيلة وبنت حلال تستحمل ... وتحياتي

اقتباس:

---

المشاركة الأصلية كتبت بواسطة yoko

الكلام ده قايله ل ahmod من مده مش صغيره وقولته لناس هنا في المنتدى وتقالي دي ياباني والتيل بيعيش مش زي الأوروبي بتغيروه كل 20 الف

---

حبيب قلبي لسه كنت بجيب في سيرتك دلوقتي انتا الي نبهتني للموضوع ده مش أستاذ أكسيل معليش ... بعد أخر مره دردشنا فيها رحت أكشف طلعلي موضوع الطنابير ... بس لو كنت نبهتني من الاول مكنتش هتعك دلوقتي في 2000 جنية ... وجزاك الله كل خير ياباشا .

العفوا على إيه وأسعار الحاجة في التوكيل كام (تيل وطنابير) وبره كام عشان بحسب حاجة كده

توكيل تيوتا لالاسف بقى زى كل التوكيلات سرقة وخلاص انا عامل صيانة 20000 ب1170 جنية والبيه نسى يحت مسند الكبوت فى المكان بتاعه ولقيت صوت بيطلع فى المرشدير ورحت تانى التوكيل قالى معلش احنا اسفين وغسل العربية وربط عفشة .ارجو من التوكيل اعادة النظر فى كل شىء والا الواحد حيتجة ليلصنايعية ماهو كده كل محصل بعضه

يعني كده الواحد ميغيرش زيت الفرامل ولا اييه ؟؟

اقتباس:

---

المشاركة الأصلية كتبت بواسطة ahmazong

يعني كده الواحد ميغيرش زيت الفرامل ولا اييه ؟؟

---

المشكله مش مشكله زيت وزيت الباكم لازم يتغير كل 60 الف او سنتين غلط يقعد أكتر من كده

المشكله إن خامة التيل من السخونيه بيبتدي يبوظ ويحجر ولما بيحصل كده بيبتدي ياكل في الطنبورة بدل ما يتاكل هو فإنت تبص على سمك التيل تلاقيه لسه فيه لكن الطنبوره بتدمر وإنت مش حاسس
وده سبب من الأسباب إني بجيب تيل سبور عشان يستحمل السخونيه من غير ما يحجر

اقتباس:

---

المشاركة الأصلية كتبت بواسطة ahmazong

يعني كده الواحد ميغيرش زيت الفرامل ولا اييه ؟؟

---

لا متغيرش زيت فرامل نهائي غير لمن تغير تيل الفرااملة. انا فاكر اني قريت الموضوع ده تقريبا. في الكتلوج بتاع العربية بس مش فاكر صفحة رقم كام بس ممكن تزودو لو كان ناقص

بالنسبة للاسعار التيل الاصلي ٤٥٠ جنية. و١٥٠٠ جنية طنابير بمصناعيتهم بحالهم. بس ممكن ياخدو كمان ٥٠ جنية مصاريف ادارية وكدة فتخش في ٢٠٠٠ جنية بدون اي مبرر غير مهندس الصيانة اتخرس ومبيفتحش بقو وينبهك حتى يا اخي شيء لله. علشان خاطر ربنا دحنا ولاد بلد زي بعضنا وعايشين في طحونا وحده ولا هو ضروري ننفع توكيل الفطيم الي على ما اظن سعودي الجنسية.

اقتباس:

---

المشاركة الأصلية كتبت بواسطة yoko

المشكله مش مشكله زيت وزيت الباكم لازم يتغير كل 60 الف او سنتين غلط يقعد أكتر من كده

المشكله إن خامة التيل من السخونيه بيبتدي يبوظ ويحجر ولما بيحصل كده بيبتدي ياكل في الطنبورة بدل ما يتاكل هو فإنت تبص على سمك التيل تلاقيه لسه فيه لكن الطنبوره بتدمر وإنت مش حاسس
وده سبب من الأسباب إني بجيب تيل سبور عشان يستحمل السخونيه من غير ما يحجر

