الموضوع: امبة التشيك نورت

السلام عليكم ورحمة الله وبركاته

لمبة التشيك نورت عندي في النوبيرا امبارح ومش عارف ايه السبب ....المشكله انها مش منوره على طول ...يعني بتنور ولمدة 10 دقايق مثلا وبعد كده تطفي
العربيه كان معمول فيها شغل جامد الفتره اللي فاتت
1-خراطت كارتيرة الزيت وتغيير كل الفلاتر
2-تغيير اويل سيلات الكامه وده كان بسبب انها خرت الزيت كله والعربية مشيت من غير زيت فتره بسيطه
3-تغيير زيت وفلتر الفتيس (فتيس اوتوماتيك )
والملاحظ بعد التغيير ان الفتيس علق معايا مرتين يعني فضل على النقله التانيه ومرضاش ينقل لحد ماوقفت العربيه ومشيت تاني واتظبط

هل لمبة التشيك ليها علاقه بالفتيس ؟؟؟؟

وعايز نصيحه تانيه في الكاوتش ايه احسن الانواع ؟؟؟ ...
انا روحت اشرفكو الحي السابع وملقتش عنده الكومهو ..وقالي انه بطل يستوردو علشان بقى فيتنامي ...وعنده نوع تركي اسمه starmaxx وقالي هيحسب الفرده ب380 بالترصيص والنيتروجين مقاس (14 65 185 )

وايه رأيكم لو غيرت الزيت وجربت liqui molly هل حد جربه في النوبيرا قبل كده ؟؟ وهل يستحق التغيير ؟؟

معلش انا طولت عليكم بس العربيه قلبت دماغي

المشاركة الأصلية كتبت بواسطة moudy88

السلام عليكم ورحمة الله وبركاته

لمبة التشيك نورت عندي في النوبيرا امبارح ومش عارف ايه السبب ....المشكله انها مش منوره على طول ...يعني بتنور ولمدة 10 دقايق مثلا وبعد كده تطفي

حط العربيه على سكانر ساعتها هتعرف المشكله فين بالظبط بدل ما تلف حوالين نفسك وترحم نفسك من اشتغالات الصنايعيه

العربيه كان معمول فيها شغل جامد الفتره اللي فاتت
1-خراطت كارتيرة الزيت وتغيير كل الفلاتر
2-تغيير اويل سيلات الكامه وده كان بسبب انها خرت الزيت كله والعربية مشيت من غير زيت فتره بسيطه
3-تغيير زيت وفلتر الفتيس (فتيس اوتوماتيك )
والملاحظ بعد التغيير ان الفتيس علق معايا مرتين يعني فضل على النقله التانيه ومرضاش ينقل لحد ماوقفت العربيه ومشيت تاني واتظبط

هل لمبة التشيك ليها علاقه بالفتيس ؟؟؟؟

لو الفتيس عندك كهرباء وده بيبقى فى العربيات الاوروبى يبقى لمبة التشيك ليها علاقه بيه لان بيبقى شغال بحساسات لكن لو الفتيس على واير يبقى ملوش علاقة اكشف على الزيت بتاع الفتيس يمكن يكون زايد او ناقص

وعايز نصيحه تانيه في الكاوتش ايه احسن الانواع ؟؟؟ ...
انا روحت اشرفكو الحي السابع وملقتش عنده الكومهو ..وقالي انه بطل يستوردو علشان بقى فيتنامي ...وعنده نوع تركي اسمه starmaxx وقالي هيحسب الفرده ب380 بالترصيص والنيتروجين مقاس (14 65 185 )

وايه رأيكم لو غيرت الزيت وجربت liqui molly هل حد جربه في النوبيرا قبل كده ؟؟ وهل يستحق التغيير ؟؟

انا جربت الليكوى مولى فى عربيتى تحفه فنيه بجد من اول ما حطيته لقيت صوت الموتور هدى على الاخر والعربيه بقت انعم بكتير جدا وبقت تجمع اسرع حتى والتكييف شغال والكيك دوان اختلف تماما فى الاداء والصوت بقى اهدى وبيقولوا انه بيحسن استهلاك البنزين بس دى لسه مجربتهاش مع العلم انى كنت بستخدم زيت mobil xhp كانت العربيه سيئة جدا صوتها عالى وسحبها ضعيف حاجه كده تخنق

معلش انا طولت عليكم بس العربيه قلبت دماغي