اولاً احب اشكركم على ردودكم ..
ثانيا : ليه هما يرخموا و يقشروا الفاميه و هو مثبوت على الرخصة ؟ مش كدة يعتبر ماشى بيه قانونى
ثالثا : رايكم معملهاش احسن و خلينا فى السليم كدة و خلاص ؟؟
عرض للطباعة
اولاً احب اشكركم على ردودكم ..
ثانيا : ليه هما يرخموا و يقشروا الفاميه و هو مثبوت على الرخصة ؟ مش كدة يعتبر ماشى بيه قانونى
ثالثا : رايكم معملهاش احسن و خلينا فى السليم كدة و خلاص ؟؟
يا باشا انا نفسي في حاجه كده اصلا
لو مكانك هعملها من غير تفكير
هما هيرخموا علشان سببين....اولا علشان الضابط بيبقى عارف ان العربيه دى نازله فابريكه مش فاميه وبيبقى متأكد انك دافع علشان تثبته على الرخصه يعنى من الاخر اثبته بطريقه غير قانونيه لأن مفيش اثبات ان العربيه اصلها كدا
ثانيا علشان الضباط ديما مقتنعين ان نسبه كبيره من اللى بيركبوا فيميه بيبقوا مركبينه علشان يعملوا حاجه غلط جوا العربيه...سواء بقى سكر او تعاطى او...او...او
انا مش هقولك ابعد عن الشر وغنيله والكلام ده بس بجد بجد انا مقتنع ان انت بالفيميه ده بتضر شوارع بلدك وبتضر نفسك وبتضر اى حد محترم ممكن يكون راكب جنبك خصوصا لو بنت
انا عربيتى فيها ستاير خلفيه وجانبيه اصليه نازله مع العربيه ومتثبته على الرخصه وعمرى ماستخدمتها من يوم ماجبتها
صدقنى ملهاش اى لازمه ومتقنعش نفسك بالكلام اللى بيقول علشان الخصوصيه والشمس فى الصيف والكلام ده....اللى يبص يبص طلما مش بتعمل حاجه غلط واللى الشمس حرقاه يبقى يشغل التكييف
تحياتى
تمام يا رجالة كلامكم مقنع كله
بس معلش اخر سؤال انا عارف انى تقلت عليكم ... انا كل ما اشوف عربية سيراتو بلاقيها مكتوبة على الرخصة فاميه طب اشمعنى فى عربيتى ما اتعملتش ؟؟ هل كدة كل الناس ديه دافعة عشان يثبتوه ؟!!
هو ده يا جماعة السبب اللى مضايقنى انها متعملتش عندى
و احب اشكركم جميعاً على ردودكم ....
انا اصلا كنت لسه عايز اسئلك السؤال ده...انت عربيتك كيا سيراتو كوبيه يعنى المفروض انها فيميه اصلى طب ازاى مش مثبت على الرخصه؟ حاول ترجع للمكان اللى اشتريت منه العربيه وتشوف صوره الافراج الجمركى لو مثبت فيه الفيميه يبقى عليك وعلى المرور وتطالب بحقك....هو انت اللى رخصت ولا المعرض بعت معاك حد يرخصلك؟
الاخ الكريم:
السؤال الاول هتدفع كام لان الكلام دا فيه حاجة مش مظبوطة.ولو هيتكتب على الرخصة كمبيوتر مفيش مشكلة.انما المشكلة لو ما اتكتبش فى ورق الملف نفسة لان اللى هيعملها لازم يكتبها فى ملف العربية الاصلى كمان عشان لو اتغير اللى هيخدمك هتلبس قضية تزوير محترمة اووووووى و اكيد انتا فى غنى عن المشاكل..بالنسبة للفامية الفابريكة بيكون ليه ورقة من ضمن ورق العربية الاصلى لانى جربت الموضوع دا و الناس خافت فى المرور.بالنسبة لو مكتوب كمبيوتر و مثبوت على الرخصة و دخلت اى لجنة مش هيحاول انه يغلس عليك او يقشرهولك لانه هيخالف اللائحة و فى اسود المواقف لو دخل على المرور من الكمبيوتر بتاع الداخلية هيلاقى انه مثبوت الفامية فى حالة الرخصة و الملف مع بعض.
بصراحة اللى قالى تعالا مرضيش يقولى هياخد كام و مش عارف كمان هيعمل حاجة فى الملف ولا لأ هو قالى انا مظبط مع بتاع الكمبيوتر هيعملك الرخصة على طول و خلاص ... طب كدة لو اتعملت كمبيوتر يعنى كدة اتكتبت فى ملف العربية ولا ايه بالظبط ...؟؟؟
لا مش مثبوت و الازاز بتاعها ابيض مفهوش فاميه خالص و الورق بتاعها عادى مفهوش فاميه .. مهو ده اللى مجننى وواحد اللى جه معايا من المعرض رخصها معايا و خلص كل حاجة .... بس فيه ناس قالولى الكلام ده بعد ما خلاص رخصت قالولى مروحتش ليه للمهندس بتاع الفحص و شربتو شاى كان ظبط الحاجة كلها ... طب كدة كان هيكتب فى الورق انها فاميه ولا برضو هيكتبها على الكمبيوتر !!
بالنسبة للسيراتو صاحب المعرض بيخيرك انه يركب زجاج فامية و يزود سعرها 1000 جنيه و الكلام دا بيتعمل فى جمرك السويس يعنى العربية بتيجى جاهزة بالافراج بتاعها فامية..و ممكن لو عاوز تركب زجاج فامية اصلى انزل لمصنع د.جريش العاشر من رمضان و بالنسبة اللى انتا عاوزها العربية كلها من سنتين كانت بتتكلف 1000 جنيه مش عارف حاليا تتكلف كام لكن على الاقل فامية اصلى مش تركيب و تشوف اللى هيسبتهالك على الرخصة بس الاهم انه يثبتها فى ملف العربية الاصلى كمان عشان فى تجديد الترخيص مايبقاش تزويييييييييييييييييييييي ير.