---

بس يا ياكو باشا انا المشكلة مبيع جبنيش في تيل الايطالي او الفرنساوي حتت لمن تحط عليه خرطوم مية تلاقية باش ونزل لون اسود اعتقد انو الفحم بتاع التيل طيب بالنسبة للتيل الاسبور الي انتا جايبو اخبارو ايه معاك. يعني بيقعد قد ايه وتمنو قد. ايه. هو الطبيعي تيل الفرامل لليارس اذا اتوماتيك بيقعد ٤٠.٠٠٠ الف كيلو وشوية كمان ولو منيول يعني ٥٠. او ٦٠ الف بالكتير ويتغير على طول

اقتباس:

---

المشاركة الأصلية كتبت بواسطة me_medoo

بس يا ياكو باشا انا المشكلة مبيع جبنيش في تيل الايطالي او الفرنساوي حتت لمن تحط عليه خرطوم مية تلاقية باش ونزل لون اسود اعتقد انو الفحم بتاع التيل طيب بالنسبة للتيل الاسبور الي انتا جايبو اخبارو ايه معاك. يعني بيقعد قد ايه وتمنو قد. ايه. هو الطبيعي تيل الفرامل لليارس اذا اتوماتيك بيقعد ٤٠.٠٠٠ الف كيلو وشوية كمان ولو منيول يعني ٥٠. او ٦٠ الف بالكتير ويتغير على طول

---

أنا سواقتي كلمة سافله قليله عليها
فتيل التوكيل كنت بغيره بالكتير كل 12 الف وديسكات الفرامل مكنتش بتعمر أكتر من تيلين
السبور قعد اكتر من 17 الف والطنبوره قل سمكها 0.3 مم الطنبوره بتاعت التوكيل كانت بتقل 1مم كامل
تمنه بيفرق من عربيه لعربيه
ولا طبعا بتفرق تيل إيكالي من ياباني من فرنساوي لإن بتفرق الخامه وبيتحمل حراره قد إيه وسبب التحجير ده إن خامة التيل أي كلام ومبيستحملش حرارة
يعني الشركة الي انا جايب التيول منها عندها العادي (أحسن من بتاع التوكيل) بيستحمل لحد 300 درجة
الجرين بيستحمل لحد 650
الرد بيستحمل لحد 850
اليالو لحد 1000
وفيه حاجات أكتر والدرجات دي درجة الحرارة قبل ما يحجر التيل

لسه سال على تيل الفرامل عند تويوتا اجيبت فرع شارع مراد

ب 380 جنيه

قالي مش موجود وتعالى كمان يومين

ان شاء الله خلال يومين تلاتة هروح اجيبه

وانا لما كشفت على التيل عند ميكانيكي مالقتهوش ناقص كتير وقالي لسه يمشيك كمان بس انا هغيره للاحتياط ولان الفرامل اصلا عندي ضعيفة

واسعارهم اخبارها ايه ياباشا ومنين وبكام واسمهم ايه ًًًً اغثنا بالمعلومات جزاك الله خيرا. اما بالنسبة لسواقتي انا ههههههه زي ماتقول عندي شعرة ساعة تروح وساعة تيجي مره عاقل ومرة مجنون ههههههه. اعمل ناس بتنرفزني بالذات لو وحدة الي سايقة قدامي ولا واحد بيسوق قدامي ومساكلي الدريكسيون بايديه الاتنين ومتبت فيه وماشي تاته تاته ده بيطلعني من شعوري ومن هدومي وابتدي اشد واتجنن هههههه

اقتباس:

---

المشاركة الأصلية كتبت بواسطة Ahmod

لسه سال على تيل الفرامل عند تويوتا اجيبت فرع شارع مراد

ب 380 جنيه

قالي مش موجود وتعالى كمان يومين

ان شاء الله خلال يومين تلاتة هروح اجيبه

وانا لما كشفت على التيل عند ميكانيكي مالقتهوش ناقص كتير وقالي لسه يمشيك كمان بس انا هغيره للاحتياط ولان الفرامل اصلا عندي ضعيفة

---

صورلي التيل قبل ما تركبه

اقتباس:

