الموضوع: سؤال بخصوص الزجاج الملون .....

يا باشا انا نفسي في حاجه كده اصلا
لو مكانك هعملها من غير تفكير

تمام يا رجالة كلامكم مقنع كله

بس معلش اخر سؤال انا عارف انى تقلت عليكم ... انا كل ما اشوف عربية سيراتو بلاقيها مكتوبة على الرخصة فاميه طب اشمعنى فى عربيتى ما اتعملتش ؟؟ هل كدة كل الناس ديه دافعة عشان يثبتوه ؟!!

هو ده يا جماعة السبب اللى مضايقنى انها متعملتش عندى

و احب اشكركم جميعاً على ردودكم ....

المشاركة الأصلية كتبت بواسطة calvinklein

الاخ الكريم:
السؤال الاول هتدفع كام لان الكلام دا فيه حاجة مش مظبوطة.ولو هيتكتب على الرخصة كمبيوتر مفيش مشكلة.انما المشكلة لو ما اتكتبش فى ورق الملف نفسة لان اللى هيعملها لازم يكتبها فى ملف العربية الاصلى كمان عشان لو اتغير اللى هيخدمك هتلبس قضية تزوير محترمة اووووووى و اكيد انتا فى غنى عن المشاكل..بالنسبة للفامية الفابريكة بيكون ليه ورقة من ضمن ورق العربية الاصلى لانى جربت الموضوع دا و الناس خافت فى المرور.بالنسبة لو مكتوب كمبيوتر و مثبوت على الرخصة و دخلت اى لجنة مش هيحاول انه يغلس عليك او يقشرهولك لانه هيخالف اللائحة و فى اسود المواقف لو دخل على المرور من الكمبيوتر بتاع الداخلية هيلاقى انه مثبوت الفامية فى حالة الرخصة و الملف مع بعض.

بصراحة اللى قالى تعالا مرضيش يقولى هياخد كام و مش عارف كمان هيعمل حاجة فى الملف ولا لأ هو قالى انا مظبط مع بتاع الكمبيوتر هيعملك الرخصة على طول و خلاص ... طب كدة لو اتعملت كمبيوتر يعنى كدة اتكتبت فى ملف العربية ولا ايه بالظبط ...؟؟؟

المشاركة الأصلية كتبت بواسطة gmakram

انا اصلا كنت لسه عايز اسئلك السؤال ده...انت عربيتك كيا سيراتو كوبيه يعنى المفروض انها فيميه اصلى طب ازاى مش مثبت على الرخصه؟ حاول ترجع للمكان اللى اشتريت منه العربيه وتشوف صوره الافراج الجمركى لو مثبت فيه الفيميه يبقى عليك وعلى المرور وتطالب بحقك....هو انت اللى رخصت ولا المعرض بعت معاك حد يرخصلك؟

لا مش مثبوت و الازاز بتاعها ابيض مفهوش فاميه خالص و الورق بتاعها عادى مفهوش فاميه .. مهو ده اللى مجننى وواحد اللى جه معايا من المعرض رخصها معايا و خلص كل حاجة .... بس فيه ناس قالولى الكلام ده بعد ما خلاص رخصت قالولى مروحتش ليه للمهندس بتاع الفحص و شربتو شاى كان ظبط الحاجة كلها ... طب كدة كان هيكتب فى الورق انها فاميه ولا برضو هيكتبها على الكمبيوتر !!