بتحس بأية وأنت نازل رايح الشغل؟

**nonetta** · 28-03-2012 09:22 PM

المشاركة الأصلية كتبت بواسطة ghosts

بتحس بأية وأنت نازل رايح الشغل؟!
ويا ترى لية بتحس بكدة؟!

باحب شغلي جدا
بس طبعا المحيطين بيخلوا الواحد يكره الدنيا واللي فيها
امتع لحظاتي في الشغل لما الاقي كل اللي في المكتب اجازة وانا لوحدي
باطلع احلى شغل

المشاركة الأصلية كتبت بواسطة ghosts

أنا زيك بالظبط وهقولك لية....
أولآ أنا مبحبش شغلى زى ناس كتيييييييييييييييييير أوى ....
ثانيآ عشان رؤسائى فى العمل للأسف الشديد جدآ جدآ معظمهم ستااااااااااات .... :019f3b~14:

مسك الست أى شغلانة يا معلم وهى بعون الله تخربها وتقعد على تلها ....
والمصيبة أنها فاكرة أنها صاحبة عقلية معملية فذة :ob_mak1[1]: وهى مش دريانة أنها عمالة تبوظ كل حااااااااااااجة ....

ربنا ينتقم منك يا قاسم يا أمين ....

ربنا ينتقم منك يا شيخ ....

بصراحة
رغم ان انا سيدة
وباقول لك عندك الف حق

**Ghosts** · 28-03-2012 09:48 PM

المشاركة الأصلية كتبت بواسطة nonetta

باحب شغلي جدا
بس طبعا المحيطين بيخلوا الواحد يكره الدنيا واللي فيها
امتع لحظاتي في الشغل لما الاقي كل اللي في المكتب اجازة وانا لوحدي
باطلع احلى شغل

أنا بردوا عندى نفس مشكلة الزملاء المحيطين بيا فى العمل ....
أية العجرفة اللى بقى فيها الناس اليومين دول؟؟!!

كنت دايمآ (أيام العبط والسذاجة) مبتسم علطول وأسلم على دة ودى ....
وبعدين أكتشفت أنى دايمآ اللى ببدأ بالسلام و لما أكون قاعد فى مكتبى وحد معدى مابيقولش صباح الخير ....
بيعمل نفسة مش واخد بالة ويمشى ....
يا سلام!!!!
و الحركات دى بيعملها الرجالة والستات دلوقتى ....
فى أية؟؟!!

طب مش مسلم على حد تانى إلا إذا كان محترم و متواضع ....
لكن اللى عايش فى الدور دة أحسن لة يبعد عنى ....

للأسف الشديد أنا أصبحت فى عملى مثل ال robot الذى يعمل فقط بدون أى مشاعر أنسانية ....

بصراحة
رغم ان انا سيدة
وباقول لك عندك الف حق

يا فندم دى شهادة أعتز بيها ....
وشهد شاهد من أهلها ....

**shaddadfalcon1** · 28-03-2012 10:41 PM

علي حسب
لو المشروع بييس وحلو ببقي عايز اطير وانزل ولو رخم وشغل كتيير ببقي مش عايز اروح

**zangry** · 28-03-2012 10:45 PM

انا لما بنزل اروح المدرسة اللهى يارب تولع بحس انى رايح اتسجن واقضى فترة عقوبة :d

**alfath8** · 29-03-2012 12:38 AM

رايح غرفة الاعدام
طبعا بدخل قبل الشمس ما تطلع اروح لعد غروب الشمس طبعا مبشفش الشمس يعنى 12 ساعة واقف ومديرة مطلعة عينك لما الواحد جاب اخره خلاص

**tkamal** · 29-03-2012 12:48 AM

شعورك ايه لما تقعد قى البيت منذ 6 شهور بلا عمل

**Eng_hatemfathy** · 29-03-2012 12:56 AM

كثيرون من يحبون اعمالهم ولكن لم اجد من اشاد بجو العمل او بمعنى ادق بروح الفريق وللاسف الشديد فشلنا فى العمل بروح الفريق حتى فى الالعاب الرياضية ولا تجد لمصر تميز الا فى الالعاب الفردية غالبا ولا تجد فى الاعمال تميز الا فى الاعمال الفردية وما عدى ذلك فتحطيم معنويات واهدار طاقات وامكانيات وحدث ولا حرج
الاصل فى منظومة العمل الجماعى فى مصر الحقد والحسد والغل والوشاية والاهمال ونظام الشئون الاجتماعية فى مساواة الجميع من يعمل كمن لا يعمل بل من لا يعمل تفضل وهو محبوب لانه لا تثار حوله مشاكل ولا يتعجل احد ولا يكشف تباطؤ احد او اخطاءه
لقد سافرت الى دول عربية واجنبية ورأيت كيف ان الغرب يقيل على العمل فى الصباح والابتسامة ملىء فاه وكيف ان الانسان له مكانه اولى ومقدم على المكان وعلى الماكينه
امامنا مئات السنين حتى يتغير الفكر ولن يتغير الفكر حتى نرى جيل جديد بتربية مختلفة بعيده عما هو كائن الان