---

المشاركة الأصلية كتبت بواسطة me_medoo

واسعارهم اخبارها ايه ياباشا ومنين وبكام واسمهم ايه ًًًً اغثنا بالمعلومات جزاك الله خيرا. اما بالنسبة لسواقتي انا ههههههه زي ماتقول عندي شعرة ساعة تروح وساعة تيجي مره عاقل ومرة مجنون ههههههه. اعمل ناس بتنرفزني بالذات لو وحدة الي سايقة قدامي ولا واحد بيسوق قدامي ومساكلي الدريكسيون بايديه الاتنين ومتبت فيه وماشي تاته تاته ده بيطلعني من شعوري ومن هدومي وابتدي اشد واتجنن هههههه

---

التيل ebc بس الفكره إنتوا تيلكم انهي واحد من بتوع الياريس
http://www.ebcbrakesdirect.com/image...ads/DP1817.jpg
ولا
http://www.ebcbrakesdirect.com/image...ads/DP1295.jpg
ولا
http://www.ebcbrakesdirect.com/image...ads/DP1446.jpg
ولا
http://www.ebcbrakesdirect.com/image...ads/DP1972.jpg
ولا
http://www.ebcbrakesdirect.com/image...ads/DP1225.jpg

كل دول بينزلوا في الياريس ال1300 وكل واحد بسعر

اقتباس:

---

يانهر ازرق كل دي انواع التيل هحاول اشوف وادور على التيل القديم واصورو

---

شكرا جدااااااااااااا على التنبيه .... لو الكلام ده طلع صح يبقى انا واخد مقلب في الفرامل ... و قال ايه نافخ نفسي و اي حد يكلمني اقوله التيل على 80000 ياباااااااا انت بتتكلم معايا ازاي ...... هههههههههههههههههههه

اقتباس:

---

المشاركة الأصلية كتبت بواسطة yoko

المشكله مش مشكله زيت وزيت الباكم لازم يتغير كل 60 الف او سنتين غلط يقعد أكتر من كده

المشكله إن خامة التيل من السخونيه بيبتدي يبوظ ويحجر ولما بيحصل كده بيبتدي ياكل في الطنبورة بدل ما يتاكل هو فإنت تبص على سمك التيل تلاقيه لسه فيه لكن الطنبوره بتدمر وإنت مش حاسس
وده سبب من الأسباب إني بجيب تيل سبور عشان يستحمل السخونيه من غير ما يحجر

---

معلش يا باشا هل فيه اعراض لموضوع اكل الطنابير و تحجر التيل او حتى بيبان لما اجى اكشف عليه بالنظر اعرف ان التيل محجر و نقطة كمان الله يكرمك هو زيت الفرامل بيتغير ازاى يعن بيتشفط و لا بيفك حاجة يعنى من فترة لقيت دواسة الدبرياج و الفرامل مش مزبوطة بصيت ع الزيت لقيته ناقص زودته موبيل دا معناه ايه

اقتباس:

---

المشاركة الأصلية كتبت بواسطة Habd

معلش يا باشا هل فيه اعراض لموضوع اكل الطنابير و تحجر التيل او حتى بيبان لما اجى اكشف عليه بالنظر اعرف ان التيل محجر و نقطة كمان الله يكرمك هو زيت الفرامل بيتغير ازاى يعن بيتشفط و لا بيفك حاجة يعنى من فترة لقيت دواسة الدبرياج و الفرامل مش مزبوطة بصيت ع الزيت لقيته ناقص زودته موبيل دا معناه ايه

---

التيل محجر بيبان في معدل التأكل (لو إنت تكنيكال هتاخد بالك)
أو تفك التيل تبص عليه لو لقيت التيل بيلمع زي المرايا يبقى التيل ده يترمي في الزباله وبلاش صنفرة لإن كده كده بعد الصنفره بعد أول دوسه هيرجع يبوظ تاني لإنه سخن لحد ما باظ كله من أول مره
الدسك التاكل لازم يتقاس بميكروميتر (ملهاش حل تاني)
أو فيه حل لكن مش دقيق والعربيه بارده تشوف مقاس الشفة الي في الطنبورة ودي عاوز سنس عالي قوي
الزيت بينقص لإن التيل بيتاكل او الطنبوره بتتاكل والزيت بيعوض ده (طول منزلش عن المينمام مفيش قلق)
الزيت بيتغير إزاي فيه طريقتين طريقة كتير من المصريين ودي غلط جدا
تفتح علبه الباكم تسحب الي فيها بسرنجه وتحط الجديد (وده بيسيب الرواسب الي في الدورة زي ما هو) لإن السرنجة ضيقة مش بتسحب غير الزيت وتسيب الوساخة وعشان الزيت الي في الخراطيم لسه موجود

