بطارية العربية 70 امبير

**أبو_حمزة** · 19-06-2007 12:32 PM

Varta ممتازة
هاتها من عند غطاطى فى شارع فيصل
أنا مجربه. سعره كويس و أصلى
و كمان وكيل و الضمان من عنده و لو حصل اها حاجة بيغيرها بجديد
اعتقد ان ال70 احسن و لا اظن انها تسبب اى مشكلة
الفرق بس انها تاخد وقت فى الشحن اكتر من 55

**شريف** · 21-06-2007 11:59 AM

انا غيرت البطارية بفارتا 70 سائلة بس لما جاء يقيس الشحن طلع 14 او 14.1 و لما زود كان 14.4 امبير
دة طبعا كتير هى مفروض تبقى 12 و 13.5 ودة كان القياس على البطارية القديمة ال55 امبير من كام يوم
مش عارف كدة فى حاجة غلط لان الكتاوت الدينامو عندى جديدة من كام شهر و مظبوطة ؟

**أبو_حمزة** · 24-06-2007 10:08 AM

انت تقصد فولت مش امبير
تغيير البطارية عمره ما يكون سبب ان فولت الشحن يعلى او يوطا
لأن المسؤل عن ده هوا الدينامو
على فكره ارتفاع خرج الدينامو غلط جدا على البطاريه و يقصر عمرها
اكشف على الدينامو عند كهربائى كويس

**Driver** · 25-06-2007 09:46 AM

طلع 14 او 14.1 و لما زود كان 14.4 امبير

لو 16 او ازيد....تقلق....لكن كده فل جدا :D ده عادي جدا لما تركب ال70 امبير....وعلى فكرة...انا سبت فارتا 70 جافة اسبوعين من غير ما ادورها خالص (شهر العسل يا معلم :mrgreen: )و جيت ادورها في الشتا كمان 100 100 و من غير اي مشاكل...

**شريف** · 25-06-2007 04:32 PM

انا كان قصدى طبعا فولت مش امبير
انا قست الشحن امبارح و كان مظبوط 13.5 عند دوس البنزين و النور العالى

**أبو_حمزة** · 25-06-2007 06:15 PM

ربنا يبارك لك فى البطاريه و العربيه كلها
بلاش تقلق من حاجه
ال70 امبير زى الفل و تحس معاها بفرق فى الدواره
فى الشتا بالذات

**Driver** · 25-06-2007 10:01 PM

انا قست الشحن امبارح و كان مظبوط 13.5 عند دوس البنزين و النور العالى

ده كده 100 100

**wael6** · 11-09-2011 10:28 PM

[IMG]file:///C:/DOCUME%7E1/HOLLYW%7E1/LOCALS%7E1/Temp/moz-screenshot-5.png[/IMG][IMG]file:///C:/DOCUME%7E1/HOLLYW%7E1/LOCALS%7E1/Temp/moz-screenshot-6.png[/IMG]السلام عليكم
غيرت البطارية من 5 ايام الى اى سي ديلكو جافه 70 امبير والقديمه كانت سائلة 70 امبير ايضا
الى الآن ركبت 4 دينامو 75 امبير بتاع الاكسنت عندى ع الاكسيل
وبرده شحنهم زايد من 14.5 الى 14.9 مع التزويد والسلانسية 14
وباقي مشكله عندى النور ضعيف ولما بزود النور بيزيد
كده احاول ادور على الدينامو ال 65 امبير بتاع الاكسيل الاصلى عشان الشحن يتظبط ولا ايه ؟؟
علما بان البطارية 70 امبير
هل ال الدينامو ال 65 هيظبط مع بطارية 70 ولا لازم يكون قوته اكبر من قوة البطارية ؟
نرجو الافاده العاجله جدا اليوم لانى هرجع الدنامو اللى راكب دلوقتى ومش عارف اعمل ايه
وشكر جزيلا

**muemam7** · 03-10-2011 03:51 PM

المشاركة الأصلية كتبت بواسطة Driver

لو 16 او ازيد....تقلق....لكن كده فل جدا :D ده عادي جدا لما تركب ال70 امبير....وعلى فكرة...انا سبت فارتا 70 جافة اسبوعين من غير ما ادورها خالص (شهر العسل يا معلم :mrgreen: )و جيت ادورها في الشتا كمان 100 100 و من غير اي مشاكل...

الله اكبر عليهاااااااااااا

**msnaga** · 08-10-2011 11:43 PM

المقصود بأن البطارية 55 أمبير والأخرى 70 أمبير هو سعة البطارية والخطأ الشائع عند عامة الناس أن تقول البطارية قوتها أو قدرته أو التيار بتاعها 55 أو 70 أمبير، وهذا خطأ والصح أن هذه بطارية ستها 55 أمبير.ساعة ، وتلك بطارية سعتها 70 أمبير.ساعة، بمعنى أوضح يعنى لو أن مستهلكات الكهرباء فى السيارة مثل الأنوار والكاسيت والولاعة وكل المستهلكات سحبت تيار مجموعة يساوى 55 أمبير يبق البطارية هتفضى فى ساعة ومثال تانى لو المستهلكات سحبت من البطارية تيار 5.5 أمبير يبقى البطارية هتفضى فى 10 ساعات وهكذا بفرض أن الدينامو لايشحن ولا يعوض المستهلك من سعة البطارية، ولكن الحقيقة أن الدينامو يعمل ويعوض المستهلك من البطارية ، ولايهم فى السيارة ان كانت سعة البطارية 55 أو70 أو حتى 30 أمبير.ساعة المهم كفاءة البطارية من حيث عمرها وكفاءة شحن الدينامو. وللعلم السيارة هوندا سيفيك بها جميع الكماليات موديل 98 أو 99 على ما أتذكر كانت نازلة ببطارية سائلة 35 أمبير.ساعة ولا مشكلة.