الموضوع: بطارية العربية 70 امبير

Get the 70 amper, a7san bekteer, and forget about it for 2-3 years

i think mawdoo3 el cassete da 3adi, i'll try it in my friends sahin w a2olak

أنا رأييى إنك تلتزم بأمبير البطارية اللى هو 55 أمبير
لأن ذى ما أنت قلت الدينامو مصمم أنه يشحن بطارية شدة تيارها 55 أمبير
واللى يفسر الكلام ده إنك ممكن تلاقى دينامو نفس الشكل الخارجى واحد
لكن واحد مكتوب عليه وبيطلع 55 أمبير والتانى اللى هو نفس الشكل بيطلع 65 أمبير او 90 على حسب
أما مشكلة الكاسيت دى عادية وما تقلقش منها

البطاريه ال 70 هاتحمل على الدينامو... و بالتالي على الموتور. انا ملاحظ ان العربيات الجديده مصممه ببطاريات بأمبير صغير.. و دينامو اعلى منها.. و ده معناه ان الدينامو اقوى من البطاريه فبيشحنها بسرعه و من غير حمل على الدينامو او الموتور. نصيحتي خليك في الـ 55 بس هاتها جافه ماركه كويسه. و يا ريت لو حد عنده رأي علمي يفيدنا بيه.

موضوع تكبير البطارية او تصغيرها ده ما بيجيش كده بالبركه .. كل حاجة ولها اساس علمى .. معظم العربيات الملاكى تقع تحت بند العربيات من 55 الى 70 امبير وكمية الامبير دى معناها التيار المسحوب من البطارية قد ايه علشان يقوم العربية ويشغل الانوار والكاسيت وخلافه يعنى لو عندى عربية بطاريتها 55 وحطيت لها بطارية 70 فمفيش مانع وكانك سحبت الميه من ماسورة تلات ارباع بوصة بدلا من نص بوصة والمشكلة هنا تكون فى حجم البطارية لو المكان عندك يسمح لان 70 امبير اكبر من 55 امبير طولا وعرضا وارتفاعا .. لكن لو عندك بطارية 70 واستبدلتها ب 55 فهنا تقع المشكلة لان التيار المسحوب يكون اكبر مما تسمح به البطاريه .. وكلما كبرت المركبه كبرت البطارية فمثلا الجرار الزراعى تلاقى بطاريته 100 امبير والاتوبيس تلاقبه 125 امبير وهكذا .. وانصحك نصيحة .. ركب البطاريات الجافة .. حلوة قوى وما بتحتاجش الى انك تتابع الميه ولا الحامض ولا نسبة التركيز ولا الكلام ده كله .. هى فيها لمبة لما تبقى خضرا يعنى انها مشحونه كويس لما يبقى مش فاكر رمادى تبقى كذا وهكذا .. بسيطة وسهلة وتعيش اربع سنين وزيادة