الحل التاني
طبعا مش لازم الtools الي بيستخدموها دي إحنا في مصر :untitled:
Changing Brake Fluid Video - Advance Auto Parts - YouTube

وهتلاقي فيديوهات كتير على اليوتيوب وإن شاء الله كمان 5 الاف كم هغير الزيت عندي بنفسي هصور الموضوع وأحطه بالشرح

كامل الاحترام للرد السريع الوافى :)

اقتباس:

---

المشاركة الأصلية كتبت بواسطة habd

كامل الاحترام للرد السريع الوافى :)

---

على إيه ولو فيه أي إستفسار انا تحت أمرك

طب انا الزيت عندي مانزلش عن ال min

بس في نفس الوقت اقل من ال Max !

كدة يبقى الطنابير عندي تمام ؟ ومحتاج بس اغير التيل ؟

على حسب معلوماتي عادي بس المهم انتا ماشي على تيل الفرامل كام ألف كيلو ... هو ده المهم .

اقتباس:

---

المشاركة الأصلية كتبت بواسطة ahmod

طب انا الزيت عندي مانزلش عن ال min

بس في نفس الوقت اقل من ال max !

كدة يبقى الطنابير عندي تمام ؟ ومحتاج بس اغير التيل ؟

---

هتقيس الطنبوره بميكروميتر وتقارن قياسها بمقاسها جديده لز نزلت عن 2 مم يبقى لازم تتغير
والزيت مش شرط على إن التيل سليم ممكن الزيت يقل بس عشان الطنبوره هي الي إتكلت

الا صحيح يا يوكي باشا ... هو الميكرومتر ده نلاقيه فين ... وبعدين انا كنت فاكر ايام البيجو ال 505 وايام الكروسيدة واياك الكابريس وايام الكرولة 92 ... كنت كل ما اغير التيل ... اخود الطنابير عند الخراط علشان يرجعهمولي مراية .... ليه دلوقتي العربيات الجديدة شيل وارمي على طول ...هل خمات الطنابير اختلفت عن ايام زمان وطنابير الايام دي فافي متستحملش أيد الخرطين الطفشة والي زي المرزبة ؟ ... وتحياتي .

اقتباس:

---

المشاركة الأصلية كتبت بواسطة me_medoo

الا صحيح يا يوكي باشا ... هو الميكرومتر ده نلاقيه فين ... وبعدين انا كنت فاكر ايام البيجو ال 505 وايام الكروسيدة واياك الكابريس وايام الكرولة 92 ... كنت كل ما اغير التيل ... اخود الطنابير عند الخراط علشان يرجعهمولي مراية .... ليه دلوقتي العربيات الجديدة شيل وارمي على طول ...هل خمات الطنابير اختلفت عن ايام زمان وطنابير الايام دي فافي متستحملش أيد الخرطين الطفشة والي زي المرزبة ؟ ... وتحياتي .

---

الميكروميتر منين معرفش بس أكيد هتلاقيها في وسط البلد عن بتوع العدد
أما الطنابير ليه متتخرطش ليها كذا سبب (وهي تتخرط بس بحدود)
أولا أي عربيه ليها max و min في سمك الطنبوره لو قلت الطنبورة عن الحد ده هيحصل المشاكل الجايه
1) الطنبوره المعدن الي فيها أقل من الطبيعي فمش هتستحمل الإجهاد الحراري وهتريج كل شويه
2) الطنبورة لو قلت عن المقاس الطبيعي والتيل قرب يخلص التيل هيلق وممكن المستر ميقدرش يخلي الفرامل تمسك وكده تبقى مع اسلامة
3) هتبرجل الabs
ويبقى من الكلام ده لو الطنبوره بعد المس (خرط بسيط) لسه سمكها بين الmax وال min يبقى مفيهاش مشاكل
السمك ده بيفرق من عربيه لعربيه ومن طنبوره لطنبوره لكن المتوسط 2 مم بين الماكس والمينمم في الديسكات المهواه
و1 مم في الدسكات المصمطة

