بتحس بأية وأنت نازل رايح الشغل؟

**Dewo** · 30-03-2012 08:16 AM

المشاركة الأصلية كتبت بواسطة Ghosts

هو فى شغل بالساهل اليومين دول؟؟!!
ولا فى شغل مفيهوش قرف وتعب مهما كان؟؟!!
لو فى ياريت تقولى ....

على فكرة أنا مش قصدى خالص إن الشغل بالساهل أو مفيهوش قرف
بالكعس أنا شخصيا طالع عين أهلى فى الشغل

كل ما اقصده إن الواحد لازم يغير بنفسه . لو ماحولش ميتوقعش إن فيه حاجه هتتغير
وعلى رأى المثل

No Pain, No Gain

صباحك قشطه

**SYD** · 30-03-2012 09:13 AM

بحس اني متأخر
وبنزل مستعجل

انا احلي حاجة في شغلي
اني بالكتير اوي شهر والناس كلها بتتغير
حلوين بيتغيروا
دمهم تقيل بيتغيروا

حتي زمايلي بيتغيروا
الشركة ليها 6 فروع وانا بلف عليهم كعب داير دة غير ال on-site

بحب شغلي وشركتي
6 سنين ونص عدوا بسرعة ماحستش بيهم

هما بس شوية ملل
بيروح اول لما ادخل في شغل جديد او مع جروب جديد

والله المستعان
،
،

**المنسي** · 31-03-2012 01:34 PM

المشاركة الأصلية كتبت بواسطة dewo

من غير تريقة ياجماعة أرجوكوا

حد فكر إنو يغير الروتين اليومى بتاعه بدل ما تتتحرك فى مواعيد الموظفين وزحمة الشوارع والأرف أنك تصحى بدرى ساعه أو نص ساعه تروح النادى لو مشترك فى نادى تجرى شويه او تشترك فى جيم وتروحه الصبح بدرى قبل الشغل .
صدقنى هتروح الشغل بإحساس مختلف تماما

الموضوع فى وجهة نظرى موضوع جودة حياة وأستمتاعك بيها . لازم تاخد وقت من يومك لنفسك تمارس فيه هوايه أو رياضه أو أى شئ انت بتحبه . ساعتها يومك هيختلف كتيييييييييييييييير

لما تبقي المسافة بينك وبين شغلك 60 كيلو ذهابا وزيهم فى الاياب هتعمل ايه ولما يبقى ميعادك فى الشغل 8.30 صباحا وتنزل من بيتك 6.30 وتصحى 6.00 هتروح النادى امتى تخيل انت واحد بيصحى من 5.30 صباحا عشان ينزل شغله ويروح الساعة 8 او 9 باليل ده يعمل ايه غير طبعا الارف اللى بيشوفه طول اليوم الحمد لله على كل حال الواحد بيقول احنا احسن من غيرنا

المشاركة الأصلية كتبت بواسطة a_taamer

طيب انا اعمل ايه بقى اولع فى نفسى بعد 12 سنه شغل ونحت فى الصخر
لقيت نفسى فى الشارع وبدور على شغل منذ اكثر من 6 شهور دعواتكم بقى
عشان وحشنى بوذ الصبح وانت نازل رايح الشغل ونسكافيه الصبح ياة ايام بقى

لا تولع فى نفسك ولا حاجة ناس كتير زيك دلوقتى بس ده حال البلد ناس مبقتش تشتغل بعد ماكانت شغالة وناس حالها واقف ربنا يفكها عليك وعلينا