دي طنابير الياريس أخر رقم على اليمين ده الماكس والمينمم بتاع الديسكات
http://img690.imageshack.us/img690/5301/11414410.png

ايه ياباشا الحلاوة دي. بسم الله مشاء الله على الخبرة والمعلومات الجميلة دي
ربنا يكرمك يارب يايوكو. معلش انا معرفتش اصور التيل بس احمد اهو عمل موضوع عن تغير التيل بالكامل ياترى في م نو رياضي. معليش لاني مشغول النهارده بدون مقاطعة هروح استلم عربيتي الجديدة هونداي ار بي ههههههه الغريب ان بتوع تويوتا لازم تلاقيهم شارين هونداي. يالله خلينا نشجع كوريا شوية

فيه منه رياضي بس اسعاره عاليه شويتين تلاته للأسف

حبيب قلبي يا يكووو مش تباركلي ياعم مش جبت هونداي RB
لسه مستلمها دلوقتي بس ده ميمنعش اني هخلي اليارس ... لأن اليارس اول حب في حياتي وأخر حب .

http://www.nilemotors.net/Nile/279947-rb.html

اقتباس:

---

المشاركة الأصلية كتبت بواسطة me_medoo

بص يابوحميد عندك ثلاث حلات :

1- أذا سامع صوت صفارة ده عيب تيل فرامل ... شرط ان تكون الصفارة على طول على طول مش لمن تسخن العربية في وسط الزحمة لأن ممكن كمان تكون شوية وساخة ومش محتاجة اكتر من تنضيف .

2- الحالة التانية ... لو ماشي بسرعة والدريكسيون بيرعش ده ياسيدي بيبقى عيب ترصيص ... ولازم على الاقل كل شهرين تلاته أو حتى كل شهر تشيك على ترصيصك وتكلفتو 10 أو 20 جنيه على حسب الرصاص .

3- أذا العربية فوق ال 80 او 100 بتوس على فرامل في رعشة في دواسة الفرامل يبقى عيب طنابير دايركت بس زمان على ايمنا كنا بناخود الطنابير عن الخراط بيزبطها معرش العربيات الحديثة دي أيه حكايتها ....

ومشكلة العربية ان حتى وفراملها محجرة بتفرمل زي الفل وبتخدعك ... وبسبب أهمال تغير التيل حتى لو كان زي الفل ، بيخربلك الطنابير .. والي نبهني على الموضوع ده الباش مهندس أكسيل منسق قسم فيت والناس ياعيني بسبب ضغوط الحياة بتنسى تغير تيل الفرامل ... مما يخلي الموضوع يفتح معاهم لغيات 2000 جنية .


4- لو العربية بتحدف بروح تعملها عن اي واحد بتاع ضبط زوايا ...

لكن كمان علشام ميخشوش اعضاء الاقسام التانية ويشمتوو فينا العربية زي الفل بسم الله مشاء الله والله أكبر ... من فترة لقيت عربية يارس وصاحبها محملها شكاير أسمنت وجبس وموون بويات وخلافو ... أكتشفت بعد كده انو مقاول وفاكرها نص نقل مش عربية يارس كتكوته ... ومن يومين لقيت واحد مركب حتت دين جنط عليها انما ايه فاجر ... قمت وقفتوو بقلوو لوسمحت الجنوط الحلوة دي جبتها منين بسم الله مشاء الله ... المهم قالي واللهي ما أعرف انا شاريها مستعمله وخدت رقمو لأنو طلع سباك قلت أهو ينفعني لو في حاجة عندي باظت وماليها عدة ومواسير وشغلانة ولو القرار بأيدي أمنع السباكين والمقاولين والنجارين أنهم يشتروها خالص .. بس هما شارينها علشان عربية حمالة أسية وأصيلة وبنت حلال تستحمل ... وتحياتي

---

تعليق بسيط قوي بعيدا عن الموضوع

Axel
منسق قسم سوزووووووووووووكي
مش فيات

احمد ربنا ان انا اللي شفت الغلطه دي
ههههههههههههههه
بقية الشعب عندنا متهورين وكنت هتلاقي جيش السوزوكي مكسرلك الاكسنت الجديده والياريس

هههههههههههههههههههه


تحياتي ياباشا

ههههههههههه حبيب قلبي لا انا التبس عليا الامر بين استاذ يوكو منسق قسم فيات مع استاذ اكسيل منسق قسم سوزوكي حبيبنا واللهي كمان المشكلة المنتدي هنا متقدرش تصلح اي خطء مطبعي نهائي. بس واللهي سواء اكان اساذ يوكي او استاذ اكسيل الاتنين. بصراحة جدعان وصاحب صاحبو وبكنلهم كل معزة واللهي رب اخ لم تلده امك. ، يع
ني زي اخواتي وازيادة واللهي
هههههه بس خلي بالك احنا عملين لجان شعبية بره على باب قسم تويوتا يعني مبنتهددش هههههههههه

غسيل السياره بخرطوم ضغط عالى بعد سواقه طويله مباشره = تحجر التيل + تلف الطنابير

تحياتى لكم

طنابير ب 800 تايوانى دة انا كنت جايبها لواحد صاحب اخويا فى الشغل ب 260 تقريبا يلهوى على النصب للاسف الاستغلال اللى مضيع البلد

اقتباس:

---

المشاركة الأصلية كتبت بواسطة Ahmazong

يعني كده الواحد ميغيرش زيت الفرامل ولا اييه ؟؟

---

لازم تغير زيت الفرامل فى التوكيل او خارج التوكيل ده موضوع سهل حد اقصى 30 الف كيلو والا وحدة الabs هتعطل

اقتباس:

---

المشاركة الأصلية كتبت بواسطة zizo50001

طنابير ب 800 تايوانى دة انا كنت جايبها لواحد صاحب اخويا فى الشغل ب 260 تقريبا يلهوى على النصب للاسف الاستغلال اللى مضيع البلد

---

طبعاً التوكيل سرقه فعلاً زى كل العربيات فى قطع الغيار وده لسبب انو بيدى ضمان على قطع الغيار سنه بس مش للدرجه دى يعنى مش 3 اضعاف السعر وعمتاً انا بعمل صيانات الياريس بره التوكيل من بعد ال35 الف كيلو والموضوع مش محتاج لهم

اقتباس:

---

المشاركة الأصلية كتبت بواسطة ahmed_fahmy

لازم تغير زيت الفرامل فى التوكيل او خارج التوكيل ده موضوع سهل حد اقصى 30 الف كيلو والا وحدة الabs هتعطل

---

بس ياباشا أنا عمري ماغيرت زيت فرامل في اي عربية امتلكتها الا كل 100.000 كيلو

اقتباس:

---

المشاركة الأصلية كتبت بواسطة ahmed_fahmy

طبعاً التوكيل سرقه فعلاً زى كل العربيات فى قطع الغيار وده لسبب انو بيدى ضمان على قطع الغيار سنه بس مش للدرجه دى يعنى مش 3 اضعاف السعر وعمتاً انا بعمل صيانات الياريس بره التوكيل من بعد ال35 الف كيلو والموضوع مش محتاج لهم

---

بس على فكرة في التوكيل ياباني ... زيزو بيتكلم عن التيواني .
هل ياترى في فرق بين الياباني والتيواني في الطنابير .

اقتباس:

---

المشاركة الأصلية كتبت بواسطة me_medoo

بس ياباشا أنا عمري ماغيرت زيت فرامل في اي عربية امتلكتها الا كل 100.000 كيلو



بس على فكرة في التوكيل ياباني ... زيزو بيتكلم عن التيواني .
هل ياترى في فرق بين الياباني والتيواني في الطنابير .

---

بص حسب فى طنابير تايوانى ممتازة وبتعيش و فى يابانى مضروب وتعبان وبتباع على اساس انه يابانى للاسف السوق دة سوق وسخ و مفيش ضمير نهائى
فا اية اللى يخلينى اجيب طنابير ب 1500 علشان يابانى و ممكن تطلع مضروب
الصراحة الفرق فى السعر رهيب يعنى تقريبا 1250 انا رئ يبقى التايوانى افضل